جنس آدم

البارت العشرون

البارت العشرون
#جنس_آدم💔
#بقلمي_شمس

وليد .. صدوگ نسيت اگولك .. لك سمعت بسنت گالت جبروها ع الزواج .  تزوجت لا ماادري ..

رامي .. شنو معقوله . فركت وجهي .. وليد اخيك خليني اقابل بسنت ..
هم ابرر الها موقفك وهم احجي وياها ع شاهيستا ..

وليد .. ومنو يگول تقبل ..
رامي .. لك شاهيستا كانت تسميها الثلاجه ..
وليد .. هاي الثلاجه ماشايفها اذا عصبت تصير صوبه 😂
رامي .. والك خلگ تنكت .. باجر اجيك للكليه ..
وليد .. تعال والله يستر ..

ثاني يوم رحت للكليه وشفت وليد يتوسل ويحجي وي بسنت .. اتقربت يمهم
مرحبا .. (بقلمي شمس)
اتباوعتلي بسنت ..
انت .. انت .. لك نذل شنو جابك هنا
وانت وليد شنو علاقتك بي
وليد .. للاسف ابن عمي
رامي .. للاسف رحم الله والديك

بسنت .. معقوله وگعت بنفس الحفره الي وگعت بيها شاهي ..
رامي .. بسنت بس اسمعيني اعترف اني نذل وحقير ومااستاهل اضفر من شاهيستا ..
بس اترجاج اسمعيني ..

وليد ماله ذنب اني سولفتله والفت من كيفي ماردت رجولتي تنهز ..
ليش انت عندك رجوله ..
وليد .. بسنت مو هيج ..
رامي .. حقج بس لو تعرفين شنو الي صار بيه من بعد الي سويته بشاهيستا ..
تدمرت حياتي وخسرت هواي ..

بس اطلبي منها احجي وياها .. وگوليلها دعائج الي دعيتيه عليه من طلعتي من الباب تحقق ..

بسنت .. اني راح اوصل الي گلته بس صدگني مستحيل تقبل تحجي وياك لو تقابلك اختي واعرفها ..

ومو عبالك شاهيستا نفسها الي تعرفها ترى تغيرت وصارت انسانه ناضجه وواعيه ماتتقشمر بسرعه ..

رامي .. بس سؤال اخير .. هي تزوجت
بسنت .. من انهزمت من المزرعه مالتك شافها ابن عمي وجابها للبيت وخطبها وجبروها تقبل بي بس مااتفقوا وتركته .. (بقلمي شمس)
يعني اختي اتزوجت وتطلگت بعمر صغير بسببك ..
وهسا استأذن ..
وليد .. انتضريني .. وين رايحه. .
بسنت .. وليد خليني هسا .. لو اعرف هذا ابن عمك مستحيل ارتبط بيك ..
هسا صار كولشي صعب بالنسبه النا ..
مستحيل اكسر بأختي واستمر وي احد من عائلة رامي ..
وليد .. واني شنو ذنبي .. رامي الي غلط وياها
بسنت .. وانت صدگته ..
يله باي غير وقت نحجي ..

رجعت الرامي .. الله لينطيك رامي .. حطمت حياتي بسنت راح تتركني بسببك ..
هسا اني شنو الي خلاني احجي واتورط

رامي .. هي بيا كليه تدوام ..
وليد.. اني وين انت وين (بقلمي شمس)
رامي .. دحجي شبيك ..
وليد .. ماادري يمكن علوم حاسبات ..

بسنت ..رجعت للبيت خبرت شاهيستا بكلام رامي ..
وهي عصبت عليه لان قابلته وحجيت وياه ..
بعدين من گولتلها ع الدعاء . 
استغربت ..
اي دعاء . مااتذكر
بسنت .. المهم حبيبتي لتعصبين اذا متردين تقابليه ممجبوره ..
واني حتى وليد راح انهي علاقتي بي ..
شاهيستا .. لج انتي خبله وليد شعليه ..
الولد مبين يحبج ويريدج لتفرطين بي وتحمليه ذنوب ابن عمه ..
ورغم انه وليد جرحني بكلامه بس مازعلت لان اكيد رامي ملفق عليه كلام وهو صدگه ..

بسنت .. حتى اذا خليه كم يوم يتگله حتى خاف عنده نيه مثل ابن عمه ينعدل ..
شاهيستا .. ضحكتيني واني ضايجة ..

بسنتر.. دزيت رساله الوليد.  ( شاهي عصبت ومتقبل تقابل رامي خبره )
وليد .. وانتي متقابليني
بسنت .. لا
وليد .. احبج
بسنت .. مااحبك
وليد .. ولو هم ابقى احبج واموت عليج 😘
بسنت .. 😡😡
وليد .. فديت المعصب
بسنت .. 😂😂
وليد..  فديت الضحكه
بسنت..  يله باي اريد انام
وليد .. نوم العوافي ( بقلمي شمس)

……………………………

رامي .. من گلي وليد ..  شاهيستا متقبل تقابلني ..
رحت ثاني يوم للكليه مالتها ..
واني اصلا مااعرف قسمها ..
بقيت ادور .. ومن گلي وليد لابسه حجاب ..
گمت ادور ع كل وحده لابسه حجاب ..
بالساعه ادور .. وتالي شفتها واگفه وي مجموعه بنات بس شطالعه تخبل والحجاب لايگ عليها ..

تقربت منها .. شافتني .. استأذنت من البنات وراحت
ركضت وراها ..
هي مستمره تمشي ..
گلتلها شاهيستا بس اسمعيني ..
اتباوعتلي .. اياك تنطق اسمي .. واذا متروح منا هسا اصيح الامن ياخذوك يشمروك بره ..

وتركتني وراحت ..
رجعت للبيت ضايج .. كانت عندها ريما وولد احمد
گلت السلام عليكم ودخلت للغرفه ..

ريما .. اتصلت عليه ماما .. گالت تعالي يمي انتي والاولاد ضايجه .. هي تحبهم وهمه هم ..
طبعا علاقتي بماما تحسنت .. والفضل الاحمد..

دخل رامي ضايج ..
گالت امي صارله كم يوم ضايج يجي وماله خلگ ..
گلتلها اني رايحه اشوفه ..
ماما .. اتركيه لا يسمعج حجايه ..
ريما .. ميخالف ماما .. لازم احجي وياه وارجع علاقتي مثل قبل ..

رحت للغرفه مالته .. دگيت الباب فتحتها تباوعلي ودار وجها..
كل مره يطردني من الباب ..
گعدت ع الكرسي مقابيله ..
گتله متحب تفظفظ مثل قبل ..

هو ساكت ..
گتله ..رامي اني اعترف بغلطي .. بس الله سامحني ورزقني بأحمد الي هو المفروض يكرهني بس دللني ومعيشني احلى عيشه ..
وماما هم سامحتني .. ورعد عزمنا كم مره ..
اني كنت صغيره وغلطت وعرفت غلطي وهسا عندي زوجي واولادي بالدنيا ..

تقربت يمه وابجي وهو احس عيونه غرگت بالدموع
حظني ويبجي .. واني ابجي فرغنه دموعنا اثنينا ..

هدئنا شويه وسكتنا ..
تالي گال .. الي صار وياج بسببي ..
ريما .. شنو تقصد
رامي .. اني شفت بنيه حلوه كولش .. حبتني وتموت عليه استمرت علاقتي بيها الاشهر .. بس اني كان غرضي اضحك عليها واخذ الي اريده واتركها ..
#بقلمي_شمس
يتبع…