صهباء غيرت حياتي
البارت 7
بقلمي روسكان
صارت حفله المهر وكل التحضيرات عليه اركض منا واجي منا وفعاليات العقد الكيك والكلاصات وصينيه المهر كولشي اني تكفلت بي متعلمه من صديقاتي من يسولفن ع تفاصيل المهر واروح واجي رقوش تكولي اخدمج بيوم عرسج ان شاء الله واني اضحك بس كوة كاتمه الم خواصري .
جنت لابسه فستان احمر ناري قصير من كدام للركبه يوصل يعني وطويل من ورة بس مو ذيل يعني ميسحل ورايه من ورة والحمدلله كدرت اتحرك بي بحريه لان كظيتهه من المطبخ للهول ومن الهول للمطبخ حرام لاتونست ولاشفت شي .
من عقدلهم السيد طب سند ع عروسته وانخبصنه بالهلاهل بس بهاي شويه تونست ظليت اعلمهم شيسوون يكصون الكيكه سوة ويوكلهه وتوكله الكيك والعصير شلون يلفون ايدهم واحد بايد الثاني وواحد يشرب الثاني ههههههه حركات مسلسلات تركيه وكذا وظليت اسويلهم وضعيات بالصور واخذهه لقطات بالكاميرا طلعت عيونهم بهاي عاد تونست ومن كثر ماركزت بالصور وبملامح سمد حسيته يشبه شخص اعرفه بس ابد ماحضرني اسمه .
ظليت اتذكر ماكو تالي شلت السالفه من بالي لان موتني الم خواصري وبس ردت الحفله تخلص ادورلي شي ابلعه بلكي ارتاح من الالم شويه .
جنت بالمطبخ ورة ساعات من الحفله اعزل بالغراض وارتب وكولهه جانت دتطلع حتى اهل سندانة اختي بالطارمه جذبني صوت مار عليه ..اعرفه ..
جان ديصيح اهله يطلعون ديوصلهم للبيت لان سند راح يبقه يمنه اليوم ع العشه .
رحت فتحت البرده ..رجعت ليورة من الصدمه ..عرفت هذا منو ..هذا فهد ..تعرفون فهد لو نسيتوه ؟ مانسيته اني بس هذا شجابه لبيتنه شطلعه كدامي ..
راسا سديت البرده افتر راسي دخت من كثر مافكرت وكل الافكار الموزينه اجت ببالي ..اتمنيت اسحب رونق من يم خطيبهه واسألهه شنو علاقه فهد باهل خطيبهه .
ماكو لزك سند يمنه ع العشه ..ماكدرت اني بعد صعدت بدلت وتمددت ارتاح بس والله ماكدرت. ارتاح بس اتلوة من الالم قرفصت يم جربايتي ع الارضيه البروده مال الارضيه المرمر وكعده القرفصه شويه تريحني ..بس شلون اظل هيج كاعده حته صار خدر باطراف رجليه خلين راسي ع جربايتي ومن كد التعب نمت لان ارتاحيت شويه ع هاي الوضعيه .
ماعرف شكد نمت ..ساعه ثنين اكثر ..المهم من كعدت جانوا ع اكثر مخلصين عشه وسندانة اختي رايح لاهله وحته خالاتي رايحات بس امي ورقوش ديرتبن بالبيت .
اول ماكمت ع حيلي صحت بصوت عالي من الالم كمت اتلوة لزمت بطني احس بالم ديكطعني ..دخت نزل ضغطي برد راسي واطرافي نزلت دموعي لا اراديا توقعت ضغطي صفر وصوت بعد ميطلع مني مبايلي جان كدامي جريته ودكيت ع رقوش شالته همست بتعب كتلهه ..رقوش لحگيلي ..ظلت تصيح باذني ذبيت التلفون من ايدي وبعد ماحسيت بنفسي صفر ضغطي وفقدت الوعي ..
أنت تقرأ
صهباء غيرت حياتي
Romansaشاب يحب فتاة حب من طرف واحد ويحاول معها بكل الطرق لكي يلفت انتباهها لكنها عنيده لاتستسلم لنداء قلبه فلا يستسلم ولايقبل برفضها له ..يستقتل حتى يحصل ع حبها حتى لو كان ذلك بطرق حقيرة وملتويه ..قصتي الجديده ..
