جنس آدم

البارت الثالث عشر

البارت الثالث عشر
#جنس_آدم💔
#بقلمي_شمس

الليل كوله مانمت ابجي وادعي .. كون اطلع مو حامل

ثاني يوم الصبح .. اتصل عليه بدر ..
گال اطلعي اجيت ..
ماما بالغرفه وبابا واخواني كالعاده بالمحلات ..

طلعت بهدوء .. فتحت الباب ..
بدر .. هاي شنو عيونج وارمات .. هاج اخذي حللي وان شاء الله مو حامل ..
ريما .. لو كنا متزوجين كان فرحنا لان حامل مو ندعي حتى مااطلع حامل ..

اخذت التحليل ودخلت للحمام ركض ..
اني مااعرف شلون بس قرأت التعليمات..  واني بحثت البارحه عليه بالنت ..
سويته وبقيت انتضر .. صارت شطولها ..
طلعته غمضت واني ادعي فتحت .. لگيت خطين واضحات وضوح الشمس ..
گعدت بالگاع وابجي والطم ..

ياربي هسا شأسوي يقتلوني اخواني اذا دروا ..
غسلت وطلعت .. اخذت التحليل صورته وضميته وقفلت الكنتور .. ( بقلمي شمس)
دزيت الصوره البدر ..
دز .. يعني شنو
ريما .. يعني حامل 😭😭

بسرعه اتصل .. اني احجي وابجي .. بدر عفيه سويلي حل تعالوا اخطبوني .
استر عليه .. انت مو گلت نتزوج ..

بدر .. اهدي حبي .. اسمعي حتى اذا تزوجنا ..
راح يحسون يعني اكيد يگولون شوكت حبلت ويحسبون اشهر ..
ثاني شي اني بعدني ممسوي شي ولا مجهز نفسي
حتى فلوس ماكو جوه ايدي ..
اهلج من اخطبج اكيد يردون مهر وفلوس منين اجيب ..

ريما .. عزا بدر وهسا شأسوي .. لو اموت روحي لو يموتوني ..
بدر .. اسمعي .. لازم تتخلصين من الطفل
ريما .. شلون اخاف
بدر .. اصعدي ع السرير واطفري .. الى ان يوگع غسلي وارتاحي للصبح ميبقى شي ..
ريما .. اخاف
بدر .. لعد تبقين هيج .. ماكو غير هذا الحل ..
ريما .. بدر مو تتركني
بدر .. طبعا مااتركج .. بس سوي الي گتلج عليه ولتخافين ( اووووف شورطني اني )
ريما .. اوك باي ..

غلقت الموبايل من بدر .. وگمت اصعد ع السرير واطفر .. واصعد واطفر .. مااعرف شگد ..
الى ان گمت احس بألم .. واستمريت اطفر بعدين حسيت شي وگع عليه ..
تباوعت دم بس مو طبيعي مثل النزيف .  رجلي گامن يرجفن .. الفراشات انملت دم .  اريد اسيطر ماكو ..

الدم ميوقف كولشي سويت وماكو .. تالي ركضت للحمام ..
نزعت ودا اغسل وميفيد حسيت عيني گامت تغوش ومااشوف بعيني ..
سمعت ماما تصيح .. ريما يمه شنو هذا الدم ..
بشنو اانجرحتي .. افتحي يمه وتدوگ بالباب ..
اني هنا حسيت بالنهايه .. احس صفرت من الدم
واغمى عليه ..

ماحسيت ع روحي الا واني بالمستشفى وماما يمي تبجي ..
اتباوعتلي بغضب😡 . سود الله وجههج ويامن مصخمه وسودتي وجهنا ..
شيخلص من اخوتج .. حالفين يقتلوج ..
وهذا ابوج الي وگع وصابته جلطه وهسا بالانعاش ..

