جنس آدم

البارت الخامس عشر

البارت الخامس عشر
#جنس_آدم💔
#بقلمي_شمس

شفت رعد يبجي وگاعد بالگاع .. گعدت گباله
ابويه شبي رعد گول ابويه صارله شي ..

رعد .. ابويه ماااات وحظني .. راح ابويه وتركنا والله الا اشرب من دمها بسببها راح ابوي ..

رامي .. هو يحجي واني صافن . لا ممعقوله .. ابويه قوي معقوله هيج يستسلم ويروح بسرعه ويتركنا

ركضت ع الانعاش .. لگيت مكانه فارغ .. گمت اعيط واصيح وين اخذتوه جيبوه .

الدنيا التمت علينا وتبجي ع بجينا .. فقدت بيومها ..
اتصلت ع عمامي وخبرتهم ..
گلت الرعد انت كمل الاجرائات .. واني رايح اخبر امي مااگدر اگلها بالموبايل ليصير شي عليها ..

صحيح رعد اكبر مني .. بس هو طالع وحده واني شايل مسؤولية اهلي .. ( بقلمي شمس)

وصلت الامي .. دخلت وعيوني دم من البجي ..
گامت شبيك يمه ابوك بي شي ..
جريتها وگعدتها ع الكرسي .. حظنتها ..

يمه اهدي .. ابوي راح ادعيله بالرحمه ..
هي سمعت عاطت بصوت هز المستشفى هز ..

ريما گامت من مكانها وتدگ وتلطم ووگعت .. وامي وگعت .
حرت شأسوي صحت الممرضات ..
امي ارتفع سكرها ..
وانطوا مهدئ الريما ..

اخذتهن وطلعنا للبيت حتى ليشك احد ..
دخلنا للبيت .
البيت وسخ .. اتصلت ع مرت رعد تجي للبيت ..
شلت الشراشف الي بغرفه ريما والحصيره واخذتهن وشمرتهن بالحاويه الي بالشارع ..
حتى محد يحس وحتى رعد نبهت عليه ميگول حتى الزوجته  .. وخليت ديتول وغسلت من الغرفه للصاله للحمام وغسلت الحمام وطلعت ..

امي تون وتبجي .. لبست اسود وتعيط وتصيح ..
نيمتها بالاستقبال ..
شويه واجت عماتي وخالاتي والجيران كولها انگلبت علينا
خبرت مرت رعد .. تنيم ريما. لان تخربطت وصار عندها هبوط .. عدلت فراشها ونيمتها ..

ريما .. نمت بفراشي وابجي ..
ومرت رعد تسأل ..
شدعوه تارسه الغرفه ديتول .. اختنگت ..
محجيت شي .  خطيه رعد تارس البيت ديتول شيسوي حتى يغطي عاري ويسترني ..

ايام الفاتحه كولها نواح وبجي وصوت امي بأذني ..
مااگدر اروح يمها واواسيها ..
لان نبهت عليه . مااجي يمها .. وگالت .. انتي لابنتي ولااعرفج ..
موتي ابوج وخليتيني بلا والي ..
مااسامحج طول عمري .. وديري بالج تجين يمي بالفاتحه اموتج وافضحج .. ( بقلمي شمس)

بقيت بالغرفه .. وكل اليجي يواسيني ويگولولي الله يصبرج..
والله يساعدج وجههج اصفر .. راح تموتين مو هيج تسوين بروحج ..

ريما .. ياليت اموت ولا ابقى عايشه وابويه مات بسببي
القهر والالم بداخلي مااگدر اطلعه ..
ابجي بسكته ..

رامي .. انكسرنا بعد ابويه .. وعمامي يسؤلون شلون وليش مگلتوا ..
وشصار .. گلتلهم بضاعه موصي عليها وراحت كلها انباگت ومخلي فلوسه بيهن مااتحمل وارتفع ضغطه ومالحگنا عليه ..

