البارت 20
صهباء غيرت حياتي
بقلمي روسكان
استمرت ايامنه هيج هادئه سلسه بس بارده ..ماحس بيهه تحس بنار كلبي من احد يباوعلهه خاصه هي مو محجبه وهذا الموضوع حيل مضايقني وناوي افتحه وياهه ..متحس بشوكي من اشتاقلهه ويبرد شوكي من اشوف ردة فعلهه البارده تجاهي .
صح مطيعه والاكوله تسويه بدون اعتراض او نقاش بس احسهه بمكان ثاني بالهه مو يمي ..اليمي بس جسد والروح اعرف وين ..اووف ياكلبي شكد بعد بيك صبر ..وشكد بعد ناوي تتحمل .
مرة دنرجع للبيت فتحت وياهه موضوع ..
رند انتي تصلين ؟
التفتت عليه باهتمام ..
اي الحمدلله ..ليش هالسؤال ؟
اذا تصلين وملتزمه لعد ليش متتحجبين؟
الصلاة شي والحجاب شي ثاني ..
شلون يعني ؟
الصلاة والصوم والالتزام الديني شي مقتنعه بس بس الحجاب لا ..ممقتنعه .
ليش ممقتنعه ؟
يعني شلون اشرحلك ..مااقبل من حجابي يقيمون اخلاقي او ديني وهسه انت دتشوف حته ام البوشي صارت عليهه علامة اكس والمفروض بالعكس المفروض المتبوشه يعني قمه الدين والاخلاق انتو هيج مقياسكم .
فهد ..جنت اسمع تبريراتهه هي مقتنعه بيهه بس لو تحجي منا لبعد سنه اني ماقتنع اذا ماخليهه تتحجب .
رديت عليهه ..
بس الحجاب ستر للبنيه ورب العالمين امر بالستر ولان انتي ملتزمه بالدين وتصلين وتصومين المفروض تتحجبين هذا واجب مو مستحب .
مو كتلك ممقتنعه اتحجب .
تعصبت ..
وشوكت ناويه تقتنعين ان شاء الله ؟
گلتهه بنفاذ صبر ..حست بيه ضجت ..
افهم من كلامك تريدني اتحجب ؟
بالضبط .
بس اني ماريد .
اني اريد .
ماتفقنه هيج .
التفتتلهه رافع حاجبي وضربت بريك قوي وصلنه بيتهم .
آي ع كيفك .
انضرب راسهه بالجامه من دست بريك .
اسف ..
گلتهه ببرود ..ضوجتني حيل .
نزلي .
باي ..
نزلت ..
الله وياج .
فتحت الباب نزلت سدت الباب دخلت بيتهم واني رحت لبيتنه .
بهذا اليوم ظليت ضايج ومااتصلت عليهه بالليل ولا هي حاولت تراضيني .
عرفت تعبي وياهه ديروح بدون فايده احاجي الحايط يسمع يجاوب هي متجاوب .
ثاني يوم الصبح كالعاده اجيت عليهه اخذهه ..
صباح الخير ..
هلا..
الطريق كوله ساكتين ..حته وجهه ماباوعتله .
وصلنه الجامعه نزلنه وكلمن راح لكليته ..
خلصت محاضراتي ب 1 وكلت اروح انتظرهه بالسنتر ..لكيتهه واكفه ويه ولد ..كمت افور ..نعلت الشيطان وكلت هذا زميلهه اكيد لتستعجل فهد ..وصلن صديقاتهه سلمن عليه ..سمعتهن يتهامسن افتهمت من كلامهن انو خايفات ع صديقتهن لان اني شفتهه واكفه ويه هذا الولد ..زين منو هذا الولد ؟؟.. معناهه مو زميل وسالفته مو من اليوم لان صديقاتهه يعرفنه ..
وجهت كلامي لسما لان اعرفهه اقرب صديقه لرند ..
سما منو هذا الولد ؟
سكتت سما ..باوعتلي بخوف ..عيونهه بيهه نظرة خوف من استجوابي الهه كالتلي ..
