جنس آدم

البارت الثامن عشر

البارت الثامن عشر
#جنس_آدم 💔
#بقلمي_شمس

شاهيستا .. داومت بالجامعه وشفت حياة ثانيه .. وصادقت بنات بسنت مو وياي طلعلها تربيه انگليزي
بس كنت اتجنب الشباب بس بنات اصادق .. صارت بيه عقده ..

بالبيت عذاب وجهنم من. ياسر وامه .. فالجامعه متنفسي الوحيد ..
ارجع للبيت تبدي المشاكل .. وامه تصيحلي العاگر ميصير عندج جهال ..
گدام عمو تعاملني زين ووراه تطلع سمها كوله ..
ومره ضربت بنتها لان دافعت الي وصارت من جانبي ..

صدوگ مااتحملت .. صعدت الغرفتي فتحت الكنتور لميت ملابسي واجيب واخلي .. ومااشوف الا باكيت شرايط
بالكنتور جوه الشراشف ..
استغربت ..
دخلت اسمهن بالگوگل طلعت منشطات ..
انصدمت معقوله .. ياخذ منشطات .. يعني هو عاجز ويطلع السبب بيه وكل مره يضربني ..
يگولي من اشوفج تشمأزين مني ابطل اتقربلج ..

وامه تطلع الصوج بيه .. خلي تشوف ابنها شبي ..
دخل ياسر يعيط ..
ليش متعاركه وي امي ومعيطه عليها ..
اني ساكته وهو يحجي ..
گتله خلصت ..
گال .. شكو
نطيته حبوب المنشطات بيده ..
گوتله هاك وبعد لتطلع الصوج بيه
واني رايحه الاهلي
گال اذا طلعتي اكسر رجلج ..
ههههه تكسر رجلي .. شوف ياسر صار ثلاث اشهر متحملتك ومتحمله امك ..
مسوي نفسك رجال عليه وانت .. بعدني مكملت ضربني جرح شفتي بالخاتم ماله ..
گتله وربي اذا متوديني الاهلي وتطلگني ..
افضحك بين عمامي والناس كولها ومااخليك تطلع للباب

گال .. اني مااريد مره مثلج تفضح رجلها وتهدده
بس الصوج بيه الي سترتج
هههههه اشو انت تكذب الكذبه وتصدگها شنو لگيتني مو بنيه وسترتني ..
وشلون عرفت بله وانت ..
هو گام يعيط ويدفع .
اطلعي انتي طالگ طالگ طالگ .
وامه گامت تهلهل ..
وليهمك يمه اخطبلك الي تسواها ..
اتباوعتله گتله عود اتعالج يله تتزوج مو تظلم بنت العالم وياك ..
دفعني ووگعني اني والغراض ..
وامه عوزها بس ترگص ..

كان المفروض مااجرحه هيج .. بس ماادري حسيت اجتني الفرصه حتى ارد ظلمه وكسرته الي وشوه سمعتي گدام اهلي ..
حاله من حال رامي عندي ..

طلعت الاهلي حتى ماوصلني .. شفت جيرانهم رجال عنده تكسي .. گتله وصلني گال تدللين عمو
بس هو فضولي ..
هاي ياسر ضاربج كسر ايده ليش هو الي عنده هيج مره يضربها . عبالك گمر 14 ..
طلع الحجي زاحف درجه اولى ..

وصلت الاهلي دخلت واني مخنوگه .. شفت ماما گدامي وصار المغرب ..
تعجبت من شافتني اني حضنتها وابجي والوم بيهم ..
وسولفتلهم كولشي ..
حتى گولت الماما لسا ماأتقربلي وبعدني بنيه ..

گالت البابا .. بابا اتصل ع عمو وگام يحجي .. وگله بنتي مابايره من باجر يطلگها وبيت ابوها موجود ..

ارتاحيت حضنت بسنت واخيرا رجعت المكاني وحياتي
اووووف واخييييرا ..

طلعت ملازم دا اقرا واتباوع البسنت .. تتراسل بالموبايل
والضحكه متفارق وجها ..

