اسفه ترة صار خطأ بالنشر بالمنشور الي قبله
البارت 15
صهباء غيرت حياتي
بقلمي روسكان
رند ..بلغت اهلي مجبورة بانو الخميس جاي فهد هو وابوه يخطبني شفت اهلي فرحوا وبابا كال خلي يجون ويصير خير حسيت بلحظتهه اني متت ..رجعت لغرفتي متت من البجي كمت اعض بالمخده مالتي واشهك واصرخ وحاصرة نفسي بالمخده حته لايطلع صوتي ..
كملت يومي واني حابسه روحي بالغرفه لا اكلت ولا درست بس اتصل ع مهند وماكو ..تهسترت بس اريد اوصله ..بس اريده يفتح خط اويقرة رسائلي ..حسيت روحي بجحيم ..فهد خلاني بحرب نفسيه ..وكانه عرف نقاط ضعفي وبده يلعب عليهن خاصه من كال شغل من بابا وابوه واهلنه حيل تقاربوا بعلاقاتهم خفت لابابا يجبرني ..بس بابا عمرة ماجبرني ع شي مو انوبينه زواج ومستقبل ..شويه تقويت بهذا الكلام وكلت خلي يجي الخميس ونشوف شيصير اكيد راح يجي بابا يسألني وراح ارفض ..اي راح ارفض مو علمود احد علمود نفسي ومستقبلي اني شايله موضوع الزواج من راسي وبالي يم دراستي وبس هذا الي جان عذري الي محضرته اما مهند فهاهيه قررت اشيله من بالي واطلعه من حياتي مثل معافني فجأة وبدون سابق انذار قررت احسبه ماضي وارميه ورة ظهري وحقدت عليه حيييل ..لان بغيابه حسيت بالضعف واني مو شخص ضعيف ..حسيت تعلقت بسراب ..بوهم ..
تعبني التفكير ويمكن من البجي نمت ..
ثاني يوم مداومت واستمرت باقي ايام الاسبوع بدون طعم ولالون .
الكآبه ما فاركتني .
اجه يوم الخميس وجان قبلهه بيوم متصل ابو فهد ع بابا ومتفق وياه يجون لبيته هو وفهد اليوم العصر ..
صار العصر ..فهد وابوه اجوي استقبلناهم وقدمت الهم الضيافه وطلعت حتلو ماريده لفهد ماتحملت ابقه استحيت ينطرح موضوع خطوبتي كدامي واني كاعده يمهم ..
انهزمت ..صعدت لغرفتي واني انتظر طلعتهم من البيت .
مرت ساعه ساعه ونص وترخصوا ..شباك غرفتي جان يطل ع باب البيت الخارجي جنت واكفه اتفرج من ديطلعون وصارت عيني بعين فهد ..وجهه جان بدون ملامح ..يمكن بابا رفضه او هيج تأملت ماعرف مافهمت نظرته اليه شنو جان معناهه ..ابتعدت خطوة ليورة وظلوا بالباب واكفين دقايق يسولفون وفهد عينه ع شباك غرفتي ..بس لو اعرف منين جايب هالصلافه ..رجعت باوعن ابتسملي وشال ايده سلم عليه وطلعوا ..روحه بلارده كلتهه بكلبي ..
مرت هاليومين الجمعه والسبت ولاماما ولا بابا فتحوا وياي الموضوع بداخلي فرحت بلكي الله بابا يسدهه من يمه ويكول بعدهي طالبه بس رجعت خفت لان هو عادي قبل ع رونق تتزوج وهي بعدهي طالبه صح مرحله رابعه وتقريبا خلصت السنه بس تبقه طالبه وزوجهه ..اوووف ياربي شديصير ..التفكير تعبني .
ثاني يوم الجمعه اجتي يمنه رقوش هي وسندانتهه قصدي زوجهه عزموا روحهم ع الغده يمنه .
ورة الغده سحلت اختي المصونه لغرفتي اريد اعرف منها شديصير لان قبل الغده جانت تبسبس هي وامي بالمطبخ ومن اجيت اريد اسمع شيحجن امي طردتني ..
المهم ..
رقوش سولفي شكو شكالتلج ماما ؟
عن شنو ؟
شكد فاهيه ..ولج قبل شويه من جنتو تحجون ع كيف بالمطبخ ..
هاا ..جانت تعلمني شلون اسوي مركه السبيناغ لان سند يحبهه واني ماعرف اسويهه .
انجبي ياسبيناغ ..رقوش ترة عقل ماظل براسي .
ضحكت رقوش ..
ليش شنو فهود خبلج ؟
ايييي امي شحجتلج عن فهود ؟
ماكالت شي ..بس كالت هو وعمي ابو سند البارحه اجوي خطبوج .
وعلساس انتي ماجنتي تدرين بجيتهم ..
لا عيني اكيد جنت ادري .
لعد ليش كلتلج امي ؟
هيج دنفتح موضوع ..سوالف عاديه يعني .
والله جذابه شلون سوالف عاديه وشلون تطرديني اذا مو سالفه بيهه انَّ وبيهه اني همين .
هههههه اي والله بيهه انتي .
لعد احجي لاتشلعين گلبي .
مو تدللين .
اي اسمعج .
امي كالت من يوم عرفنه ابو سند وابنه راح يجون يخطبوج وانتي كالبه الخلقه .
لعد شتريديني افرح ؟
وليش متفرحين حبيبتي ..شناقصه لفهد ؟
اشو بس شهادته بطوله ..
ع روحه مو عليه .