ليش هيج وتلطم ع وجها وتبجي ..
بعدين سمعت حركه .. گالت سوي روحج نايمه ديري وجهج .. يقتلوج والله ..
………………………

رامي .. احنا كنا بالمحل .. اتصلت الوالده ..
الو ها يمه خير
يمه الحگني اختك ماادري شبيها مجروحه الغرفه متروسه دم .  ودخلت للحمام تغسل وبعد ماطلعت وادگ ماترد .. ( بقلمي شمس)

ركضت ع ابويه گتله وقفلنا المحلات وركضنا للبيت .. الطريق صار شطوله ..
دخلت للبيت وامي گاعده يم باب الحمام وتعيط
كسرت باب الحمام .. لگيتها بوضع عاري .. والحمام عباره عن بحيره دم ..

عطت بأمي .. گرمي جيبي شي لبسيها واستريها
راحت امي تركض جابت كلبيه لبستها وغطتها
واخذناها للمستشفى..
ورعد وابويه ورانا اجو ..
دخلوها بسرعه للطوارئ اجت الدكتوره ..
گالت دخلوها للصاله .  اخذوها ..

طولت هواي والدكتوره ماكو .. امي رادت تدخل گالولها ممنوع ..
شويه وطلعت الدكتوره . 
گالت البنيه منو زوجها ..
امي .. يمه مامتزوجه . وذوله اخوتها وابوها

الدكتوره .. ماما شنو مامتزوجه . البنيه صاير عندها اجهاض ونزيف حاد .. واريد توقيع من زوجها او ابوها يوقع .. اذا موقف النزيف نشيل رحمها ..

رامي .. اني وجهي اصفر .. وممصدگ ..
امي تعيط وتلطم .. اني هجمت ع الدكتوره .. انتي شتحجين متگوليلي ..
انتي غلطانه .. مستحيل اختي تجيبلنا العار .. مستحيل ..

سمعت صوت ورايه التفتت .. شفت ابويه وگع نقلناه بسرعه للطوارئ فحصوه ..
گالوا لازم يروح مستشفى عام لان صاير عنده جلطه ..

اخذه رعد بسيارة الاسعاف ..
واني الدكتوره كتلتني الا توقع .. والله ماردت اوقع ردت اخليها تنزف وتموت ..
بس امي بوست حتى ايدي وتتوسل ..
وقعت ورحت ورى ابويه .. وبقت امي يم .. العار حرام اسميها اخت ..

وصلت لگيت رعد يبحي ويگول .. ضاربته جلطه قويه وخلوه بالانعاش ..
ودي اروح واقتلها بيدي . 
بس ردت اشوف منو الندل الي ضحك عليها .. وسوت سوايتها وياه ..
وبعدين اشرب من دمهم اثنينهم ..

گعدت بالگاع ومنصي راسي .. واجت عبالي شاهيستا من اعتديت عليها ..
گالت ( عساها بعرضك رامي .. حسبي الله ونعم الوكيل بيك .. الله ياخذ حقي منك .. )

معقوله .. صار هيج بأختي .. لان ضلمت شاهيستا واعتديت عليها .. وتالي شوهت سمعتها گدام اصدقائي

لو هاي ضحكي ع البنات هو السبب ..

آه شاهيستا .. ضلمتج وطلعتج مو شريفه وانتي لا مالابسه حجابه حبيتيني ووثقتي بيه .. تالي غدرت بيج
ههههههه واختي الشريفه والمحجبه . طلعت عاهره

هاي حوبتج بيه .. شاهيستا .. من اعتديت عليج مامرتاح
وين الگاج ..حتى تسامحيني ..

اجه الدكتور گمت .. گال حالته متطمن .. الضغط ماينزل حضنت رعد وابجي .. اتصلت امي .
ماگلتلها شي .  بس گلتلها بالانعاش .
غلقت الموبايل تذكرت موبايل ريما اكيد بي رقم هذا النذل ..
گلت الرعد انت ابقى هنا واني هسا اجي ..
ركضت حركت السياره ورحت للبيت ..
#بقلمي_شمس
يتبع….