البارت 24
صهياء غيرت حياتي
بقلمي روسكان
بالليل اتصل عليه فهد سوالف عاديه وشقه وضحك يحاول يشيل اي حاجز بيناتنه وتزيد الثقه والميانه ..اعرفه ديطيني وقت وفرصه علمود اعرفه واتعود عليه ..الحلو بفهد من يكول كلمه گدهه ويسويهه تذكرت بنهايه المرحله الاولى من صارحني وطلب رقمي اطيته المقسوم من الرزاله وبوكتهه كلي راح يجي يوم وتصيرين زوجتي وصدوك صرت ..
ظليت ابتسم كلما اتذكر الي صار وتسلسل الاحداث هو مكتوب الي من البدايه ومن حاربت وعاندت اني ماجنت احارب غير قدري ونصيبي المكتوب ع جبيني ..المكتوب ع الجبين لازم تشوفه العين مو هيج كالوهه ؟؟ ايييي واني متشوقه اشوف مكتوبي ..
ثاني يوم خميس عادي مر عليه الصبح ورحنه سوة للدوام ..خلص الدوام بسلام ..رجعني للبيت وبنفس اليوم بالليل حجه ويه بابا وبلغه انو قررنه الزواج بعد اسبوعين وكالعاده بابا وافق ماعترض ع شي ماطول متفقين وماعدنه نواقص وكولشي كامل بس جان مصدوم نوعا ما بناته ثنينهن راحن لبيوت ازواجهن بفترة قصيرة راح يفرغ عليه البيت وسمعته يحجي لماما هذا الكلام صراحه انعصر كلبي ع بابا شلون راح افاركه هو وماما ..ماما كالتله عفيه هاي العائله ولدهم لفلفوا بناتي بساع بساع واخذوهن ..ضحك بابا بصوت عالي ع تفكيرهه وع طريقه صياغتهه للموضوع وكاللهه .. انتي مو ردتي قسمه زينه وستر لبناتج ورب العالمين ماقصر.. ردت عليه ..حاشاه ربي يقصر وياي والنعم بالله .
ارتاحيت من كلامهم ..الامور والتحضيرات مال زواجي تمشي بسلاسه وسهوله ..
ماكو شي مخرب فرحتي غير الآم خواصري الي ديزيد يوم بعد يوم واني هاملته وهامله صحتي وكانه اذا هملته راح ينساني اويعوفني ..
طلعت وصفتي القديمه مال الطبيب من تمرضت اخير مرة ورحت للصيدليه جددت الدوة وبديت استخدمه وصرت احس نفسي احسن شويه .
صار يوم الاحد رحنه اني وبابا وماما للمحكمه وهناك جان ينتظرنه فهد وامه وابوه ..وكملنه الفحص الطبي والاجراءات الباقيه .
رحنه اني وفهد للمستشفى نستلم الفحص الطبي علمود نرجع للمحكمه نعقد اهلنه تركناهم هناك .
مثل متوقعت راجعلي التهاب المجاري البوليه التحليل يكول 3صلايب كلت لفهد دا اخذ علاج ولايجيب طاري هالموضوع كدام اهلي لان اني صدوك دا اخذ العلاج والشي الحلو بالتقرير الطبي اني وفهد طلعنه نفس فصيله الدم A+
فرحت بداخلي وهو هم .
رجعنه للمحكمه ودخلنه ع القاضي عقدنه محكمه واشتغلت الهلاهل امي وام سند وحته رونق وسند خابروني علمود علمود يعرفون احنه بيامحكمه من جنه نكمل الفحص الطبي فاجينه للمحكمه لكيناهم موجودين ضاربين المحاضرة الاخيرة وجايين ..
الكل باركلي وبارك لفهد ..
امي حضنتني حسيتهه مرتاحه عليه لان هالمرة اني فرحانه وجهي يضحك وعيوني فرحانه عرفتني مامغصوبه وصار شي بكلبي لخطيبي .
وابو فهد عمي صار ..عزمنه ع الغده بالمطعم ورحنه تغدينه كُليتنه وبلغونه الجمعه الجايه معزومين ببيتهم ع الغده علمود تجي العروسه الي هي اني ههههههه واشوف الشقه مالتي ..ونشوف شنو ناقصهه من تجهيزات بعد .
طول الوكت فهد ماترك ايدي كايدني طول الوكت عبالك طفله وخاف اضيع منه ..حبيت الاحساس ..هو اليه ..مالتي واني صرت مالته ..حلو الاهتمام وحلو تشوف شخص يصير شغله الشاغل راحتك وتحقيق طلباتك ..اتمنه ميتغير ..اتمنه حته بعد الزواج يبقه هيج تعامله وياي ..
أنت تقرأ
صهباء غيرت حياتي
Roman d'amourشاب يحب فتاة حب من طرف واحد ويحاول معها بكل الطرق لكي يلفت انتباهها لكنها عنيده لاتستسلم لنداء قلبه فلا يستسلم ولايقبل برفضها له ..يستقتل حتى يحصل ع حبها حتى لو كان ذلك بطرق حقيرة وملتويه ..قصتي الجديده ..
