جنس آدم

البارت العاشر

البارت العاشر 🔞
#جنس_آدم💔
#بقلمي_شمس

رجعت للبيت .. مرتبكه گالت ماما شكو ..
بسنت .. ماكو شي بس لان الماركت بعيد تعبت صدوگ هو بعد كم شارع عنا ..

دخلت لگيت شاهي دتقرأ ..
سولفتلها الي صار .. عاطت بيه .  بسنت لتثقين بأي احد حتى لو گلج اموت عليج واتزوجج لتصدگين الا يجي ويدوگ بابج من صدوگ ..

لج كولهم يكذبون يخلوج تحبيه وتتعلقين بيه وتالي يغدر بيج وگامت تبجي ..

عرفتها تذكرت رامي .. لأن كان اول حب بحياتها وخذلها خطيه ..

حظنتها .. شاهي لتخافين عليه .. مستحيل اثق بأي شخص ..
اول مره احس شاهيستا منكسره ..
كانت تمشي ع طولها وعندها ثقه بنفسها عجيبه حتى يگلولها مغروره ..
مرحه وتضحك وتحب الحياة ..
بس هسا تغيرت صارت انسانه ثانيه. .
حتى الدراسه متدرس بس تباوع للكتاب وصافنه ..
……………………………………………

ريما .. گاعده الصبح دا ادرس .. اتصل عليه بدر ..
گال حبيبي عندي مفاجأة الج ..
ولازم تحاولين تطلعين اني منتضرج براس الشارع ..

رحت الماما .. بابا واخواني بالمحلات ..
ماما علا صديقتي عندها مرشحات وكذا وگالت تعالي نقرأ سويه ..
وهي شاطره البنيه حتى تفهمني ..

ماما .. اي روحي بس مو تتأخرين لان خاف يجي رامي ومالي خلگ يبقى يحجي ..
تدرين بي ميقبل تطلعين ..

ريما .. لا ماما مااتأخر حتى قبل ميجي اني هنايه راجعه بدلت لبست بنطرون وقميص سمائي فاتح ولفيت الشال واخذت جنطتي وطلعت ..

امشي واتلفت اخاف يشوفني احد او يجي رامي ع غفله
طلعت شارعنا اشرلي بدر بأيديه ..
ركضت صعد بالسياره .. گوتله اطله بسرعه ليشوفنا احد
بدر .. هههههه ماادري بيج خوافه ..
ريما .. شنو خوافه اذا شافنا رامي يموتني وربي
بدر .. وليش يموتج غير اني الخط مالج .. نطلع حجه رايحه عندج دوره او اي شي ..

ريما .. اطلع بدر عفيه يله
بدر .. خلص هاي مشينا ..

الطريق كوله يمشي ويتغزل ولازم ايدي ويبوس بيها گلبي يريد يطير من الفرح ..
احبه اموت عليه ومستعدة كولشي اسوي حتى اسعده مثل مانطاني هذي السعاده ..

اتباوعت طلعنا الكراده كولها ..
ريما .. احنا وين رايحيين ..
بدر .. مو گتلج مجهزلج مفاجأة
ريما .. بس هيج بعدنا هوايه عن بيتنا واخاف اهلي يتصلون ويگولون ارجعي شلون ..

حبيبيتي شبيج خايفه .. مانطول واني وياج لتخافين خلينا نعيش هذي اللحظه وهذا اليوم ..
اريده اسعد يوم ..

وصلنا البنايه والصراحه مااعرف احنا وين ..
نزلنا .. بدر احنه وين
بدر .. هاي الجادريه .. وحتصير شاهده حبنا
ابتسمت .. حلوه اول مره اجي  ..
بس احنا شنسوي هنايه..

سحب ايدي وابتسم .. دخلنا للبنايه الطابق الثاني فتح باب شقه ..
مؤثثه وتخبل .. انبهرت بيها ..
دخلنا .
بدر .. شنو رأيج بعش الزوجيه مالتنا ..
ريما .. يخبل بدر معقوله حنعيش هنايه ووحدنا ..
حظنته بلاوعي ..
وگوتله شوكت يجي هذا اليوم الي اصير مرتك بي ..

بدر..  بأي يوم ترديه تصيرين مرتي ..
ريما .. شلون يعني ..

