البارت 13
صهباء غيرت حياتي
بقلمي روسكان
فهد ..حضرت عزومه الزواج ببيت اهل رونق وبيومهه رند جانت موجوده ..مجبورة طبعا ..بعد متكدر تتهرب يمكن بسبب بعد اختهه عنهه واشتياقهه الهه والعيب وهمين علمود مساعده امهه لان خطيه المرة وحيدهه منو يساعدهه بالتحضيرات كل هالاسباب جبرتهه تكون متواجده ..تضيف وتقدم وتستقبل ابد ماعرفتهه صايرة اجتماعيه لبقه يمكن متعلمه من رونق رغم ما جانت تسولفلي شكد هي جانت بعيده عن اختهه بس من انخطبت رونق اختلف كولشب وتقاربن فاخذت من طبع اختهه .
بالضيافه ..من صار دوري وتريد تقدملي العصير وگعته ع قميصير مادري حظي مدري متقصده ..المهم كولهه صاحت ..الله الله الله ..اعرف هاي عيني صابتهه لام شعر الاحمر ..مدري من الارتباك عثرت لان هي توزع والعيون عليهه ياالله تباوعت بالوجوه العيون كولهه عليهه ومن دخلت سكتوا مو حسن بس حضور وهدوء ملكي تمنيت اضمهه بين ضلوعي ومحد يشوفهه ولاحته ابوهه ..اي حته من ابوهه اغار عليهه ..
وگعت العصير ع قميصي ..ظلت تردد ..
اسفه اسفه والله مانتبهت ..شلون فشله ياالله ..
فزيت من وكع العصير ع قميصي ..اباوع وجهه صار طماطايه ..الخدود انصبغت حمرة من كثر مانحرجت ومدنگه تنظفلي القميص بكلينسايه تمسح بي ..عمري ماصاير بهيج قرب منهه .
مدنكه وانفاسهه الحاره تلهث من الخجل والفشله وتضرب ع قميصي وايدي تطخ بايدهه لان اني هم بيدي كلينسايه وامسح مكان العصير ولصناه لووص ..
ابوهه كالي ..روح غسل يابه ..
رنوده بابا روحي وياه دليه .
بدون كلام من المستحه والموقف الزفت الصارت بي هي مدري ماحاسه ع نفسهه دزوهه وياي تدليني ع مكان الحمام او المغسله حته انظف قميصي بس مثل هيج متعه مشايف ..متعه رفقتهه ..متعه قربهه مني ..امتياز شوفة خجلهه وخدودهه الحمر من ورة الاحراج ..امتياز لمسه اصابيعهه الممقصوده .
كمت رحت وراهه وصلتني للمغسله وطتني خاولس وفتحتلي المي ووكفت ع صفحه ..
بديت انظف قميصي واشيل عيني اشوفهه من مرايه المغسله واكفه وكانه صنم وصافنه ..كمت ادردم ويه روحي بس بصوت مسموع واباوعلهه من المرايه اريد احجيهه .. اريد اضوجهه ..ردت اشوف بعد من انفعالاتهه تطلع كدامي امتع عيوني بشوفه غضبهه مني ..يمكن مشتاق لرزاله معدله منهه ..هيج احبهه ..هلگد ..ولهل درجه .
ومستعد اجيبهه لحضني باي طريقه .
ادري لو ما طول بعرض مشفتيني ..
اسفه والله مو قصدي بس عثرت .
قميص تركي مااركه ..من وراج ..تلف .
سكتت باوعتلي صفح ..عرفت روحي زودتهه ..كلت بكلبي ايييي راح تنهد بيه ..
كالتلي ..
تدلل اشتريلك واحد جديد .
وكفت مسح قميصي بالخاولي ..
شيسموهه هاي ؟
اعوضك غير ..بدل قميصك الي اني تلفته .
ههههه لاعدي غير طريقه تعوضيني بيهه .
عقدت حواجبهه مستغربه تباوع بعيوني ..
العيون الشهلا العسليه اني ماقاومتهه ..نزلت عيوني ع شفايفهه ..شهكت وحطت ايدهه ع حلكهه وهمستلي ..
انت واحد حقير !
وعافتني وراحت .
ابتسمت ابتسامه نصر بطرف شفتي ع كولتهه هاي الابتسامه المستفزة ورجعت كعدت يمهم هي جانت موجوده كاعده يم رونق بس صارت عيني بعينهه ابتسمت الهه هي خزرتني .
ياويلي عيون نسرة ..الله يعيني ..كلتهه ويه نفسي .
أنت تقرأ
صهباء غيرت حياتي
Romanceشاب يحب فتاة حب من طرف واحد ويحاول معها بكل الطرق لكي يلفت انتباهها لكنها عنيده لاتستسلم لنداء قلبه فلا يستسلم ولايقبل برفضها له ..يستقتل حتى يحصل ع حبها حتى لو كان ذلك بطرق حقيرة وملتويه ..قصتي الجديده ..
