جنس آدم

البارت الثاني

البارت الثاني
#جنس_آدم💔
#بقلمي_شمس

شاهيستا .. ماانكر الولد عجبني .. بس ماردت احسسه انه اني ميته عليه ..
تركته ودخلت للمعهد بس عقلي بقى يمه وحتى ماانتبهت بيومها للدرس وكان عدنا انگليزي ..

وبسنت كل ساعه تگرصني . حتى انتبه .
خلص الدرس وطلعنا عبالي الگيه ماكو ..

بسنت .. هاي شبيج شاهي شدعوه هيج كاتله روحج عليه هاي عود انتي اكبر مني بدقايق 😂ولازم انتي تعلميني

شاهيستا .. هههههه حلوه هاي مال اكبر مني بدقايق ..
لج مااعرف اول مره احس هيج احساس اتجاه ولد ..

معقوله دا اراهق عن كبر هههههه ( بقلمي شمس)

بسنت .. اشو ولد عمو ماتوا عليج وانتي رفضتي ..
وحتى بيان ابن خالو .. رفضتيه ..

شاهيستا .. اووي شجاب ذولي الرامي .. وثاني شي اني مااحب الاقارب .. الغريب احلى واحسن 😂

بسنت .. هههههه بهاي صدوگ ..
ديله اسكتي وصلنا للبيت . #شمس.

دخلنا سلمنا ع ماما وبدلنا وساعدناها بالغدا .. تغدينا ونمنا وگعدنا العصر راجعت الدروس .. كنت مصممه انه اطلع كليه جيده ماتنزل عن الصيدله .
وخاصه مبقى شي للدوام ويبدأ ..

گالت ماما .. الدوام مبقاله شي شنو رأيكم .. نشتري من هسا ملابس .. قريب الدوام تصير ازدحام ..

فرحت من گالت ماما .. غمزت البسنت. 
وگلتلها يوم متخلينا نروح للكراده . بنيه صديقتي مشتريه ملابس من مول هادي سنتر يخبلن ومناسبات ..
مو صحيح بسنت ..
بسنت .. ها اي صدوگ .. #شمس

ماما .. اي بس منو يگول ابوكم يقبل نروح .
شاهيستا .. ههههه ماما هو يايوم رفضلك طلب ياحلو .. اشو يگلج شبيك لبيك مصطفى بين ايديك .  ( اسم بابا)

ماما .. ههههه مينگدرلج انتي .. ولا مبينات توأم انتي لسان وبسنت هادئه .. #بقلمي_شمس

شاهيستا .. يعني اني الي مونستكم بالبيت هيج تگولين عليه . اوك حصير جامده مثل بسنت حتى ترتاحون ..

ماما .. لا يمعوده كافي علينا ثلاجه وحده منريد
ثلاجتين 😂..
بسنت .. اها هسا صرت ثلاجه .. اوك لعد منا وهيج اصير صوبه 😂

اني طبعي احب الضحك ومرحه وشعاري بالحياة الضحك والمرح والونسه مااحب شي يضايقني او ينگد عليه ..
حتى من اضوج ماابين هالشئ ..

بابا يگولي انتي ملحة البيت ..
بسنت هم تضحك وتسولف بس مو بكل الاوقات بابا يسميها الثلاجه لان بارده ..
وبيبي ام بابا  .. تگول عليها الفاهيه ..

بسنت حياتي كولها سري وسرها واحد .. احنه صديقات مو بس اخوات ..
اذا ضاجت اضوج عبالك گلبنا واحاسيسنا وحده ..

ماما اخذت رأي بابا .. ووافق نروح للكراده نشتري ملابس ..
وكلف ابو الخط مالت المدرسه .. ياخذنا
هو جيرانه بس وين منريد ياخذنا . دايما أنأجره بطلعاتنا

صارت الجمعه لبست قميص وردي فاتح وفوگه يلگ ابيض وبنطرون ابيض وسويت شعري ذيل حصان مثل ميسموه
طلعت اخبل فديتني .. #بقلمي_شمس
بسنت هم نازكه وحلو لبسها ..

رحنا للكراده واني گلبي يدوگ سريع ..
صار كم يوم مشفته .. واكيد بعد ميجي من تصرفي وياه اخر مره ..
وصلنا مقابيل مجمع هادي سنتر نزلنا ..
دخلنا صراحه اول مره اشوفه للمول حلو وكبير .. بقيت اتباوع ع المحلات وادخل المحل واطلع بحجة كولشي ميعجبني ..
اووووف ونسيت الكارت بي مكان المحل وبأي طابق ..

صعدنا للطابق الثاني ..
اتباوع بالوجوه وشفته من بعيد واگف وي ولد وديضحكون .
سويت نفسي ماادري وگلت الماما ندخل الهذا المحل الي واگف مقابيله ..
طبعا بسنت اشترت وكملت بس اني بقيت ..
اتباوعت للملابس وسويت نفسي احجي وي الولد ابو المحل عبالي هو ابو المحل طلع مو هو ..

سألت ع سعر القميص والقياس .. التفتت صار مقابيلي ويبتسم .. #بقلمي_شمس
ابتسمت ودنگت ..
اشتريت قميص وصدريه وطلعنا .. اتباوعت ماهو ..
بقيت اتباوع بالمحلات وشفت محله مقابيل هذا المحل الي اشتريت منه ..
يباوع ومكتف ايديه ويبتسم ..
گالت بسنت ماما اريد عطور وشغلات .
اتباوعت ماما گالت هذا المحل مقابيلنا مال كماليات وكوزمتك خلونا نروح ..
شفت ماما توجهت للمحل واني مصدومه ..
هاي شنو راح ندخل للمحل مالته ..
شفت ولد يمه يشبها بس اصغر منه ..

ماما تسأل عن عطور وميك اب وكذا ..
بسنت عرفته التفتت عليه ومستغربه ..
اني نصيت راسي ..
رامي .. خاله اخذوا الي تردوه احنه مسويين تخفيضات
ماما .. اها اوك لعد .. اول مره اشوف تخفيضات بوقت المدارس الله يرزقكم ..

االولد الي وياه يمكن اخوه بقى صافن عليه ..
عرفت وقتها ماكو تخفيضات ولا شي .. بس هو تعمد يسوي هيج عمودي ..

اتقرب يمي .. وهمس .. هذي صدفه لو متقصده

اني محجيت بس ابتسمت ونصيت راسي ..
گال اويلي ع خجل بنت المنصور .. اليوم الكراده منوره يابه ..

التفتت ماما هو سوه نفسه دا يرتب بالغراض ..
گالت تعالي شاهي شنو محتازه غراض ..
اتقربت يم ماما اختارينا ودفعنا اجه رامي جاب علاگه وعبئ الاغراض الي اشتريناها بيها وشفته خله ورقه صغيره بيها ونطاني العلاگه وگال بالعافيه اني اخذتها وطلعنا ..

كانت اديه ترجف ساعتها .. همزين ماما وبسنت ممنتبهين وكانو يباعون للكريمات ..

رحنا نشتري احذيه .. بالمحل الي يمهم .. كان رجال كبير بالعمر ..
وشفت رامي دخل ورانه .. تعجبت هذا شنو جابه 😲

گاله تفضلوا ..
واشر للرجال .. گله بابا استريح اني اشوف طلباتهم ..
عرفت وقتها هذا المحل هم الهم ..
#بقلمي_شمس
يتبع..