اتقرب مني ونضراته غريبه .. ابتعدت عنه . 
ريما .. بدر شبيك .. مووكتها .. حتخلص امتحاناتي ونتزوج ..
بدر .. طبعا نتزوج ليش اني اگدر اتركج انتي صرتي حياتي بس هذا مايمنع انه ..
ابوسج او احظنج ..
اتقرب مني اكثر . لزمني من خصري قربني اكثر ..
احس جسمي بين يرجف وبين يخدر ..
باسني واول مره هيج يبوسني ..
ذبت انتهيت بين ايديه .. شالني واخذني للغرفه واني بلا وعي رايحه بعالم ثاني ..
حسيت بأحساس مااعرف اوصفه .. بوقتها ماادري الشي الي نسويه صح او خطأ ..

بين ادفع بي وممتنعه عنه ..
واگوله لا بدر مو وكتها لتتهور ..
وبين اني مندمجه وياه وقابله لان بساعتها ماكان عقلي الي يفكر غريزتي والنشوه الي اني بيها ..
خلتني اروح وياه العالم ثاني وماحسيت ع نفسي ..

گعدت عبالك كنت بحلم .. شفت نفسي بوضع عاري وبدر نايم يمي ..
تذكرت اجينا لهنايه اني وبدر .. اوووف گمت ادگ ع وجهي وابجي ياربي شسويت بروحي ..
گمت شفت نفسي كولي دم .
عرفت ساعتها حياتي خلص انتهت .. بس ادري ببدر يحبني وميتخلى عني ..

گعد بدر ع صوتي ..
شبيج حبيبتي شكو .
ريما .. شكو بدر هاي شسويت ليش هيج .. مو گتلك خليها لمن نتزوج ..
بدر .. حبيبتي احنا شبه مخطوبين . واني مستحيل اتخلى عنج كولها شهر ونتزوج بس تخلصين امتحانات ..

ريما .. اي لعد دز اهلك خلي يخطبوني ..
حبيبتي اوعدج ادزهم بس اهدي .. ولتخلين احد يحس گومي اسبحي وبدلي خلي ارجعج لان هسا بالوحده الظهر ..

ريما .. شنووو بالوحده عزا .. هسا اهلي يموتوني
تباوعت للموبايل صامت وماما متصله 15 مره

عزا عزا .. شراح اگوللها
بدر .. ريما كافي شبيج گوتلج نتزوج ليش خايفه ..
يله گومي اسبحي ..
بدلت بسرعه گتله مااسبح .. خلينا نروح بس اوصل اسبح لبست البنطرون ورجلي وسخه كولها دم وملابسي بس غسلت وجهي وطلعنا ..

الطريق كوله ساكته ومااحجي..
وبدر يحاول يهدأ بيه .. ويگولي لتخافين ولتضيعين احلى يوم بحياتنا ..
ومن هذا الكلام ..
واني بعالم ثاني .. شلون سمحت النفسي اسوي هيج صحيح احبه ومااتحمل لمسه منه . بسرعه اذوب بين ايديه ..
بس كان لازم امنعه من البدايه .  ومااخليه يتقرب
وصلنا قريب الشارع مالتنا نزلت ..
حتى ماسلمت عليه ..
امشي ورجلي ترجف من الخوف ومن الي صار ومن الالم ..
فتحت الباب ودخلت تلگتني ماما تعيط وتحجي عليه ..
وين لسا .  واجه رامي وسأل عليج وگوتله بالحمام
همزين مااتاخر واخذ الغدا وراح ..
#بقلمي_شمس
يتبع….
……………………………………………

حبايب اعذروني لان هذا البارت بي شغلات اباحيه بس حتى نبين انه شلون اكو بنات يتقشمرن بسرعه ..

والشغله الثانيه .  رامي كان يعاير بشاهيستا ويگولها تسوين اغراء بجسمج وشعرج  ومو شريفه وكذا وحاول يعتدي عليها..
وهي صحيح لبسها مغري بس حاافظت ع نفسها ومخلته يلمسها ..
اما اخته ريما .. محجبه وساتره نفسها بس سلمت نفسها وماگدرت تحافظ ع نفسها ..

لهذا لازم مانحكم ع الناس من المظاهر ..
تحياتي شمس❤️