جنس آدم

البارت الحادي والعشرون

البارت الحادي والعشرون
#جنس_آدم💔
#بقلمي_شمس

هي حلوه وتخبل ومناقصها شي .. بس اني كانت نيتي باطله لان تلبس ضيق ومغري وشعرها نازل ع جسمها عبالي من ذولي البنات ..
لحد مااخذتها المزرعه جدوا . وردت اعتدي عليها بس هي منعتني بكل الطرق ..
اني مزگت ملابسها وضربتها ..
وفوگ هذا كوله شوهت سمعتها .. #شمس

من طلعت من الباب .. گامت تدعي عليه .. وگالت عساها بعرضك رامي .. وگام تتحسب عليه
دعوتها بقت بأذني .. انتي صار وياج الي صار وابويه راح وتشتتنا ..
يعني اني السبب بكل هذا ..
بس اني حبيتها بعد ماتركتها .. مافارقت خيالي ولسا احبها واريدها ومستعد اتزوجها. .
من باجر بس توافق ..
بس هي كارهتني ومتريدني .. #شمس

ريما .. هي وين بيتهم .. اني اروح واحجي وياها
رامي .. شتحجين
ريما .. اترك الموضوع عليه
گوم وصلني البيتهم .. واترك الباقي عليه..

رامي .  اني مااندل وين بيتهم بس وليد يندل هي يم بيتهم .. خليها للعصر ونروح ..

بس وليد خطيه .. يحب اختها وهسا من عرفته ابن عمي تركته ..
ريما .. خطيه شوف الصدفه ..

للعصر تركت الاولاد يم ماما وفهمت احمد ع السالفه مااتعرض ..
اخذني رامي ومرينا ع وليد ورحنا البيتهم .. ووليد يگولي
احجي وي بسنت عمودي ..
اكلوا الگلبي هو ورامي ..
وصلنا .. دگيت الباب طلعتلي امهم ..
سلمت عليها گولتلها خاله شاهيستا موجوده ..

الام رحبت بيه ودخلتني للاستقبال .. #شمس
ومن غير متسأل اسئله منو انتي وشرايده وكذا ..
مبينه سبور وشكلها صغير وبناتها بطولها ..

اجت شاهيستا ومستغربه ..
سلمت عليها .. طبعا الجمال مااكدر اوصفه تخبل
( وثول الرامي هذا الجمال وخسره من ايده )

گالت .. لاصغرا بيج منو انتي ..
ريما .. تعالي اگعدي ونسولف واعرفج عن نفسي
شويه واجت اختها جايبه مي وعصير ..
سلمت عليه ..
ريما .. بسنت مو
بسنت .. بلي
تعالي اگعدي انتي هم ..#شمس

گعدوا وهم مستغربين ..
.. اني اخت رامي وبنت عم وليد ..

شاهييتا گامت ومعصبه ..
شوفي حبيبتي انتي ع راسي وببيتي .. بس اذا دازج اخوج اعذريني مااستقبل اي شي من طرفه .

ريما .. اني اجيت لان حالتج نفس حالتي ..
اني هم انسان حبيته ووثقت بي واخذ الي راده مني وتركني ..
حملت منه واجهضت نفسي طبعا بتخطيطه هو وتالي نزفت ووصلت الموت ورادوا يقلعون رحمي بس الله ستر ..واهلي عرفوا وبابا مااتحمل وتوفى وماما كرهتني
واخواني اتبرأوا مني .. #شمس

والي حبيته تركني وهاجر ..
وتزوجني اخوه .. الله عوضني بي صحيح ارمل وعنده اثنين اولاد ..
بس ستر عليه وماخله احد يعرف . 
والي يعرف سري وتركني غرگ بالبحر وهو دايهاجر ومات ومات سري وياه ..
اللهم لا شماته .. بس ربي اتباوعلي رغم الالم والظيم الي شفته .. بزوجي دللني ويحبني رغم كولشي گلي انسي الماضي ونبدي من جديد ..
اولاده اولادي ويگلولي ماما .. اعتقد ماشفتي الي شفته ولاعشت الي عشته ..

اتباوع الشاهيستا وبسنت . يسمعوني ويبجون ..
شاهيستا .. وشلون گدرتي تتحملين وتصبرين هيج ..

ريما .. دعائي وربي وصلاتي .. كل يوم استغغره الى ان سامحني ..
ورامي الي انتي تكرهي مو رامي الي عرفتي قبل ..
تغير وانكسر .. وينام ويگعد يگول هاي دعوات شاهيستا عليه .. #شمس

رامي اخذ جزاته بيه وبأبويه الي راح ..
سامحيه .. مو لان اخته بس لان عرف غلطه ويريد يصححه ..
شاهيستا .  يعني لو انتي الي حبيتيه وتركج . ورجع تسامحيه ..
ريما .. اني اختلف اني غلط وياي وحملت منه وتركني ..
واتزوجت بسرعه .. يعني ماعندي فرصه افكر اسامح او لا .. بس من مات سامحته ..

اني هذا الي عندي وانتي فكري . 
وبسنت انتي هم .  وليد ماخطأ بحقج حرام تعذبيه .. يگول والله مابقى شي الامتحانات اخير السنه واعقد عليها ونتزوج ..

بسنت .. ههههه خليه شويه اعذبه .  بس طبعا احبه ومااتركه ..
ريما .. اسفه اذا ازعجتكم
شاهيستا .  بس ماعرفنا اسمج
اني ريما
شاهيستا ..حلو اسمج ..
ريما .. بوستني وگالت تمنيت لو متعرفين بغير هذي الضروف .. الله يعلم حبيتج ..
والله يسعدج بحياتج..  بس اعذريني من ناحيه اخوج مااكدر ..

سلمت عليهم وطلعت .. #شمس
ورامي ووليد اكلوني بالاسئله ..
رامي معقوله هيج جمال وادب .. تتركه
رامي .. اسكتي لتتخليني اكتل روحي
شگالت ..
گالت خليها للايام ..
رامي .. يعني اكو امل
كذبت عليه لان مااريد اضوجه وعسا وان يجتمعون بيوم

وليد .. واني بسنت شگالت حجيتي وياها
ريما .. اي هههههه وگالت اني احبه بس حاليا ضايجه منه ..
وليد .. خليها تضوج ولا تكرهني .
اني اعرف شلون اراضيها ..

مرت الايام والامتحانات بدت .. وقبل الامتحانات بيوم
وليد حظر مفاجأة البسنت وعزمني ..
وخطبها گدام الطلبه .. بالقاعه مالتهم زينها ورتبها
لبسها خاتم وحلقه ..
وهي مصدگت نست الزعل بسرعه ..
اتمنيت الله يسعدههم وحظها يصير احسن من حظي ..

بدأت الامتحانات بشهر السادس وصادف رمضان وي الامتحانات ..
وتعبنا بين دراسه وصوم والحر  ..
اني كنت ماالتزم بالصلاة والصوم .. بس هذي السنه التزمت حيل ..
اجتازيت الامتحانات كولها بجداره ..
وخلصنا .. التهينا وي ماما بتحضيرات العيد لان نهايه رمضان ..
ومبقى شي .. سوينا تنضيفات العيد والحلويات وحتى ملابس اشترينا ..

رامي .. كان الجو حار ونهايه رمضان متعب وشاهيستا صار شهر ماكو شي جديد ..
احس روحي مختنگ .. حتى بالمحل مالي خلگ اوگف
كان المول مليان ناس تشتري وهذي فرصتنا ..
بس اني مالي خلگ الكولشي ..
#بقلمي_شمس❤️
يتبع…