جنس آدم

البارت الثالث

البارت الثالث
#جنس_آدم💔
#بقلمي_شمس

اختارينا الحذاء وكال شنو القياس ..
حجينا اني وبسنت سويه 39
هو ضحك وراح جاب القياس الي نريده ..
هم سوالنا تخفيض .. ماما ماارتاحت ..

گالت تعرفون هذا الولد اشو ماارتاحيتله
بسنت .. لا ماما وين نعرفه (بقلمي شمس)
شاهيستا .. اي منين نعرفه واحنه اول مره نجي لهنا

طلعنا من المجمع واني مرتبكه ومااعرف الطريق شطوله صار ..
وصلنا للبيت ركضت للغرفه .. فتحت العلاگه وطلعت الورقه ..
كاتب بيها ( انتضرج تتصلين بالليل هذا رقمي )
وحتى حسابه بالفيس كاتبه ..
دخلت ع صفحته الشخصيه . شفت بنات هوايه معلقات اله ..
وهو مبين سبورت ومتحرر ضجت ..
دخلت بسنت .. هاي شنو شاهيستا . يموت الصاك مالتج
مبين مخلي عينه عليج وحتى تخفيضات سوى ..

شاهيستا .. لج يا حاط عينه .. تعالي شوفي الصفحه مالته مليانه بنات ..
بسنت .. اي تدرين هو صاحب محلات واكيد عنده زبائن ..
اشو بديتي تغارين عليه 😂
شاهيستا .. لا لج ع شنو اغار هو اني شعرفت عنة ..
وفوگاها نطاني رقمه ويريد اتصل عليه ..

واخاف اتصل واتورط .. والرقم مو نفس مال الكارت ..
يختلف اكيد مخليه العلاقاته .. #شمس

بسنت .. هاي شنو شاهي ولا اعرفج هيج تغارين وشكاكه ..
شاهيستا .. لا ع شنو شكاكه بس مستغربه
بسنت .. وع شنو متعبه نفسج ..
اتصلي عليه وشوفي شنو غرضه وشنو يريد منج ..

ولتنسين انتي سادس لتخلين هيج امور تشغلج ..

شاهيستا .. لاعيني شگلولج .. اني شاهيستا ماكو احد يضحك عليه ..
بسنت .. عفيه بشاهي .. اووووف هيج وربي يرزقني بواحد مثل الصاك مالتج ..
شاهيستا .. حضنتها وان شاء الله الاحلى منه ..
انتي تخبلين ومناقصج شي ..

دخلت ماما علينا .. گوموا ساعدوني بالعشا حيجون بيت عمكم اسامه وماالحگ ..
شاهيستا .. هففف اكو احد يجي هسا ..

گمنا وي ماما حضرنا عشا ووصينا بابا ع صمون وكولا وگال حجيب دجاجتين مشويات ومقبلات احتياط اخاف ميكفي العشا ..
احنه مسوين فنگر وكباب وكبه وسلطه وفواكه ..

اجو بيت عمو .. واجه وياهم اللزگه والغثيث ..
ياسر  .. #شمس
خلي يعرفكم عن نفسه وارجعلكم ..

مرحبا اني ياسر ابن عمها الشاهيستا وبسنت ..
اني اشتغل بالتجاره وشغلي رحمه من الله .. واحبها الشاهيستا من احنه صغار .. بس هي متنطيني وجه ودايما تجرحني بالكلام💢
وتگولي انت مو طموحي .. خشمها يابس بس حلفت متصير الا الي ولازم اكسر هذا خشمها وغرورها وتباهيها علينا ..

ماانكر هي حلوه كولش بس مو معناها تغتر عليه ماعاشت الي تسوي نفسها احسن .. صحيح احبها بس الشغله صارت عناد ومقرر بس اتخرج اخذها واتزوجها حتى اذا غصب عنها ..

شاهيستا .. هفففف شفتوه شگد غثيث ومزعج ..
لهذا مااطيقه عباله الحب بالقوة ..

