جنس آدم

البارت الرابع عشر

البارت الرابع عشر
#جنس_آدم💔
#بقلمي_شمس

وصلت للبيت .. دخلت للغرفه منظرها يلعب النفس ..
دورت ع الموبايل مخليته جوه المخده ..

حاولت افتحه ماكو مخليه رمز .. شگد حاولت ماكو
اخذته ورحت للمستشفى الريما ..
تفتحه گدامي .. رحت امشي سريع ..
وصلت اتصلت ع امي .. گالت طلعوها للغرفه . اول غرفه ع اليسار ..
دخلناها بالخاص غرفه وحدها .. حتى لحد يشوفها ويعرف شبيها وننفضح .. (بقلمي شمس)

وصلت للغرفه فتحت الغرفه .. لگيت امي گاعده وتبجي
والعار نايمه ..
رامي .. بعدهي ماگعدت
امي .. لا يمه بعدهي انطوها مسكن ونامت  ..

رامي .. راح انتظر بره من تگعد گوليلي ..
اريدها تفتحلي الرمز لو تگلي ع النذل الي سوى هيج بيها ..

ريما .. اني مسويه روحي نايمه وخايفه .. عرفت موبايلي عنده ..
يعني ماكو مهرب ..
طلع .. گمت ابجي ..
ماما .. عليمن تبجين احمدي ربج ماكتلج وانتي نايمه ..
گولي منو الي ضحك عليج ..

ماحجيت شي بس ابجي ..
يوم والله ع ساس يجي يخطبني .. هو گال مستحيل اتركج .. يحبني وهسا بس يدري يجي يخطب ..

ماما .. يافرحتي ولج صدگتي اهله يقبلون .. هو ماعليه شي اشمه ولد ..
الا انتي بنيه .. اذا سمع منو يگول ياخذج .. لج ردتي تموتين ورادت الدكتوره تقلع رحمج .. لو ما الله ستر

وگدرت توقف النزيف .. خلولج ثلاث ابطاله مال دم . 
دمج صفر ..
ساعه ادعي تگومين بالسلامه .. وساعه اگول لو ميته ..
بس گلبي ماينطيني .. گلب والده ..

ليش جبتي العار النا ليش . وگامت تبجي وتلطم ..
واني مابيدي شي بس ابجي ..

سمع صوتنا رامي .. دخل ..
اجه شد شعري حيل ..
رامي .. افتحي لج افتحي .. وگوليلي منو هو گووووولي
اني محجيت بس ابجي .. اخاف اگول اسمه ويقتلوه
مااگدر بلاه ..
ضربني رامي خفت فتحت الموبايل والحظ كان اول اسم اسمه .. (بقلمي شمس)

رامي .. فوگاها كاتبه عليه حبيبي ..
من حظج وحظ النذل الي ضحك عليج ..
وضربتها لو اموتها ماارتاح ..

اتصلت عليه من موبايل ريما ..
بدر .. الو ها حبيبي بشري شسويتي .
رامي .. لاتخاف يانذل سقطته ابن الزنا مالتكم ..
گول انت منو يانذل والله اذا ماتجي وتصلح غلطك اشرب من دمك ..

خررررب خلص رصيد ريما .. طبعا مخلصته اتصالات ليش ميخلص ..
اتصلت بي من جهازي ..
رفعه .. الو
لك گول منو انت ..
بدر .. اسمعني اني ماجبرت اختك ع شي راحت وياي برضاها ..
وسلمتني نفسها برضاتها .. لو مربيها زين سوت هيج

رامي .. لك ياسگط .. ضحكت عليها وخليتها تحمل وتگول برضاتها .. اذا انت رجال تعال واجهني
بدر .. هههههه ومنو يگول الطفل مني .. شوف اختك وي كم واحد غيري نامت ..
رامي .. ياكلب يا ..…  والله بس اعرف منو انت الا اموتك واشرب من دمك ..

استغليت عمرها وضحكت عليها .. واخذتها بنيه وهسا تگول هذا الحجي ..
وربي موتك ع ايدي . 
غلق الجهاز بيدي .
لزمتها من شعرها . گولي ولج لا اموتج ..
لو مو بالمستشفى احنه كان خليت طلقه براسج وغسلت عارج ..
گووووولي .. تخافين عليه (بقلمي شمس)

ريما .. والله گال اتزوجج .. ودا يلم نفسه حتى يتقدملي هي غلطه صارت وگال اني اصححها ..
رامي .. هههههه لج مصدگه بكلامه .. هاج اسمعي شيگول عنج ..
فتحت تسجيل المكالمات وسمعتها ..

ريما .. اسمع كلامه وابجي .. معقوله هذا بدر هذا الي حبيته وسلمته نفسي ..
هذا الي وثقت بي وصدگته .. اتهسترت وگمت اعيط،وابجي بلا وعي ..

وگوتله بدر اخو احمد صديقك .. هو الي قشمرني وكم مره اعترض طريقي وسوه كولشي حتى يخليني احبه
ووعدني بالزواج وتالي هيج يحجي عليه ..

رامي .. احس شرار يطلع من عيني .. معقوله اخو صديقي واخويه اعتبره  ..
واني اگول الصوت سامعه ..
اتباوعتلها گلتلها احسابج بعدين ..

وركضت . طلعت من المستشفى طاير البيت احمد ..
اتصلت ع احمد ..
الو احمد بدر وين .
احمد .. ماادري ليش
رامي .. روح للبيت وشوف اخوك للسگط ولاتخليه يطلع اني جاي ..

ام رامي .. الله لاينطيج يريما .. راح تودين اخوج بداهيه وابوج ذاك الي بين الحياة والموت ..

اني ابجي ومابيدي شي اسويه .. غلطت وجاي ادفع الثمن غالي ..
اتقشمرت بأسم الحب .. وتالي طلع مو حب نقمه عليه

رامي .. وصلت البيت احمد كسرته ..
طلع احمد .. گال خير رامي شكو
رامي .. اخوك وين
احمد .. ماادري اجيت گالت امي اخذ ملابسه والفلوس ومستمسكاته وطلع ..
رامي.. اصدگ ماتعرف وين راح
احمد .. وربي ماادري اني مااعرف السالفه شنو اصلا
رامي .. اخوك ضحك ع اختي وغلط وياها
وابوي بيت الحياة والموت . 
اختي طفله وقشمرها لو يصحح خطأة لو اقتله ..
وين ماالگله دمه مهدور .. وهاي اني اگلك..

احمد .. 😲😲 اختك ريما .  شلون .. خرررب .. اااااه يابدر. بس لو الزمك ..
اسمع رامي الشغله صارت يمي .. اتركه عليه وخلي الموضوع بينا اني وياك وبدر ..
مايطلع حتى اذا صارت قسمه ماتنفضح وتتعير البنيه

رامي .. الكم مهله اسبوع بعدها اتصرف غير تصرف
احمد .. مو تاخذها بغير شي . بس انت السبب .. گضيت عمرك تضحك ع البنات وكنت تحجي بتباهي ..
واخر وحده بنت المدير تتذكرها ..
هاي حوبة البنات البريئات .. اني اخوك وانصحك بطل سوالفك .. تاليها طاحت بأختك المسكينه ..

تركته ورحت للمستشفى  اشوف ابويه ..
والطريق كوله افكر بكلام احمد وضايج والوم بنفسي

وصلت للمستشفى رحت يم الانعاش لگيت رعد يلطم ويبجي ويعيط مثل النسوان ..
#بقلمي_شمس
يتبع… .