يسعد مساكووم
صهباء غيرت حياتي
البارت 6
بقلمي روسكان
هنا عرفت خطيب اختي اسمه سند ..
اوووي امداني اي والله كاتله روحج ع واحد اسمه سند .
شبي اسمه ولج ؟
سندانه خوب احسن .
انجبي ..يخبل اسمه .
اووي عيني متقبل نحجي ع خطيبهه .
اي طبعا ماقبل .
لاجديات شنو من اسم هذا سند ..قله اسماء يعني ؟
لاولج يعني سندي ..اي هو سندي .
هاا سندانتج ..شزارعه بيهه بله ؟
حصلت لي كفخه من رقوش وركضت شارده منهه ..ظليت اضحك عليهه .
ثاني يوم صارت مشيه الزلم واحنه ركض بركض هلكنه من التعب تنظيف وكراسي وجاوي ومواعين يوووه هوسه الهه اول مالهه اخر ومشيه رقوش سدت الشارع من الطول للطول وفدوة كولهه عكل وناس اكباريه .
ومثل عادتي التعبانه الي فد يوم بابا يلكفني بيهه ويملص راسي عن جسمي دكيت رجل الاّ اشوف سندانه الزرع خطيب اختي المصون .
ومن شباك المطبخ شفته ابيضاني طويل حلو ..صاك ..
هذا ؟
اي ..
هذا السندانه مالتج ؟
ضربتني ع ظهري ..
انجبي لتكولين هيج .
منين جبتيه ولج وين لگيتيه ؟؟
ليش شبي ؟
صاك ولج صاك .
ها رنوده خاتون عينج ع خطيبي ..راح تزحفيله ؟
لاعيني منه ولابطيخ بس اذا عنده اخو نسخه منه نزحف عمي ليش لا .
اي عنده بس ميشبهه ..ذاك اجلح .
يووووه عاد اني شلون حظ عندي .
ابدد ماكو ؟؟منا منا؟ابن عم ابن خال اخو بالرضاعه ؟
هههههه اسكتي لتسمعج ماما .
سكتنه عمي سكتنه.
خلصت المشيه ونظفنه البيت وولد عمامي صح اصغر من عدنه بس زلم خشنين ضخام ساعدونه صار التنظيف مال الحديقه عليهم لان استقبالنه ماكفت الناس الي اجوو للمشيه فكعدناهم بالحديقه .
هلكت من التعب ..خلصت شغل وتنظيف كبل للحمام سبحت وكبل لفراشي لفيت راسي ونمت لثاني يوم الظهر .
كمت احس بآلام بصفحتي جهه كلياتي ..بس ماكلت لاحد بس رونق ..بهالاسبوعين رونق صارت صديقتي وقريبه عليه حيل تمنيت من البدايه هيج علاقتي بيهه .
اجتي ايام ماكدرت احاجي بيهه مهند وجنت اسولفله انه مخبوصه بتحضيرات خطوبه اختي وياسبحان الله اخوه هم بنفس الفترة خطب بنيه وياه بالكليه ..باركتله وباركلي وبلحظه جديه كالي يوم الالج وافرح بيج ..سالته المن تفرح ؟
كالي افرح بيج عروستي ..
سكتت خجلت ..هذا جان اول اعتراف منه اليه انو هو رايدني ع سنه الله ورسوله ..فرحت حيل ..رغم ماعترفنه بحبنه بصريح العبارة واحد للثاني لسه بس النيه الحلال سبقتنه .
من خجلي رحت وبعد ماراسلته .
الم كلياتي مستمر ..وانضافت الهه حركه قويه بالمجاري البوليه مادري شلون جنت متحمله الالم والاتعس الشعور انك متضايق طول الوقت ..اروح للتواليت وماكو شي ..كمت اشرب مي هواي صرت اشوفه شويه المي يهون عليه الالم .
واستمرت التحضيرات لان ورة مشيه الزلم باسبوع اتفقوا يسوون عقد سيد ويلبسون الحلقات ويشترون النيشان .
تنظيفات البيت جانت اختصاصي ومسؤوليتي وماما حارت برونق وتجهيزهه للعقد خلال اقل من اسبوع وخالاتي ويانه يساعدني ويساعدن امي .
اسبوع وبيتنه يروش كرايب رايحين جايين عبالك عدنه ظاهرة كونيه فريده بس لان اختي اول حفيده بنيه بعائلتنه تنخطب لذلك كولهه مخبوصه بيهه من جهه العمام وجهه الخوال .
افوت لغرفتي مرات اباوع ع وجهي بالمرايه ..اصفر مثل الليمونه ..يمكن من التعب ..صدوك هلكت والي تعبني اكثر الم خواصري مستمر واني مدري شلون مستحمله .
صار يوم حفله المهر مال اختي وهم صادف يوم جمعه.
رونق اقصر مني شويه بس حنطاويه مملوحه ملامحهه هنديه العيون وساع سودوبيهن جرة وعدهه تك غمازه يعني شي ع شي حلوة ماقاصرة وبيوم المهر بعد الغسل والتشحيم قصدي الصالون طلعوهه لوك لوك يعني تخبل بين قوسين واني هم رحت وياهه وسويت مكياج بناتي بسيط وشعري سويته برم ع طوله ..عاد بيوم المهر الصبحيه عتقوني من الشغل لان خلصت كولشي وردت اني هم اطلع حلوة مو اخت العروس .
رجعنه والعيون علينه وبعده شعري الاحمر علامتي الفارقه حتى ام الصالون كالتلي من تتزوجين ابد لاتلعبين بلون شعرج لاميش ولاتخصيل ديربالج .
السابع كامل والثامن قيد الكتابه تفاعلو شويه وانزله خلي نشوف فتون بلكي تتزوج ونخلص ..
أنت تقرأ
صهباء غيرت حياتي
Romanceشاب يحب فتاة حب من طرف واحد ويحاول معها بكل الطرق لكي يلفت انتباهها لكنها عنيده لاتستسلم لنداء قلبه فلا يستسلم ولايقبل برفضها له ..يستقتل حتى يحصل ع حبها حتى لو كان ذلك بطرق حقيرة وملتويه ..قصتي الجديده ..
