يسعد مساكم ..مشتاقون قلايب
لبارت 17
صهباء غيرت حياتي
بقلمي روسكان
فهد شفته راح صاح صديقاتي اجن يسكتن بيه ..وهو راح بعيد ظل يراقب بعدين رجع كالي امشي ارجعج للبيت .
ماكدرت اعترض ولاجنت اريد ابقه بالكليه وكت اطول بعد كولهه كامت تباوعلي لان وجهي احمر وماكدرت اسيطر ع نفسي واوكف بجي رغم البنات شكد حاولن يهدأني ويضحكني بس احس كولهم يعرفون بفضيحتي عبالك مكتوب ع جبيني .
طول الطريق ماحجيت ولاكلمه ..وهو هم وصلني وراح ..
اول مادخلت غرفتي انفجرت بجي ..وظليت الوم بنفسي وتذكرت من جانوا اهل فهد معزومين يمنع واني رحت لبيت صديقتي سما وناسيه مبايلي ومن دكيت عليه هو طلعلي ..ايييي ..ظليت اندب بحظي دكيت ولطمت ..شلون بيه ياربي شراح اسوي وشلون راح اتصرف بهالمصيبه هاي .
لليل تخربطت ..من الصبح لا اكل ولاشرب وكعت من طولي خاصةً بعد ماذبحت نفسي بيدي من العصر ..
دزعليه بابا يسالني عن رأي بالموضوع لان يريدون يردون خبر للعالم وكتله موافقه حسيت خلص انتهت حياتي واسودت الدنيا بعيني .
بالليل تخربطت رجع ضغطي صفر ودخلوني مستشفى وكلما ينزل ضغطي عليه خطر اصير بغيبوبه او يصير شي ع نظري ..
ليلتهه بيتوني بالمستشفى ورونق وسند اجوني ..عرفت فهد سولف لاختي كل الي صار بيناتنه اليوم بس ماعرفت كايللهه ع مهند لو لا ..
اكثر شي تعبني هو التفكير ..
عرفت من رونق انو بابا متصل ع ابو سند ومبلغهم بموافقته وطلبوا وقت يجمعون اهلهم وعمامهم علمود تجي مشيه الزلم وبنفس اليوم نعقد عقد سيد ..ماعرف ليش هالاستعجال ..ولو اعرف هاي سوالف فهد ..
ومادخلت وياي رونق بتفاصيل لقائي ويه فهد فارتاحيت نوعا ما انو هو مكايللهه ع مهند ..
وهي بس باركتلي وكالتلي احسن شي سويتيه وافقتي ..زين ماختاريتي ..
گلبي يتكطع لهل كلام .
بتت ليله بالمستشفى وثاني يوم الصبح طلعوني ..
ماداومت وماما وبابا همين ظلوا وياي .
وكملت باقي الاسبوع بالبيت كآبه ومالي واهس اسولف او اداوم ..وبس نايمه بفراشي بحجه مريضه واني صدوك جنت تعبانه ومريضه ..روحي مريضه .
حددوا الجمعه الجايه موعد مشيه الزلم وعقد السيد ..واجتي ام سند وكامت هي وامي يطلعن ويشترن تجهيزات المهر والذهب اني ماطلعت لان بعدني مريضه واصلا الموعد قابل للتأجيل لان صحتي مو تمام وحتى دوام ماداومت ..تمنيت ابقه مريضه علمود يأجون الموعد بس بابا اخذني لطبيب اختصاص والتزمت بعلاج وجسمي غصبا ماعليه صار احسن بس روحي بقت عليله شيطيبهه .
جان فهد يوميه يتصل بيه بالليل بس اني مارد عليه اعرف هذا رقمه بس ما مسجلته ..اخير شي الاربعاء بالليل اجتي ماما كالتلي فهد اتصل عليهه وكاللهه ديتصل عليه واني مارد .
اي ماما رقم غريب ديتصل شمدريني هو وانتي تعرفيني مارد ع الارقام الغريبه .
اي هذا رقم فهد سجليه يمج وردي ع الولد .
كلبت وجهي .. يعني كلم يستخدم هيج اساليب يحاجي امي حته انجبر ارد عليه من يتصل ..
حاجيت ماما بعصبيه ..
ماما ترة ماكو شي رسمي بيني وبينه ليش هالالحاح هذا ؟
ياالحاح ..منو لاح عليج ؟
كل ماهنالك الولد عنده شغله وياج يريد يتفق وياج ع تفاصيل مهركم ..وبعدين يومين وتصيرين زوجته ..يله بدون حجي زايد وردي ع الولد اذا اتصل.
مااشي ..
كلتهه بملل .
ورة دقايق اتصل فهد ..
الو..
الوات ..هلو رند ..
هلو فهد .
شلونج ..شلون صرتي ؟
احسن الحمدلله .
عساج ياربي ..ليش متردين من اتصل ..الااتصلت بخاله تحاجيج ياله رديتي .
فهد ..تحجي من ورة خشمهه ..اعرف مغصوبه حتى ع الرد ع مكالتي .
مو مامسجله رقمك يمي ..يطلعلي رقم غريب واني ما ارد ع الارقام الغريبه .
هاا .
سكتت ومشيت عذرهه بمزاجي ..ادري بيهه كارهتني والغاصبهه مو احد لا ..خوفهه مني خاف افضحهه..كتلهه ..
امي وامج طلعوا وجهزوا كولشي للمهر لان جنتي مريضه وبقه بس الذهب اني طببت ميشتروه .
هاا ماجنت اعرف ..عبالي اشتروه ..
لا محد اشتراه ..هسه ماعدنه بس باجر ..بيج حيل فرة بالسوك ؟
ليش ؟
غير نروح اني وياج نشتري الذهب ليش بعد ..
لاماكدر ..بعدني تعبانه ..
شلون وقياس اصبعج ..دنشتري الحلقات .
مرع ماما تطيك محبس قياس اصبعي اخذه وياك .
مجبور جنت اتحمل برودهه ولامبالاتهه بعد الطريقه الي خليتهه توافق بيهه ع زواجنه .
وانتي ..؟ نيشانج هذا ..المفروض ع ذوقج ..
وانت شبي ذوقك ..مو اختاريتني ..خوش ذوق عليك خلي النيشان هم ع ذوقك .
سكتتني وماعرفت شجاوبهه .
شوكت يتعدل اسلوبج وياي ؟
يااسلوب ؟ مو كتلك بعدني تعبانه ماكدر لفرة السوگ .
كتلهه ..
حجج ..مجرد حجج .
سكتت ..سمعتهه تنهدت ونفخت زفير قوي وكالتلي ..
ماطول تعرف انو هي حجج واني كارهتك ليش هالاصرار ع شخص ميريدك ميجرعك .
اخليه يحبني هالشخص ..بس صبر ..خلي يصير حلالي ..خلي يصير يمي واريد اشوف شلون ميحبني .
ترة هو الحب مو غصب .
مراح اغصبج ع شي .
غصبتني وانتهى الموضوع .
كالتهه بيأس ..سكتنه ..
يكون بعلمك ..صح اني وافقت مغصوبه اتزوجك ..بس ممجبورة ابادلك شي اني ما احسه .
قابل ..
أنت تقرأ
صهباء غيرت حياتي
Romanceشاب يحب فتاة حب من طرف واحد ويحاول معها بكل الطرق لكي يلفت انتباهها لكنها عنيده لاتستسلم لنداء قلبه فلا يستسلم ولايقبل برفضها له ..يستقتل حتى يحصل ع حبها حتى لو كان ذلك بطرق حقيرة وملتويه ..قصتي الجديده ..
