ما بين الحب والرغبه (الفصل الثانى من سلسله آدم وحوا .. مستوحاه من أحداث حقيقية )

توضيح ختام الروايه

14 / 11 / 2017

ذكرى إنتهاء نزول روايه ما بين الحب والرغبه

" ما بين الحب والرغبه " 🙈✌💪

بعتبرها مرحله صعبه وخطوه إيجابيه عملت فارق كبير فى حياتى .. سواء الأدبيه أو الشخصيه .. خدت منها تجارب كتيره جدا .. وعلى قد التعب والوجع والصدمات المتتاليه اللى واجهتها طول الروايه 😔💔
على قد ما ربنا كافئنى وإدانى أكتر من اللى بتمناه كمان .. الحمد لله 💙❤

فى نهايه الروايه .. أتمنى أكون قدرت أوصل الهدف اللى كنت بسعى إليه من ورا الروايه دى 🌺✌

" وهو إن القراء يلاقوا نفسهم فى الشخصيات اللى الروايه تناولت حياتهم ومشاكلهم ولو حد عنده نفس المشكله يلاقى حلها .. أو أكون ولو بدايه خيط يوصله للحل "

ده كان هدفى وأتمنى إنى أكون وصلتله ❤

كنت بفرح أوى لما حد من القراء يقولى إحنا شايفين نفسنا فى الروايه .. أو حد منهم يقولى الشخصيه دى بحسها أنا .. أو جوزى زى الشخصيه دى .. أو ألاقى بعض القراء يعملوا منشن لبعض ويقولوا بصوا دى كأنها بتتكلم عننا 😄

أنا حقيقى فخوره بيكم وباللى وصلتله وفخوره جدا بإن الروايه نجحت وكل ده بفضل ربنا فى الأول ودعوات أمى وأبويا وبيكم أنتم كمان بعد كدا .. الحمد لله إن ربنا وقف جنبى .. ربنا كريم 💙❤

بشكركم جدا جدا على تفاعلكم على الحلقات والكلام الحلو أوى اللى كنتوا دايما بتكتبوه 💙🌺 .. طلبت منكم تفاعل لما أعلنت عن الروايه ومكسفتونيش ووقفتوا جنبى وشجعتونى .. رفعتوا كتير من معنوياتى فى أوقات صعبه كنت بحس إنه خلاص .. ولما كنت بشوف كلامكم كنت ببقى هعيط من الفرحه وربنا العالم 🌺

إتلقبت فى الروايه دى بسلطانه الرومانسيه ودى من أجمل الألقاب اللى جاتلى بجد 🙈🌺✌

ويارب أفضل دايما عند حسن ظنكم وأقدم كل اللى ينال إعجابكم .. دمتم بخير أحبائى
.............

لاحظت من الكومنتات اللى على الحلقه الأخيره بإن القراء بيسألوا على ساجد ووعد إنهم ليه نهايتهم كدا وإن كدا حرام لساجد

بالعكس ساجد على قد حزنه بس هو الفايز ووعد هى اللى خسرت بسبب جبروتها وإستهوانها بساجد ومشاعره 😔💔

إحنا خلينا نهايتهم مفتوحه ودى مش النهايه الواقعيه لحياتهم .. زى ما كان فى بدايه الروايه إنها مستوحاه من أحداث حقيقية ولكن بها نسبه من واقع خيالنا .. وبعض القصص بالفعل فيها جزء من الخيال بس الجزء الأكبر كان هو الواقعى 💙❤️

#الحمد_لله
#ولسوف_يعطيك_ربك_فترضى
#هدير_الصعيدى
#سلطانه_الرومانسيه
#بنوته_شقية
#مابين_الحب_والرغبه