اتقربت يمها .. خرجت .. گلتلها المن تراسلين
لج مااخذتي عبره من الي صارلي ..

بسنت .. شاهي اني حذره .. والولد مؤدب وابد ميطلب مني حتى نطلع خارج الكليه ..
اكثر الاحيان بالكافتريا .. شگد حاول وياي وماقبلت الا لمن جربته واتأكدت من مصداقيته ..

شاهيستا .. منو هو ووين يدرس
بسنت .. اسمه وليد مرحله ثالثه بنفس القسم وياي ..

شاهيستا .. ان شاء الله .. يسعدكم ربي بس كوني حذره لان جنس آدم ميتأمن ..
بسنت .. لتخافين عليه حبيبي ..

.................................... .

بسنت اني ووليد تطورت علاقتنا وصرت مااگدر استغنى عنه ولايستغنى عني ..

والكليه كولها تسولف بحبنا ..
بس شاهيستا ممرتاحه وگالت الا اتعرف عليه واشوفه يله اطمأن ..
عساس عندها حاسه سادسه تعرفه خاين لو صادق😂

......................................

ريما .. حياتنا ماشية تمام وي احمد واولادي .. وجنه بالروضه اخذها واجيبها واسوي الغدا .. ومرت محمد تسوي العشا .. والبيت مشترك

خالتي ام احمد تموت عليه .. وحمواتي كذلك ..
وحتى مرت محمد زينه ..
بس مرات تسمعني حجي ..

اهلي علاقتي بيهم شويه تحسنت .. واروح الهم اني واحمد والاولاد وماما تحب جنه ومصطفى عبالك احفادها من صدوگ ..

وبيوم اجه احمد ومحمد يبجون ..
گالوا بدر وهو طالع عن طريق البحر .. غرگانين وكولهم ميتين وناشرين اسمائهم ..

البيت انخبص بالعياط .. وخالتي تعيط .. والبنات والناس التمت واني ولا دمعه نزلت مني عليه ..
عرفت ساعتها انه طلع من گلبي .. مااعرف اگول يستاهل لو اگول الله يسامحهر..

دخل للغرفه احمد حضني وگام يبجي ..
بجيت وياه
گال ريما .. ابريله الذمه ..وسامحيه
گتله الله يسامحه ..
وانت لتقهر روحك هذا قدر الله ..
احنه مالنا غيرك اني واولادنا ..

اتباوعلي .. گال تخافين عليه ..
مسحت دموعه وگتله .. انت كولشي بحياتي واولادي طبعا ..
حظني حيل وبوسني ..
گال الله يحبني وخلاني اتزوجج ..
وهسا اريدج ترفعين راسي بالفاتحه انتي مرت الكبير ..
تدلل بعيني اني مرت احمد .. مو حي الله ..

ابتسم ابتسامه خفيفه وطلع وعيونه مليانه دموع ..
الاولاد خافوا من البجي والعياط .
صعدتهم الغرفتي وفتحتلهم تلفزيون ونيمتهم ع السرير ..

واشتغل شويه واجي اتباوعلهم شويه ..
اجت امي للفاتحه حضنتها كنت مشتاقتلها ..

مااعرف شلون مرت ثلاث ايام الفاتحه بين تعب والناس ..
حتى احمد مشفته .. يبات بالاستقبال يم عمامه ..
خلصت الفاتحه ..
اجه گال ريما حضريلي الحمام ..
حضرتله الحمام وگتله هسا اجيب ملابسك ..
الحمام بالطابق الفوگ ..
جبت الملابس سحبني للحمام خجلت اول مره اشوفه بهيج منظر ..
گال تحبيني . ابتسمت ..
شالني وطلعني للغرفه .. وووووو ❤️
نمت بحضنه وهو يلعب بشعري .. گال تدرين اني كنت معجب بيح من زمان .
#بقلمي_شمس
يتبع...

...........................

حبايب اليوم نزلت 5 بارتات . اصابعي تعبن من الكتابه ..اكمل الكم. باجر وتصبحون ع خير
متابعه ممتعه 😘😘
#شمس ❤