البارت 12
صهباء غيرت حياتي
بقلمي روسكان
هي العطله الربيعيه 14يوم يعني اسبوعين فحددوا بنهايه الاسبوع الاول من العطله يصير الزواج وبدينه نتحضر ..
مهند باخر يوم من امتحاناتي انقطعت اخبارة عني ..اتصل وادز رسائل ماكو ..اختفه فجأه واني كلبي مثل النار عليه ..ماعرف المن اسأل والمن اروح ادور عليه .
وكأنه مجان موجود بيوم ابدا .
الي صبرني ع فراكه تحضيرات زواج اختي التهيت بيهه هواي ذبيت روحي ع الشغل والترتيبات حتى اكتل الوكت وادعي بلكي يتصل بلكي يدز مسج ويكولي شنو عذرة عايفني هلكد وليش جان مختفي عني طول هاي الفترة .
صار عرس رقوش وسوينه الحنه والزفه بيوم واحد لان سند مستعجل ويريد يستغل اكثر وقت ممكن ويه زوجته ههههههه وطلعت رقوشه احلا عروسه وطبعا اني اخت العروس جان الي نصيب من الجمال والاهتمام .
جنت اشوف فهد من بعيد لبعيد وهو هم مرات اشوفه يباوعلي ومن انتبه عليه يوخر عيونه عني ..اني بياحال ..بالي كوله مشغول بمهند ..وين صار وليش اختفه فجأة .
فهد ..
من يوم عقد اخويه سند من بنيه وياه بالكليه واني لمحت خيال بالمطبخ لبنيه اعرفهه ..ام شعر الاحمر شفت كفاهه ومكفى الشعر الاحمر شكيت هي لو لا ..
ماتوقعت هيج حظي يسويهه وتطلع اخت خطيبه اخويه لو وحده من كرايبهم ..
مرت الايام وبديت اداوم مرحله ثالثه صيدله وتعرفت ع خطيبه اخويه اسمهه رونق بنيه كولش حبابه واريحيه ومؤدبه خلال شكم يوم وطدت علاقتي بيهه وعرفت عدهه اخت وبالصدفه عرفتني ع اختهه طلعت هي رند الاعرفهه ماغيرهه هي اخت رونق ..
من يومهه واني احاول بكل الطرق استميلهه اليه بس معاندتني وعنادهه حيخبلني ..طلبت من اخويه يوصل خطيبته واختهه بسيارته عليش يرحن خط وهو موجود وسيارة تحت رجله وفعلا مشى ع شوري وكمت اتحجج بسيارتي عطلانه اوكذا عذر اطلع علمود ياخذوني وياهم للدوام وغير الصباح الخير والمع السلامه ماتوجهلي اي كلام ..وتظل طول الطريق ساكته وعينهه ع شباك السيارة واجتني فكرة نوطد العلاقات بين العائلتين نعزمهم ويعزمونه وصار الي ردته بس كامت تتهرب لبيت صديقتهه بحجه الدراسه ..واني عجزت وخرب واهسي ومحاولاتي وياهه كولهه فشلت .
من شفت علاقه اهلي واهلهه توطدت وصارت اكثر من علاقه نسابه صاروا اهل واكثر وصار بينهم شغل عرفت هاي ورقه ضغط لصالحي .
بالاضافه الى خطوبه سند ورونق يعني ممكن اذا اتقدملهه مراح تكدر ترفضني وحتلو عدهه نيه ترفضني يمكن توطد العلاقات والشغل المشترك يخليهه تقبل مجبورة ..
حتلو اجبار تقبل بيه جنت راضي ..لهيج درجه جنت رايدهه وشاريهه .
قررت ااجل الموضوع مال انو اتقدملهه ورة زواج سند لان ماردت تصير مشاكل ويه احد من الكرفين اهلي واهلهه وخاف يأثر ع سند ويتأجل زواجهم واني مو اناني علمود هيج ااذي اخويه خاصه واني تدري بي شكد يحب رونق ويحسب لليوم الي تصير بي رونق زوجته يوم يوم .
مهند جان ورقتي الي اتقرب بيهه من رند واتعرف عليهه شنو تحب شنو تكره بشنو تحلم لشنو تطمح طبعهه شخصيتهه كولشي عرفت ومن حسيتهه حبتني ..حبت مهند عرفت نفسي غلطت غلطه جبيرة ..اني غلطتهه بدون وعي وتفكير مني .
ومن طلبت اتقدملهه رفضتني بكل برود والسبب جنت اعرف هي تحب مهند ومنتظرته يجي يخطبهه ..حسيت نفسي شكد غبي ..
والسبب الي تحججت بي من رفضتني مس كرامتي لذلك قررت امحي مهند من حياتهه ..هاهيه خلص دورة ماله لازم بعد ..كسرت السيم كارت وخلص اختفه مهند .
( جديات احد بيكم جان يعرف انو فهد هو مهند قبل هذا البارت ؟؟).
الحمدلله الي جنت منتظرة صار وتزوج سند بخير وسلامه ومر ع زواجهم اسبوع ..هالاسبوع مابقوا يمنه راحوا اسبوع عسل لتركيا ورجعوا قبل لايبدي دوامنه ..
العادات عدنه ورة متطلع سبعه البنيه اهلهه يعزموهه هي وزوجهه وعيالهه واي واحد حاب يجي عزومه مباركه ع الزواج يعني وهذا الي صار .
أنت تقرأ
صهباء غيرت حياتي
Romansaشاب يحب فتاة حب من طرف واحد ويحاول معها بكل الطرق لكي يلفت انتباهها لكنها عنيده لاتستسلم لنداء قلبه فلا يستسلم ولايقبل برفضها له ..يستقتل حتى يحصل ع حبها حتى لو كان ذلك بطرق حقيرة وملتويه ..قصتي الجديده ..