مماعرفه .
طرت لمكان وكفتهم .
جريت رند من كتفهه ..ووجهت كلامي للولد ..
نعم اخي رايد شي ؟
ظلت هي واكفه بظهري مدنكه وجهه .
عفوا بس جنت احجي ويه البنيه موضوع خاص .
موضوع خاص يعني شنو اني خطيبهه .
ظل الولد صافن بوجهي وكام يطي الوان ..
اييي البنيه خطيبتي ..شنو هالموضوع الخاص الجنت رايدهه بي ممكن اعرف ؟؟
اني اعتذر ..بس جنت محتاج محاضراتهه مال السنه السابقه لان اني طالب ماجستير .
اي وشنو ماكو غيرهه عدة محاضرات سنين سابقه .
اني اسف اخي ..اترخص .
الولد ماعرف شلون يخلص مني .
التفتت ع رند ..وجهه احمر ومدنكه مثل طفل مسوي شغله موزينه ومنتظر عقوبة امة..مجلبه بايدي يمكن من الخوف ماحاسه ع نفسهه.
انتبهت ع شي فور دمي فوك فورة الدم مال هسه ..رند ملابسه حلقتهه ..صح كلبي رف عليهه من شفتهه مجلبه بايدي مثل الطفل مكمش بعبايه امه بس من شفت الحلقه ماكو بايدهه تخبلت .
صحت بيهه ..رند ..
رفعت راسهه بدون كلام ..صارن عيونهه الخايفات بعيوني ..
وين حلقتج؟
دنكت تباوع ع اصابع ايدهه ..تيقنت صدوك ماكو حلقه ..همست برجفه..
نسسيتهه بالبيت .
خزرتهه ..
شبيك فهد والله مو بقصد
خلصتي محاضراتج ؟
اي ..
امشي ..
لزمتهه من ايدهه وجريتهه ..
فهد محاضراتي ..
مريت من يم الكراسي الي صديقاتهه جانن كاعدات عليهن وبدون ما اترك ايدهه جريت اللفكس مالتهه من ع الميز اعرفه واخذته وطرت بيهه للسيارة .
حاولت الزم اعصابي بين ما اوصل للسيارة وهناك احاسبهه ماردت افشلهه وافشل نفسي بالجامعه كدام الطلاب .
لابسه كعب عالي واجر بيهه من ايدهه ورايه وامشي سريع وهي متكدر تجاريني بسرعه خطواتي فتتعثر وترجع تمشي ماطيتهه مجال ترفع راسهه عينهه ع طريق مشيتهه خاف تنجبح اخير شي رادت تنجبح انتبهت ع نفسي شدا اسوي عاد بوكتهه هي جرت ايدهه من ايدي بقوة ..
دوخرر ..ادري شبيك تخبلت ؟
عِله صوتهه عليه ..والطلاب انتبهوا ..الي تهربت منه صار ..جنت خايف افشلهه كدام احد اخاف افقد اعصابي وارزلهه لو اصيح عليهه .
هالمرة اني تفشلت كدام الطلاب لان علت صوتهه عليه يمكن بوكتهه دماغي وكف ماعرفت شلون اتلافه الموقف ..عمري محد حاطني بهيج موقف ..
بالليل اكمللكم العركه .
هذا الصاك البصورة البارحه صار عمرة 43 سنه تصدكون .؟
ذاك اليوم جنت ابجي ع جاك من مات بتايتنك شبسرعه كبر .
قراااءة ممتعه .
أنت تقرأ
صهباء غيرت حياتي
Romanceشاب يحب فتاة حب من طرف واحد ويحاول معها بكل الطرق لكي يلفت انتباهها لكنها عنيده لاتستسلم لنداء قلبه فلا يستسلم ولايقبل برفضها له ..يستقتل حتى يحصل ع حبها حتى لو كان ذلك بطرق حقيرة وملتويه ..قصتي الجديده ..
