جنس آدم

البارت السابع عشر

البارت السابع عشر
#جنس_آدم💔
#بقلمي_شمس

ثاني يوم لبست فستان اسود حلو لان اني حزينه ..
ورتبت شعري ..
اجت مرت رعد وسوينا اني وياها ..
كيك وبتيفور ..
وهي كل ساعه تسألني .. اشو ضعفانه ..
ومعبسه .. #شمس
اول مره اشوف وحده جاييها خطابه وهيج معبسه ..

هي تحب تسأل هوايه .. بس اني ماانطيها مجال اسكت وهي هم تسكت ..
همزين مگاعده ويانا نفس البيت ..

اجو اهل احمد .. سلمت ع امه واخواته ومرت اخوه ووياهم اثنين اطفال .. البنيه عمرها اربع سنوات والولد ثلاث سنوات ..
بس يخبلون حلوين ..
ام احمد .. دره تخبل حبيتها بسرعه .. ومبين عليهن فرحانات ..
تگلي .  يمه شگد كتلت روحي حتى ازوجه مايقبل . بس من شافج تخبل وگال الا تخطبيها ..
وزين مااختار جمال ونسب وشرف ..

اني دنگت استحيت من حجايتها وامي هم گاعده ..
گالت طلباتكم ..
عماتي اثنين جايات .. بقن يطلبن ويتشرطن ..
بس امي تلاحگت الوضع ..
گالتلها .. عيني ام احمد .. هي راح تصير بنتكم وبكيفكم مانطلب غير سعادتها ..
بس عندي طلب ..
اني عندي عده وحزانه .. من تعقدون سيد .. يجي السيد وانتو والولد يعقدون ويرحون مااريد هوسه ..

وبالزواج اخذوها وشتسوون سو هم ابنكم ولازم تفرحون بي ..
ام احمد .. والله بيت اصول والنعم منكم وزين مااختار وليدي .. #شمس
من تگول هيج .. احس گلبي ينزرف ..

ام احمد ..بس اوصيج يمه بذوله اليتامه .. اعتبريهم اولادج..
وادري بيج طيبه وبنت اصول ..

ريما .. اخليهم بعيوني خاله ..
ام احمد .. گولي يمه لان راح تصيرين بنيتي .. دتعالي خليني ابوسج ..
گمت بستها وحضنتني ..
وبوست الاولاد .. وجنه تگولي انتي عروسة بابا ..

طلعوا اهل احمد .. وعماتي يمدحن بيهم ..
ومرت رعد .. تگلي همه زينين بس العيب اولاده شجاج وقبلتي قابل بايره ..
ريما .. يكفي ايتام خطيه واكسب بيهم ثواب ..

ثاني يوم صارت المشيه .. وبعدها العقد ..
امي گالت انزعي الاسود مايصلح ..

اني ماقبلت .. بس جرحني كلامها .. گالت انزعي مو انتي الي موتي بعد المن لابسه عليه ..

معناها لسا شايله عليه .. #شمس
لبست ثوب بسيط حليبي وشال ع راسي اجه السيد عقد النا  .. وبعدين خلص ودخلوني للاستقبال محد جاي بس نسوان واخوه طلع وي اخواني بالحديقه ..

اول مره اشوفه زين .. يخبل احلى من بدر .. بدر يلعب النفس بالنسبه الاحمد .  شعجبني منه ماادري ..
لبسني الحلقه والذهب جايب تخم كولش حلو ..
بعدين ابتسملي وبوسني براسي ..
گعدوا شويه وطلعوا ..
وبقت صورة احمد ببالي ..اتغير تفكيري .. حسيت الي صارني كبرني وسوا عمري 30 ..
حتى تفكيري تغيير .

من شفت احمد ارتاحيت شويه .. مبين طيب ..
حددوا الزواج الاسبوع الجاي ..
واني كولشي ممجهزه .  كل يوم يجن اخواته ونروح للسوگ ونشتري ..
مخلن شي مااشترنه الي .. حبابات .. ورحنا صبغنا شعرنا .. #شمس
هنه متزوجات بنفس اليوم اثنين اخوه ماخذيهن ..
بتول حامل وزينب عندها طفل ..

ماسويت حنه لان حزينه .. بس بالزفه طلعت اخبل
كولها تعجبت ..
بست راس امي وطلبت رضاها .. حضنتني وتبجي واني ابجي اول مره تحضني من يوم الي صار..

اخواني ماشفتهم لان نسوان وهوسه ..
اجت الزفه وطلعنا بلا موسيقى ولا هلاهل .. مراعاة لمشاعر اهلي ..

رحنا للبيت .. وهوسه هناك گلبوا الجو بالرگص .. واحمد وياهم يرگص ويضحك .
معقوله ياربي فرحان لان تزوجني .. لو ديجامل حتى ميبين .. #شمس

تعشوا الناس وخلصوا .. اجه احمد وصعدنا الغرفتنا ..
گعدت ع السرير واستحي ..
اجه وگعد يمي ..
احمد .. ريما احنه زواجنا صار بسرعه بسرعه .. ولتتوقعين راح اظلمج لو اكرهج ..
بس مااگدر اتقربلج .. انتي راح تبقين زوجتي واريدج ام الاولادي .. تراعيهم وتخافين عليهم ..
ريما .. اخليهم بعيوني .. اني لو اعيش خدامه الك والاولادك مااجازيك بعد ماسترتني ..

احمد .. اششش اياج اسمع هذا الكلام .  الي صار انسيه ولتجيبين سيرته ابد .. وانتي مو خدامه لتنزلين نفسج انسي الماضي وافتحي صفحه جديده ..
وساعديني حتى نعيش سويه بسعاده ..

اتباوعله وهو يحجي .. عبالك ملاك .. معقوله اكو رجال بهذا الزمن هيج ..
گام بدل وگال بدلي انتي اني دا اتباوع للتلفزيون ..
بدلت لبس سيت ..
شويه واجت خاله ام احمد جايبه العشا ..

دگت الباب .. اتقرب يمي .. گال ريما حطيلي لمع منج
استغربت شنو لمع ..
گال من راسج ع وجهي .. شلت من راسي وترست وجها بس صدوگ ضحكت وهو يضحك ..
وجاب كلينكس ومسح الحمره .. وگال اي هسا تمام

فتح الباب شافته امه كوله لمع .. گام تتباوعلي نصيت راسي ..

نزلت تهلهل ..
گال اها خلصت . ولتخافين امي ماعنده هيج شي مال بياض وكذا ..
تالي اتباوع الروحه بالمرايه ويضحك ..
فدوه يخبل ..
ربي الحمد لله والشكر .. غلطت وزنيت وانت رحمتني
نزلت دمعتي ..
گال شبيج .. گتله لا ماكو شي ..
گال .. مااريد دموعج تنزل بعد ..
هزيت راسي وضحكنا وگعدنا نتعشا .  بيومها صدوگ حسيت بطعم الاكل ..
تغيرت حياتي بزواجي من احمد .. مع انه كنت خايفه منه صحيح ميتقربلي لسا بس مدللني ومعاملته حلو ..
وگدام اهله والناس كوله حبيبتي يگولي واني افرح من يجي خطار حتى يحسسني اني زوجته من صدوگ
وجنه وصفاوي فديتهم يخبلون ..
ميفارقونه .. ويصيحولي ماما وحتى ينامون يمنا افرشلهم وينامون . 
واحمد فرحان بينا .. لان انام بنصهم وهم حاضنيني .. ومره شفت صوره بجهازه مصورنا واحنه نايمين ..
فرحت لان حسيت اني جزء من حياته ..
#بقلمي_شمس
يتبع..