البارت 25
صهباء غيرت حياتي
بقلمي روسكان
مرن الاسبوعين بلمح البصر ..واليوم زواجي من فهد ..
الحنه والعرس بيوم واحد ..حفله الزواج بالقاعه ومن القاعه تطلع الزفه للفندق حاجزين سويت ليله .
اختاريت بدلتي مو بيضه بياض ناصع ..لا كريمي اوف وايت اخذتهه مال محجبات رغم اني لسه ماتحجبت بس لان مستورة وحبيت تصميمهه ..الدلعه للرگبه وردانات كامله بس من الصدر ليفوك تور مخرم والردانات همين ..الحفله مختلطه واهلهم من العمارة جايين .
حفله زواجنه مختلفه عن حفله رونق وسند لان مختلطه ماكدرت اخذ راحتي بس الحلو بالموضوع فهد من بدايه الحفله وياي ..ركصنه سوة وقطعنه الكيكه وشربنه عصير وظلينه نسولف هواي ..سند سحل رونق علمود يركصون سلو وسوولنه واهس نكوم نركص سلو مرة ثانيه مرة ثانيه ع واهسهم .
بالنظر للطريقه الي خطبني بيهه فهد بالاحرى الطريقه الي وافقت بيهه ع فهد ماتخيلت يجي يوم وافرح هيج ..جنت فرحانه حيل والخوف معدوم بداخلي لان فهد زرع بيه الامان ..زرع بيه محبته ..مثل ورده وداراني وسگاني من حبه ..علمني عليه وع طبعه .
لسه ماكايلتله احبك بس اني احس بكل مشاعر الحب واني وياه ..احس حضنه مكاني وامانير..احسه سندي وظهري ..هسه حسيت برونق من جنت اقلد ع اسم سند وهي ودهه تكوم تملخني لان هو صدوك سندهه .
يكول ع نفسه اجلح لو مزنجر هو ميدري ماكو ابيض ولا اطهر من گلبه بفترة قصيرة علقني بي ..باسلوبه بتصرفاته بحبه الواضح اليه وبخوفه عليه .
اصدقائه جروه من يمي علمود يركص وياهم ويغنوله اليوم يومك يابطل وكولهه تضحك ..امي وام فهد وبابا وابو فهد كاعدين يسولفون ع ميز واحد وكولهه فرحانه وتضحك .
رجع فهد كعد يمي كوة خلص من احراج اصدقائه واغانيهم الي كولهه من هاي الليله ..الحلو بفهد كدام اهلي يبوسني من راسي لو من اصبعي البي حلقته ..فهد بي حنان اب .
تقربت خاله ام فهد وماما من مكان كعدتنه ..باركلي ووصني علمود هاي الليله حضنت ماما ماردت ابجي ولا اريد امي تبجي اريده تحس اني بامان والنعم ماختارولي رجال بالف رجال واكفلي سند وظهر وستر وفوك كل هذا يحبني ويخاف الله بيه .
حضنت خاله ام فهد ..هنا خنكتني العبرة ..هنا احتاجيت اكوللهه رحم الله والديج وعاشت ايدج ع هاي التربيه ..فهد درة ..
محظوظه اني من اخذت هاي الدرة ..لا والله الدرة هي اختارتني واني بغبائي ردت اضيعهه من ايدي بوست خالتي وكتلهه احبج خاله وهي بادلتني الحضن وباستني من راسي .
رجعت كعدت ع الكوشه ..يم فهد ..الي جان يباوعلي ويمكن عنده فضول يعرف شحجيت ويه امه ..
ها حبيبي شجنتو تحجون ؟
ضحكت بخبث ..
ولا شي.
ادري الفضول كاتله ..
احجي ترة ابوس هالشفايف العسل كدام العالم .
خزرته بضحكه ..
فهد !!
ياعيونه ..كولي يله .
جانت توصيني ع شغلات .
شغلات مثل شنو ؟
شغلات ..هسه دسكت ترة لحيت هواي .
هالمرة هو ضحك بخبث ومكر وكالي ..
لاماعرف شنو هالشغلات ..كوليلي.
من نوصل للفندق اكولك عليهن.
غمزلي ..حسيت روحي تورطت من كلت له هيج .
عضلي شفه ..
هلكد مستعجله ؟
ضربته خفيف ع فخذه ..لزم ايدي باوع لعيوني وباسهه ..
احبج واحب خجلج ..
بوكتهه صدوك غطيت بهدومي من الخجل وحسيت خدودي كامت تطلع منهه حراره ظليت اهفي لخدودي وفهد يضحك عليه ..
فهد ؟
حبيبي ..امريني ..
هسه لايزفونه لازم تبدل حلقتي ..اريد حلقه النبض ماريد هاي الحلقه ..
صفن بوجهي ..
حبيبي ماجايبهه وياي ..بالبيت بقت .
يعني موجوده ..مارجعتهه ؟
لا مارجعتهه بس لو كايلتلي حته اجيبهه .
نسيت .
مو مشكله ..نرجع والبسهه الج .
لزمني من ايدي وكومني وبدل حلقتي ..زفونه للفندق ..باركولنه ..ووصوني ووصوه عليه وعافونه وطلعوا ..
وانتو هم كافي طلعوا عرسان شعدكم يمهم ..ترة هلكت دماغي جيّم بعد مابي احداث وباجر ع الاكثر انزل بارت واحد احتاج ارتب احداث جديده فريش للحياة بعد الزواج لان القصه خياليه ف يحقلي اتفنن ..حبكككم ..متابعه ممتعه .
أنت تقرأ
صهباء غيرت حياتي
عاطفيةشاب يحب فتاة حب من طرف واحد ويحاول معها بكل الطرق لكي يلفت انتباهها لكنها عنيده لاتستسلم لنداء قلبه فلا يستسلم ولايقبل برفضها له ..يستقتل حتى يحصل ع حبها حتى لو كان ذلك بطرق حقيرة وملتويه ..قصتي الجديده ..
