جنس آدم

البارت السابع

البارت السابع
#جنس_آدم💔
#بقلمي_شمس

حسيت حياتي تحطمت ..
حضنتني بسنت وتبجي ..
بسنت .. معقوله رامي هيج يسوي
شاهيستا .. لج طلع حبه وكلامه كوله كذب .. كان يريد يوصل الجسمي وبس
يگولي اختي اشرف منج لان محجبه ومستوره
ليش هو الشرف بالحجاب ..
معقوله الناس عبالهم اني مو شريفه لان البس هيج وشعري طالع #شمس

بسنت .. لا طبعا بس هذولي نفوسهم ضعيفه وتفكيرهم محدود .
بس يمكن الطيبه ماتنفع بهذا الوقت .. لان ثقيتي بي وحبيتيه هيج استغلج ..
هم هيج الولد مايهتمون الشي بس غرائزهم وشهواتهم
لتبجين حبيبتي وانسيه وابدي صفحه جديده
الله يجازيه ان شاء الله .. #شمس
ارجعي شاهيستا القديمه والمرحه لتخلين شي يأثر عليج

شاهيستا .. شلون ارجع مثل قبل 😭 اكو شي بداخلي انكسر .. بعد مااگدر اثق ولا احب كرهت الولد كولها
كولهم وحوش وحيوانات مايهمهم بس غريزتهم ..

لج رامي دمر كولشي حلو بحياتي .. كرهني بنفسي وبلبسي ..
وفوگ هذا كوله ياسر .. ادري بابا راح يجبرني عليه
وهو لگاها فرصه حتى يتزوجني من زمان وهو يتمناني

هو گلي الا اكسر خشمج وغرورج .. واجت الفرصه لحد عنده ..
الله لينطيك رامي ع الي سويته ..
رامي مااگدر يكسرني ويغتصبني ..
اجه ياسر يكملها حتى يكسرني ويدمرني

مااگدر اعيش وياه مااطيقه .. تفكيره بدائي جاهل ..
عنده المره جاريه .. وبس
لج اني اريد اشوف مستقبلي ..

دخلت ماما .. #شمس
گالت باعي شاهيستا .. اني نطيتكم الحريه الكامله ومايوم شكيت بيكم ..
وابوكم اليوم يلوم بيه ويگول انتي السبب نطيتهم حريه زايده .. ابوكم تعبان واني مامستعده اخسره

لهذا ياسر راح يجيب اهله باجر .. ولازم توافقين وماتكسرين كلام ابوج ..
ياسر مايتعيب وشغله رحمه من الله ..
وبيتج وحدج وسياره والي ترديه حاظر ..

شاهيستا .. هههههه والحب اشو ماذكرتيه ماما ..

شلون تقبلين اتزوج واحد مااحبه ولااطيقه .
وانتو تزوجتوا عن حب رغم هو مدرس مالج واكبر منج بهواي ..
ليش تحللون ع نفسكم وتحرمون علينا ..

حضنتني وتبجي .. كل واحد ياخذ قدره .. وانتي هذا قدرج بنتي ..
بسنت .. ماما احنه وين عايشين . هاي عود انتو المثقفين شلون تجبروها ع زواج متريده وهي گدامها مستقبل ودراسه ..
اذا متصدكون بيها اخذيها الدكتوره وتأكدي احسن مما تضلموها هيج ..

ماما .. بسسسسنت بعياط .. اخر مره اسمع هذا الكلام
اني مصدگتها واعرف هي بعدهي بنيه ..
بس الناس ماترحم .. وابوج ميتحمل ويروح بيها ومستحيل اقبل اخسره .. #شمس

وياسر ابن عمها واكيد حيدللها ويخاف عليها ..

طلعت ماما واني عيوني مابطلن بجي ..
حضرت رامي من الفيس والموبايل ..

صارت بيه عقده من وراه .. حتى من انام افز من نومي اتخيل رامي ديعتدي عليه ..