ولج رنوده عندج احد شاغل هالمخ هذا ..
لاء طبعا ماكو ..
لعد شبيج كالبه ع فهد ؟
ماكالبه ع احد بس ماريد اتزوج ..اهم شي دراستي هسه اكملهه واتخرج ياله افكر بالزواج .
وشبيه اني هسه مو تزوجت ودا ادرس محد منعني .
اني مقتنعه ترة ..الدراسه ياله الزواج .
رقوش شو بابا لسه ماسألني ..
وشبيج مستعجله غير ديسألون ع الولد واخلاقه ..
يعني بابا مارفض ..
لا ..ليش يرفض اسم الله ..اشو خوش نصيب واحسن عائله واحسن نسب ..
اي منو يشهد للعروسه ..
قابل شاهده زور اشو عمي وخالتي مدلليني وسند بعد هو سند وينطع النفس وخالتي خطيه الظهر مو مالحك اطبخ وارجع من الدوام تعبانه تدزلي كدر صغير بيد زهوري ع كدنه ..
بس اني حتلو اهلي قبلوا اني راح ارفض ..
ليش ولج ؟
سكتت ماجاوبتهه .
بسلا من ورة هاي سالفتج التعبانه مال الاخوان متفقين علينه ومدري شنو ..
لا ..بس اني ماطيقه .
شنو المينطاق بي بله ..
غثيث ولزكه وخفيف .
حطيله طابوكات بجيوبه حتى يثكل حبيبتي ..اي غير هو رايدج وتحسيه هيج لازك .
واني ما رايدته .
يابه دطيري ..اصلا انتي متعرفين شتريدين .
تكمله بارت 15
صهباء غيرت حياتي
بقلمي روسكان
المهم اذا انفتح الموضوع كدامج صيري بجانبي .
شلون اصير بجانبج يعني ؟
طلعي بي عيوب لماما وبابا .
لاعيني ماكدر هيج اسوي حمايه ورده مال الله .
هسه صار حماج وج اني اختج .
اي اختي بس عوبه ماتعرف مصلحتهه .
اعرفهه كولش زين ومو ويه فهد.
لعد ويامن ؟
قلصت عيونهه وركزتهن عليه ..
احجي ولج ويه منو ؟عندج احد ؟
وخرت عيوني من عيونهه وكتلهه ..
لاماكو احد ..
وهو صدوك ماكو احد ..مهند ولغيته من حياتي .
المهم اذا انفتح الموضوع كدامج كوليلهم اخذوا راي رند احسن لان هي الي راح تتزوج وهاي حياتهه ومن هذا الحجي .
وانتي شناويه تردين ؟
كتلج ..ارفض طبعا .
كل عقلج ؟
اطلعي منهه رونق ..حياتي هاي ..انتي من تزوجتي حبيتي واخذتي محد جبرج .
والحمدلله والنعم ممااختاريت رجالي ذهب واهله خوش ناس واذا احجي وياج والح عليح تقبلين بفهد مو علمود نفسي بس نصيحه من اخت لاختهه لان اريد مصلحتهه .
مشكورة ..
لليل اجه سند ع رونق ..تعشوا يمنه سويه وراحوا ومانفتح موضوع فهد ابد .
شاركوووني ارائكم شراح يصير ؟؟ رند راح تقبل بفهد لو لا ؟؟
متابعه ممتعه ..
تكمله بارت 15
صهباء غيرت حياتي
بقلمي روسكان
المهم اذا انفتح الموضوع كدامج صيري بجانبي .
شلون اصير بجانبج يعني ؟
طلعي بي عيوب لماما وبابا .
لاعيني ماكدر هيج اسوي حمايه ورده مال الله .
هسه صار حماج وج اني اختج .
اي اختي بس عوبه ماتعرف مصلحتهه .
اعرفهه كولش زين ومو ويه فهد.
لعد ويامن ؟
قلصت عيونهه وركزتهن عليه ..
احجي ولج ويه منو ؟عندج احد ؟
وخرت عيوني من عيونهه وكتلهه ..
لاماكو احد ..
وهو صدوك ماكو احد ..مهند ولغيته من حياتي .
المهم اذا انفتح الموضوع كدامج كوليلهم اخذوا راي رند احسن لان هي الي راح تتزوج وهاي حياتهه ومن هذا الحجي .
وانتي شناويه تردين ؟
كتلج ..ارفض طبعا .
كل عقلج ؟
اطلعي منهه رونق ..حياتي هاي ..انتي من تزوجتي حبيتي واخذتي محد جبرج .
والحمدلله والنعم ممااختاريت رجالي ذهب واهله خوش ناس واذا احجي وياج والح عليح تقبلين بفهد مو علمود نفسي بس نصيحه من اخت لاختهه لان اريد مصلحتهه .
مشكورة ..
لليل اجه سند ع رونق ..تعشوا يمنه سويه وراحوا ومانفتح موضوع فهد ابد .
شاركوووني ارائكم شراح يصير ؟؟ رند راح تقبل بفهد لو لا ؟؟
متابعه ممتعه ..
أنت تقرأ
صهباء غيرت حياتي
Roman d'amourشاب يحب فتاة حب من طرف واحد ويحاول معها بكل الطرق لكي يلفت انتباهها لكنها عنيده لاتستسلم لنداء قلبه فلا يستسلم ولايقبل برفضها له ..يستقتل حتى يحصل ع حبها حتى لو كان ذلك بطرق حقيرة وملتويه ..قصتي الجديده ..