طلعت كذبه وحدي لعد شنو اگول .. اختي جابت العار النا وابويه مااتحمل ومات .. راح وتركنا وي هذا العار وحدنا ..

اجه احمد للفاتحه .. سلمت عليه بثگل ..
اخذني ع صفحه .. وگال .  اعذرني خويه .. بدر السبب بالكوه اجيت شلون اراوي وجهي الك ..

ماحجيت شي لأن مر وقتها .. جرح ابوي جديد ..
خلي تخلص الفاتحه والله كريم .. گلتله ..

………………………………………………

شاهيستا .. كنت عند اهلي وگاعدين نتغدا .. وگال بابا الماما
حظري ملابسي .. عندي فاتحه بالكراده ..
اخو جيرانا توفى والمنطقه كولها حتروح ..
ولو اني مااعرف كولش بس عيب ., الجيران گلولي مااكدر اگول لا ..

مااهتميت .  خلصت غدا ورحت لفراشي . وبسنت تغسل مواعين ( بقلمي شمس)
..

دا اتصفح بالفيس . عمود ابحث عن القبولات .
شفت بابا معلق ع منشور . الله يرحمه .
مسوين مشاركه الصديقه ومعلق بابا عليها ..

اتباوعت للمنشور . شفت الرجال المتوفي وصور للجنازه وولده واگفين .. وكاتبين والد رامي ورعد ..
شفت رامي .  اتخبلت ابوه توفى ..

ماادري شعوري .. شفته مكسور ويبجي ..
ههههه زين يعرف يضوج ويبجي .. استغفر الله هسا اني اتشمت وابوه ميت ..

اجت بسنت .. گالت شبيج .. راويتها المنشور
گالت الله يرحمه .. بس خلي رامي ينكسر شويه بلكي يهدأ ومايلعب ع بنات الناس ..

طلعت القبولات واني انقبلت علوم حاسبات ضجت حيل
وبسنت انقبلت تربيه .. ( بقلمي شمس)

وبديت اجهز للجامعه .. وياسر يگولي لبسي محتشم وبناطير ماكو ترى ابطلج ..
صاير طبعه مر .. ودايما يعيط عليه وعصبي .. قتل روحه حتى يتزوجني وتالي هسا بس يتعارك

گبر الكل رجال مايعرفون بس يسترجلون ع النسوان ..
هو هذا حظي ..
احب واحد ويطلع خاين ..
والي يحبني .. تخبل عليه بعد الزواج ..

غير امه الي متگابله وياي .. وتحجي عليه بالطالعه والنازله ..
وتذب الشغل كوله عليه وتگول البناتها لاتساعدنها ..

بس بنات عمو حبابات .. يساعدني بالبوگات ويعتذرن الي نيابة عن امهن. .
هن ثلاث بنات وحده متزوجه واثنين اصغر مني ..
بس حبابات ..

الا مرت عمو .. تكرهني وتسميني بنت المنصور ..
طبعهم يختلف عنا ..
هم بس مشاكل وعياط ..
ومرات تحرظ ياسر عليه .. وياسر هو منا متخبل مااعرف شبي . ودور يجي عليه يعيط ..
ومرات يضرب .. ويجي يبجي بحظني ويبوس بيه حتى ارضى ماعنده شخصيه ثابته ..

كلما اروح واشكي بابا يگلي ابن عمج واتحملي وبعدكم بالبدايه ماتعرفون بعض..
وماما تگلي اذا تطلگتي هسا ومصارلج شهر .. شتگول العالم علينا ..

بس اني قررت يمر كم شهر اتطلگ .. مستحيل ابقى بهيج وضع مااتحمل حياتهم .. غير حياتنا احنه هدوء
وتعامل بأحترام ..
عند بيت عمو حتى غلط بينهم .  وع اقل شي يتعاركون
بس الي مهون عليه .  مابقى بس كم يوم للدوامات وانداوم ..
#بقلمي_شمس
يتبع….