اجو بيت عمو وخطبوني واتفقوا ع المهر وموعد الخطوبه واني جثه وگاعده .. مااحس بطعم الدنيا .  احس نفسي ضايعه ..
اعرف نفسي خطأت ووثقت برامي وحبيته . 
وهاي نتيجة خطأي ولازم اتحمل النتائج ..

بقيت ايام واني ابجي واصرخ بداخلي ومحد يسمعني ..
الكل يجهز ويحظر الخطوبتي .. واني بعالم ثاني ..
الضحكه والمرح فارق وجهي ..
عماتي وعمامي .  كولهم يگولون وين شاهيستا المرحه ام وجه الضحوك .. #شمس

كولهم حسوا اني مجبوره ع الزواج .. حتى مرت عمو ام ياسر .. گالت شبي ابني شناقصه ومعبسه وجهج هالشكل ..
سمعت اشكال كلام ومااهتميت ..

بيوم الخطوبه اريد اطلع للصالون .  اجاني اتصال
الو ..
الو شاهيستا اني بيان ..
بيان ابن خالو كان رايدني .  گلي ادري بيج تكرهين ياسر شنو الي خلاج هسا توافقين ..
ارفضي واني مستعد اليوم اجي اخطبج ..

ميدري . اليوم خطوبتي وكولشي انتهى وتوقف الزمن بالنسبه الي .. #شمس

رحت للصالون سوولي تسريحه وميك اب بسيطات .. وكولها متعجبه ع شعري وبياضي ..
گالت .. صاحبت الصالون .. هذا الجمال كوله ومعبسه لازم العريس محلو لو مجبوره ..

كل هذا واني ماحجيت بسنت ترد مكاني ..
كملت ورجعت للبيت ..
الكل فرحان ويرگص .. واني بعالم ثاني اتذكر كلمات رامي .. وشلون اعتدى عليه ..
ومن گلي انتي عارضه نفسج للولد ..

معقوله الجمال نقمه للبنيه مو نعمه الكل يطمع بيها بأول فرصه ..

ماعرفت شصار بالحفله .. الى ان السيد وعقد النا
ومن گلت (نعم انت وكيلي )
حسيت سكينه تطعن بگلبي ..
بعدين دخل ياسر فرحان .. واخواته يرگصن ..
يتباوعلي من فوگ لجوه .. لزمني باسني بگصتي
شمأزيت منه .. #شمس
حسيت بقشعريره بجسمي ..
اتخيلت رامي من لزمني . 
گعدت .. همسلي واخيرا صرتي الي .. ولو اني گتلج حتصيرين الي ..

اتباوعتله بأحتقار .. لبسني الحلقه والذهب
شگد حقير طعن بيه وبشرفي حتى يقبلون اهلي يزوجني اله ..
لعد شلون رجال .

خلصت الحفله اهله راحو .. وهو بقى تركته ودخلت للغرفه اجه ورايه ..
اتقرب يمي .. گوتله اطلع دا ابدل
ياسر .. ليش تتهربين صرتي مرتي
شاهيستا .. ع الورق بس مستحيل تلمسني بيوم
لان زواجي منك بالاجبار .
بدل متسترني واني بنت عمك .. فضحتني حتى تتزوجني اذا انت تتوقع الي خطفني لمسني وتقربلي شلون تقبل رجولتك تتزوجني ..

عصر ايدي حيل .. وگلي رجال غصب عنج .  واذا عدتي هذا الكلام مره ثانيه .. اشوفج وجهي الثاني ..

شاهيستا .. ميهمني المهم تعرف اني اكرهك ..
ترك الغرفه وطلع ..
اجت بسنت .. گالت ياسر طلع معصب كولش
شاهيستا .. يستاهل مدام اخذني بالاجبار يتحمل كولشي مني ..
#بقلمي_شمس
يتبع…