جنس آدم

البارت الخامس

البارت الخامس
#جنس_آدم💔
#بقلمي_شمس

كـونـي أنثـى لنفسـك فـلا يـوجـد رجـل يستحـق أن تكـونـي أنثـى لـ أجـلـه‏ ..

شاهيستا ..رامي خلص اني هسا معصبه ومااگدر احجي خليني اروح باي ..
رامي .. فركت وجهي وحيل عصبت بداخلي ( معقوله طارت مني لا هاي الاشهر كولها متحمل غرورها عمود احصل ع جسمها واضوگ جمالها تالي يروح كل الي سويته ببلاش )

ركبت السياره .. اتصلت ع وليد گلي اني بعدني بالجامعه ..
رجعت للمحل واني ضايج ..

شاهيستا .. رجعت للبيت وعيوني ينزلن دموع وحدهن .. وبسنت تحاول تعرف شنو بيه ..
مااگدر احجي مخنوگه ..

دخلت للبيت همزين ماما بالغرفه .. گولت البسنت گولي الماما شاهيستا تعبانه ونامت ..
مااريد غدا تغدوا ..

بسنت .. اوك بس مو عبالج اتركج .. من تهدين تسولفيلي كولشي ..
هزيت براسي وبدلت ملابسي ونمت ..
والاصح بقيت ابجي جوه البطانيه ..

للعصر رحت يم وليد ..
وليد .. خير اشو مو ع بعضك والظهر اتصلت عليه صوتك ضايج .
رامي .. من ورى شاهيستا صار شگد اركض وراها تالي تضيع مني ..
وليد .. متبطل سوالفك مو كافي بنات الناس مو لعبه ..
رامي .. لك اني مااضحك ع بنات الناس ..
بس ذني حرام يگولولهن بنات ناس الشعر للخصر وكوله بناطير وضيق وقصير ..
وبسرعه ضربت ميانه وياي وحب وكذا
وهي متعرفين الا يومين

هاي بنت ناس .. الولد الي يتغزل بجسمها ومفاتنها وهي مكيفه وذايبه ..
بس اني اعرفها تسوي روحها زعلانه وتبيع ثگل حتى اركض وراها بس بسيطه اني حراويها الركض ا اصوله

وليد .. ههههه لك متگلي وين تلگاهن ذني
رامي .. وين بالمنصور هنا
بس لسا مااندل بيتهم ..

وليد .. هوب لك يعني هاي بنت منطقتي مااقبل تتحارش بيها ..
رامي .. دروح عاد شلونك انت .. اصدگ صارلك سنتين بالجامعه متعرفت ع وحده
وليد .. لا وربي تدري بيه مااحب البنيه الخفيفه اريد وحده اثق بيها وثگيله وامن ع شرفي وياها
رامي .. اوووه انت شغلتك ماسخه تريد گبل زواج
لك حلات الدنيا كل يوم وي وحده
جربهن كلهن وتونس يالله تتزوج

وليد .. خويه اني وياك مانتفق .. دروح المحلك واني عندي امتحان كورس باجر ..
رامي .. طرده بنزاكه .. اني اترخص ع يوم ابويه يطردني من المحل ع گد ماهامله ..
يله مع السلامه
مع السلامه

شاهيستا..  كم يوم يتصل رامي وماارد ..
بعدني مامقتنعه بكلامه .. وبنفس الوقت صرت مدمنه ع حبه وصوته ومااگدر اتركه ..

بيوم طلعت من المدرسه .. لگيته واگف بباب المدرسه
شاهيستا .. رامي شتسوي هنايه روح
رامي .. مااروح الا تسمعيني
شاهيستا .. خلص روح للحديقه واجي وراك

التفتت ع بسنت .. گولتلها روحي گدامي للسياره وگوليله هسا تجي عندهم اضافي ..

