جنس آدم

البارت التاسع عشر

البارت التاسع عشر
#جنس_آدم💔
#بقلمي_شمس

ريما .. گمت گعدت شنو .. يعني شلون معجب بيه من زمان ..
احمد .. مرة شفتج طالعه للمدرسه واني اجيت ع رامي .
وهاي اول مره اشوفج .. عجبتيني وبقيتي ببالي بس لان ادري تدرسين سادس گلت تخلص واخطبها ..

بس بدر الله يرحمه .. وسكت .
ريما .. تدري احمد ربي رغم كل الي عانيته .. واتوقعت حياتي انتهت وراح اعيش بقهر وظلم ..
بس الله رزقني بيك . وحبك زرع بيه الامل من جديد
وعرفت انه علاقتي ببدر كانت نزوه او يمكن لان اول واحد يسمعني كلام حلو . لهذا صدگت بسرعه بي ووثقت ..

بس بالحقيقه الحب الحقيقي هذا الي احنا عايشيه ..
واولادنا ربي يحفظهم النا ..
احمد.. بوستها براسها ويحفظج النا عمري .. كنت خايف اتزوج .. اخاف تلي ازوجها تظلم اولادي ..
بس انتي صرتي الهم ام ونطيتهم الحنان الي مفتقديه ..
وان شاء الله يجوهم بعد اخوان ..

ريما .. شنو
احمد.. شنو قابل تردين بس جنه وصوفي .. لا حبيبتي اني احب الاطفال واريد دسته ..
ريما .. هههههه ان شاء الله حبيبي الي كاتبه الله يصير

شگد حاولت يصير عندي طفل من احمد .. بس مصار يگولون لان اجهضت بالبدايه ..
واجهاضي كان صعب .. بس عندي امل يصير بيوم وبديت اتعالج والله كريم .. (بقلمي شمس)
...............................................

بسنت .. اني ووليد عشنا ايام حلوه وقربت السنه ع نهايتها ومشغولين بالكروسات والمحاظرات ..

طلعت من المحاظره .. لگيت شاهيستا مقابيلي ..
فرحت بوستها ..
وگلتلها تعالي نشوف وليد وين ونروح للكافتريا ..

اجه وليد عرفتهم ع بعض .. وگتله اختي شاهي الي گتلك عليها ..
شاهيستا .. اهلا وسهلا .. اني اسمي شاهيستا بس هي تدلعني شاهي ..😂
وليد .. الاسم سامعه .. شاهيستا وبالمنصور..
تذكرت رامي حبيبته اسمها شاهيستا وبالمنصور ولان الاسم غريب بقى ببالي ..

گلتلها .. بسنت انتي گلتي والدي موضف شنو يشتغل ..
بسنت .. مدير مدرسه ليش ??

وليد .. حسيت الدنيا تلف بيه .. معقوله حبيبتي اخت هذي الي سلمت نفسها الرامي ..(بقلمي شمس)

بس هو گال سافره ولبسها مغري وهذي .. محجبة ومستوره ..
وبسنت هم من بداية السنه لسا مشفت عليها شي وساتره نفسها بلبسها وحجابها لايگ عليها ..
وهذا الي خلاني احبها واختارها من بين بنات الجامعه كولها ..

بسنت .. وليد وليد .. وأشر بأيدي .
تالي انتبه
وليد .. ها اسف بس دا افكر بشغله ..

اتباوع ع شاهيستا وهي تضحك وتسولف وي اختها ..
گالت بسنت خلي نروح للكافتريا ..
قبل منطلع للبيت ..

گعدنا بالكافتريا .. مااتحملت .. سألتها ..
شاهيستا تعرفين رامي ..
شاهيستا .. انخطف لوني وارتبكت واحس جسمي كوله يرجف ..
گوتله .. اي رامي ..
وليد .. رامي من الكراده ..
شاهيستا حسيت روحي تطلع ..
گوتله لا مااعرفه ..
بسنت .. وانت ليش تسأل وليد شكو
وليد .. لا ههههه بس اختج نكرت تعرفه لازم خايفه من شي ..
شاهيستا .. وليش اخاف .. وانت ليش دا تحقق وياي .
اسفه مااتحمل بعد اني رايحه ..
بسنت اذا تتاخرين اروح وحدي ..( بقلمي شمس)

بسنت .. لا شويه واحي وراج انتظريني ..
اتباوعت الوليد ..
منين تعرف رامي
وليد .. يعني كلامه صح وانتي هم تعرفي واختج كذبت لان خاف تبين فضيحتها ..
بسنت .. اششششششش اياك وليد تكمل لان حتندم وتحلم اسامحك ..
بس راح اگولك شي ..
مااعرف منين تعرف هذا النذل .. بس رامي اخذ شاهيستا المزرعه ورد يعتدي عليها وهي مخلته وضربته بمنطقه لسا يتذكرها واسأله ..
رامي كذاب . والدليل خله عقده بأختي ولسا تعاني ..
ومن وراه اهلي جبروها ع زواج ماتريده ولبست حجاب مو عموده بس لان الولد تفكيرهم مريض عبالهم السافره مو شريفه ..
والي لابسه حجاب ماكو منها ..
بس مرات يصير العكس .. وهذا اخر كلام عندي .. ومع الاسف هيج طلعت وليد .. تحكم ع الناس من الكلام
باااي ..

وليد .. بسنت بسنت اسمعيني .. اشتعلوا اهلك رامي ..
لازم اعرف الحقيقه ..

طلعت من الكليه گبل بوجهي رحت الرامي .. للمحل
لزمته من ايده ولويتها ..
احجي الصدگ رامي .. شاهيستا الي حجيت عليها سلمت نفسها الك لو لا ..
رامي .. سكتت ماگدرت احجي ..
وليد .. احجي لك لا تسكت دمرت حبي ومستقبلي بكذبتك ..
رامي .. اي كذبت وبسببك . لان گمت تستهزء بيه وماردت تصغرني گدام اصدقائي ..
شاهيستا اشرف وحده شفتها بحياتي ..
وليد .. آه شسويت اني شسويت ..
رامي .. انت ليش تسأل شكو
وليد .. لك اني اختها حبيبتي .. واليوم عرفتني ع اختها شاهيستا وتذكرت البنيه من المنصور الي ابوها مدير
وسألتها وطلعت هي ..
ونزلت عليها بالكلام وسألتها عليك .. ارتبكت واني جرحتها هواي ..
مااتحملت البنيه وگامت . وبسنت گامت وراها ..
يعني اكيد بعد متسامحتي من وراك ..

رامي .. وشاهيستا شلونها بعدهي حلوه .. ووين تداوم
وليد .. اصلا ماصدگت هي نفسها الي حجيت عليها ..

لابسه حجاب ومستوره .. بس الصراحه هنه يخبلن والي محليهن الحجاب ..
قابل هي ياهي التجي تلبس حجاب ..

رامي .. طبعا هي مو كل وحده تلبس حجاب .. تصدگ امنيتي اشوفها ..

وليد .. الله لينطيك رامي هسا شلون اصالح بسنت ..

رامي .. هي وين تداوم ماعرفت ..

وليد .. لك اني وين احجي وانت وين .. اريد اصالح بسنت وهو يسولف بشاهيستا ..
انت اثول كانت تحبك وتموت عليك ليش ضيعتها من ايدك

رامي .. كنت غبي وماوعيت الا لمن خسرت كولشي .
والي صار بحياتي كولها حوبت شاهيستا.
احسها شورت بيه ..الدنيا تمشي عوجه وياي ..
#بقلمي_شمس
يتبع...