جنس آدم

البارت السادس

البارت السادس
#جنس_آدم💔
#بقلمي_شمس

هاي شبيك رامي تخبلت .. اني ثقيت بيك هيج تسوي

رامي .. لج شنو تخبلت .. صار كم شهر مخبلتني وتبيعين ثگل عليه ..
شاهيستا .. لك وخر ودفعته ردت اطلع ..
سحبني من شعري وشمرني ع السرير ..
ادفع بي ماكو .
هجم مثل المخبل .. واني اعيط واتوسل

رامي عفيه لتتهور . انت موگلت حنتزوج انتضر ليش هيج تسوي ..
رامي .. لج اني اتزوج وحده مثلج ساقطه ( عفوا ع الالفاظ)
انتي مكيفه ع الوضع لتسوين روحج شريفه براسي ومغروره ومتقبلين المسج وانتي عارضه جسمج للولد
وشعرج وجمالج كل هذا وتسوين نفسج شريفه

ضربته راشدي .. رجع ضربني .. #شمس
اتوسل وابجي ميفيد .. ادفع ماكو .. مزگ قميصي وشعري نتفه تنتف ..
يضرب واني اتوسل احس خشمي وحلگي بس دم ..

رامي .. لج هذا الجسم من زمان اني اتحسر عليه والبياض واخيرا صار الي ..

اني اعيط وادفع وهو مزگ ردن ايدي ويتلمس ..
بعد مااتحمل .. احس خلص حياتي هنا توقفت

ماكنت اتوقع هذا الحب والغزل والكلام الحلو ..  كوله عمود يحصل ع جسمي .. #شمس

گوتله .. رامي عفيه ماعندك اخوات تقبل واحد هيج يسوي بيها ..
ضربني وگلي .. لج اختي اشرف منج .. ع الاقل محجبه وساتره نفسها مو مثلج تتمايلين بشعرج ولبسج الحصر ومفاتنج كولها مبينه ..

دفعته حيل مااعرف منين اجت القوه .  ضربته برجله بمنطقه اذته حيل وركضت للباب
واني اعيط وابجي ..
عساها بعرضك رامي .. حسبي الله ونعم الوكيل بيك
الله ياخذ حقي منك ..
فتحت الباب وشفته گام ..
گمت اركض بلا وعي وابجي رحت ع الشارع العام اتباوع ورايه .. اخاف يركض ورايه .. #شمس

شفته اجه ورايه اتهسترت وگمت اركض ووجهي كوله دم وملابسي مشگگه ..
اركض واشر للسيارات محد يوگف ..
گمت اركض بلا توقف ..
نسيت الجنطه مالتي بالسياره مالته ..
همزين الموبايل بجيبي مال صدريه ..

اوگف بالسيارات محد يوگف .. ومن حظي السئ
اجت سياره لا ع البال ولا ع الخاطر ..
مااعرف اجه نقمه او نعمه الي ..

اجه سيارة الحموله مال ياسر ..
ياسر ابن عمي .. عنده اخوه بالخارج يدزله حموله وهو يبيع هنايه ببغداد ..
وبيومها اجه وجايب الحموله .. #شمس

اني مثل المخبله اوگف بالسيارات .. شافني نزل بالاول ماعرفني ..
گال ها اختي شبيج ..
اتقرب عليه شافني واني اتباوعله وابجي ..
تخبل .. بسرعه نزع قميصه ولبسني ..
وبقى يعيط عليه منو سوى بيج هيج گولي .. ويهز بيه ويضرب ..
واني بس ابجي .. #شمس
تالي حس ع العمال الي وياه وسياره الحموله وگفت لان هو يمشي قبلهم بسيارته الخاصه ..

ركبني بسرعه ومشى .. اخذ الطريق كوله يعيط عليه ويگول ويامن صخمتي .. منو الضحك عليج

ماردت يتشمت بيه ياسر لان رفضته ..
گمت اعيط .. گوتله محد ضحك عليه .. انخطفت تفهم شنو .. اجرت ابو تكسي وخطفني .
بس مگدر يلمسني .. يعني گدرت احافظ ع شرفي

ياسر .. انجبي واسكتي حسابج مو هنا .. خلينا نوصل واريد اشوف عمي شنو رده ..

عرفت ياسر لگاها فرصه حتى يذلني .. وتمنيت ميته ولااصير تحت رحمته .. #شمس

وصلنا البيت اهلي .. نزلت من السياره ودخلت للبيت. 
ماما وبابا نايمين ..
دخلت للغرفه ابجي ..
شافتني بسنت بقت تعيط .  لج شبيج منو سوه بيج هيج
اشرتلها .. اشششش لتگولين اي شي ولاتجبين اسم رامي ابد ..

دخل ياسر يعيط . گعدوا بابا وماما
بابا .. شكو ياسر شبيك خير
ياسر .. اسأل شاهيستا شوفها شمصخمه ووي منو..
لگيتها غ الطريق الخارجي ..
ملابسها مشگگه .  ووجها كوله دم ..
متگولولي وين جانت .. اكو. اهل تاركين بنتهم برى البيت الظهر ونايمين .. #شمس

ماما .. اني ثاقه ببنتي لتتجاوز حدودك ياسر .. راحت وي صديقاتها..
بابا دفر الباب وشافني بهذا الوضع تخبل اجه سحبني من شعري .. يبقى رجل شرقي وشرفه اهم شي حتى لو كان متحرر او يثق ببناته ..

گال .. منو سوى هيج بيج گولي ودفرني ..
ماما سحبته وتبجي .. احجي لج منو سوى هيج

شاهيستا .. ماما اني گوتلج حتغدا وي صديقاتي من طلعنا اجرت تكسي خطفني واخذني بطريق خارجي ردت انهزم لزمني وضربني وحاول وياي بس اني ضربته وانهزمت مگدر يلمسني وربي اني شريفه بعدني
ومحد گدر يدنسني .. صدگوني والله .. #شمس

بابا .. ارتفع ضغطه والتهوا بي .
اني ركضت للحمام نزعت ملابسي اتباوع بالمرايا ع جسمي وبجي .. كوله ازرك واثار ضرب ..
ترست البانيو مي وصابون وگمت اجلف بجسمي وابجي
بقيت هوايه بالحمام
ماما وبسنت عبالهم سويت شي بنفسي ..
كسروا الباب ويعطون

رديت عليهم ..مابيه شي لتخافون .  بسنت ممكن تجيبن منشفه وملابس الي
جابت ملابس ومنشفه .. بدلت وطلعت ..
لگيت بابا نايم بالغرفه ..
رحت يمه بوست ايديه .. واقسمتله انه محد لمسني وبعدني بنيه ..
دار وجها وگال .. اذا تردين ارضا عليج .. اقبلي بأبن عمج ياسر .. #شمس

الولد مستعد يتستر عليج ويحافظ ع سمعتنا وميجيب سيره الاي احد ..

گمت من مكاني .. اتباوع الماما وبابا واحجي .. اني مبيه شي حتى يتستر عليه فاهمين
ياسر لگاها حجه حتى يكسر خشمي ويتزوجني ..
هذا كلامه الي ..واجته الفرصه لحد عنده ..

بابا گام يعيط عليه .. هذا اخر كلام . اذا تقبلين تنخطبون وتكملين دراسه وتتزوجون من تخلصين سادس ..
واذا متقبلين تبطلين وتگعدين بالبيت ..
#بقلمي_شمس
يتبع…