سوينا العشا وهو طول العشا مشال عينه عني بس يخزر بيه ..
واني ممهتمه عيني ع الساعه .  ورامي اكيد هسا دا ينتضرني .. #شمس

خلصنا ودا اسوي جاي .. اجه ياسر بنات عمو وي بسنت بالغرفه واهلي واهله بالاستقبال ..
وهو استغل الوضع واجه ..
هلو بزوجتي المستقبليه شلونج بالدراسه ..

التفتت واني معصبه .. مستحيل فاهم ولتكرر هذي الكلمه ع السانك لتندم وتنصدم بيوم الي اتزوج غيرك

ياسر .. خفي علينا يبنت المنصور .  تالي انتي الي تنصدمين وتجين عروس البيتي ..

صبيت الجاي وگتله من رخصتك .  ابعد واحلم ع كيفك ..
تركته واخذت الجاي ..
نطيتهم كولهم هو گعد ويتباوع ومنتضر دوره صدوگ ازعجني وفور دمي ..
وصلت يمه وهو يبتسم بمكر سويت نفسي اتعثرت ووگعت الجاي عليه .
هو گام يطفر ويعيط . بابا گام يعيط عليه .  اني سويت نفسي ضجت ركضت للمطبخ وخربانه ضحك عليه ..

اجه هو يغسل شافني اضحك ..
ياسر .. ادري بيج متعمده سويتي هيج .. بس اذا ترديها تحدي ماعندي مانع ..
تركته ودخلت يم البنات ماطلعوا للساعه 11 لزگوا عبالك صمغ .. #شمس

ترددت اتصل والوقت اتأخر ..
دخلت ع الصفحه مالته اتباوع واتصفح بصوره يخبل ..
ماادري بالخطأ ضغطت اعجاب ..

ورة فتره . دخل هو ع الماسنجر ..
گال تعرفيني وناطيتني اعجاب ..
اني ممخليه صورتي وحتى مو اسمي الحقيقي ..
لهذا ماعرفني ..

حبيت اضحك شويه .. وگوتله اسفه بالغلط ..
رامي .. انتي منو ومن وين
شاهيستا .. يعني انت كل الي تنطيك اعجاب تتعرف عليها .. #شمس
من هيج صفحتك كولها بنات ..

رامي .. اويلي يابه يعني مفلستها للصفحه .  بعد لويش تگولين بالغلط ..

شاهيستا .. لا بس الفضول خلاني ادخل ع صفحتك ..
( هههههه ردت اضحك عليه بس هو غلبني وطلع ذكي وميتقشمر )

رامي .. اشو اختفيتي .. ممعقوله متعرفيني زين اني اعرفج .
شاهيستا .. نوعا ما
رامي .. اكيد احد الزبائن الي يجن للمحل ..
شاهيستا .. وانت كل الزبونات تنطيهم حسابك ورقمك وتسويلهم تخفيضات ..
رامي .. ههههههههه
شاهيستا .. اشو تضحك حجيت شي خطأ😡
رامي .. شاهيستا
شاهيستا .. 😲😲
رامي..  الووووووو وين رحتي لازم من الصدمه متوقعتي اعرفج بسهوله ..
ديله راح اتصل ماسنجر ردي ..

شاهيستا .. اتصل ماسنجر ومتردده ارد تالي رديت ..
سكتت
الو خليني اسمع صوتج ..
شلون عرفتني
لان انتي الوحيده الي انطيتها رقمي وحساابي وسويتلها تخفيضات .. بداخلي ( اقصد انتي الوحيده الي نطيتها اليوم  😂)
وانتي الوحيده الي بقت ببالي ومافارقت گلبي ..

هوب هوب يمعود ع كيفك ترى لا اعرفك ولاتعرفني شبسرعه سويتها قصه حب ..
#بقلمي_شمس
يتبع…

…………………………… .

حبايب القصه بيها احداث هواي .. فراح اكتبها ع راحتي حتى مااتسرع بيها واحاول انزل كم بارت باليوم ..
اتمنى ماتتضايقون اذا تأخرت عليكم ..
لأن الي يهمني متابعتكم واستمتاعكم بالقصه ..
تحياتي ❤️ وتصبحون ع خير
#شمس