رحت للحديقه .. شفته ورجعت روحي الي ..
جايبلي ورده بيضه ..
گلي مالگيت احلى من هذي اجيبها
شاهيستا .. رامي احجي الصدوگ علاقتك بعدهي لو لا
رامي .. شاهي انتي من دخلتي حياتي نسيت البنات كولها والدليل انه ماگدرت ع زعلج واريد اموت لان مااشوفج ..
شاهيستا .. ماردت شي يضيع رامي وحبي اله .. لهذا صدگته بسرعه ورجعت علاقتنا ..
رجعت للبيت فرحانه ..

مرت الايام والاسابيع ورامي يحاول نطلع بس گوتله حتبدي امتحانات نصف السنه بس تخلص اخر يوم نطلع سويه ..

وفعلا امتحنت نصف السنه وكانت امتحاناتي جيده ورامي يشجعني ..
وكل يوم يجي يم المدرسه .. كان يحاول يتقرب مني بس كنت اتجنبه .. بس هو دايما يلزم ايدي ويبوسها.
غير هيج ماكو ..
شاهيستا .. رامي حبيبي اصبر مابقى شي ونخلص ونتزوج واصير ملكك ..
رامي .. هاا اي صحيح ..

اخر يوم الامتحانات ..
طلعت من وقت كان الامتحان سهل ..
اتصلت ع ماما وخبرتها .. صديقتي عزمتنا ع غدا لان خلصنا امتحانات ..
وافقت ماما لان كانت تثق بينا ..
واحنه كنا كل فتره نتجمع اني وصديقاتي وبسنت ونروح للمطعم نتغدا ..

بسنت تعرف راح اطلع وي رامي .. لأن مااخبي عليها شي ..
وطلبت منها اذا سألت ماما ليش مراحت ويانا .. تگولها تعبانه ..

اخذني رامي تغدينا بمطعم .. وشربنا عصير .. تونست حيل وفرحانه لأن اول مره اطلع وي حبيبي ..
بعدين گلي عندي مفاجاءة الج ..

شاهيستا .. لا رامي ترى اني فضوليه مااتحمل ..
رامي .. لعد ليش سموها مفاجأة .. اصبري حياتي

حرك السيارة بكل سرعته .. وطلعنا ع طريق خارجي ..
كلما اگوله رامي وين رايحين ..
يگولي اصبري .. يمكن طلعنا خارج بغداد لان مااشوف بس بساتين ومزارع ..

وصلنا المزرعه وبيها بيت حلوه .. وكولشي بيها
گلي هاي مزرعتنا ..
شاهيستا .. كولش حلوه رامي .. شوف الفواكه والورد وكولشي بيها حلو ..
رامي .. اني عطشت تعالي نشرب مي واراويج البيت من الداخل ..
حتى من نتزوج نجي كل فتره هنا وحدنا عن الهوسه ناخذ راحتنا ..
ضحكت بخجل ودخلنا .. اني كنت اثق برامي ثقه عمياء لان كان دايما يسولف بالزواج .. وحياتنا بالمستقبل
وطول فترة حبنا محسسني اني مجرد تسلايه عنده ..

دخلنا البيت .. رحنا للمطبخ اتباوعت الثلاجه مطفايه وماكو مي بيها ..
مبين صار هوايه محد جاي للمزرعه ..
التفتت گوتله اشو ماكو مي ..
ماحسيت الا جرني من ايدي ويبتسم واخذني الغرفه
حتى كولها تراب ووسخه ..
سحبت ايدي منه وگوتله .. رامي شبيك تخبلت ..
#بقلمي_شمس
يتبع… .

………………………

اكيد حتگولون شلون تثق بيه وتروح وياه ..
بس اكو هوايه بنات هيج عواطفهم وحبهم يحركهم وميتصرفون بعقل .. بكلمتين غزل يقشمرها وياخذها الاي مكان ..
وان شاء الله تكون هذي عبره الكل بنيه ..

آرائكم حبايب #شمس❤