بقلم ...
#الاميره الموسويه 👑
قبل كم سنه اميره كانت تحب واحد جوارينهم اسمه جواد ...
كان ابن شيخ وابو معروف واهلها يشتغلون عنده ..
وهي صغيره اجتي لبيت الشيخ ويا ابوها وشافت جواد
من اول نظره حبته!!
وجواد هم حبها .. وكبروا على هذا الحب وعلى امل انوو يكبرون ويتزوجون!!!
بس للقدر كان رأي اخر..........!
كبرو اميره وجواد وقررو يحققون امنية الطفوله .. بس الشيخ رفض رفضاً قاطع هذا الموضوع.
وطرد اهل اميره من القريه بكاملها .. وجبر جواد يتزوج بنت عمه
وهذا الش خلا يدفع الثمن غالي لان بسبب تصرفه هذا خسر ابنه الوحيد جواد!!
بعد الي صار وبعد ما طلعو من القريه سمعت اميره انو جواد تزوج....!!
وهذا الشي حرك كلبها .. وخلاها تندم على حبها لجواد .. تصورت انو هو تخلى عنها وكل حبه ووعوده كانت كذب بكذب!!!
قررت تنتقم من جواد ومن الحب كوله...
وخلال فتره قصيره من سفرها للمدينه اتقدملها مسؤول كبير بالدوله اسمه (سالم) ..
لانوو هي حلوووه كولش وجمالها مو طبيعي .. يعني الي يشوفها يعشكها من اول نظره ... وفد مره كانت دتمشي هي وأمها بالشارع ولمحها هذا المسؤول وهو بالسياره .. وكع بغرامها وقرر يرتبط بيها
بس هي كلبها ما عشك احد غير جواد!!
ومع ذلك اول ما عرفت هذا مسؤوول وكبير بالدوله وافقت على طول .. يمكن كانت تريد تتخلص من الفقر الي بسببه تركها جواد!!
او رادت تثبت لنفسها وللناس انو هي تكدر تتزوج شخص احسن من جواد بمليون مره ..
المهم ......
وافقت اميره تتزوج هذا المسؤول وفعلا خلال كم اسبوع اتزوجت اميره!!!
جواد بعد ما ترك القريه انكطعت عنه اخبار اميره .. بس سمع انو هي اتزوجت...!!
فقرر ينساها لانو هي صارت على ذمة واحد ثاني وحرام عليه يفكر بيها اصلا ..
مع ذلك مكدر يمحيها من داخله وبقت عايشه بي .. وبسبب حبه الها مكدر حتى يحب سعاد او يقربها منه.
مرت السنين .....
واميره مصار عدها غير طفل واحد ... الي هو (ارشد)
كان جميييييل و وسيييييم بشكل كبير يشبه جمال امه
عيونه رماديات .. وشعره بني كثيف وسرح .. ماخذ طول ابو وضخامته .. ابيض بس كوله رجوله من صغره
ابو ارشد زوج اميره كان متزوج قبلها وعنده من زوجته الاولى 3 ولد و 2 بنات .. كانو صغار .. وزوجته الاولى ميته
وحاليا كولهم ومتزوجين...!
ابوهم من اول ما تزوج اميره شرط عليها انو تعامل اطفاله كأنو جهالها وفعلا اميره مأذتهم طول عمرها .. بالعكس اهتمت بيهم وعوضتهم حنان امهم .. ولما صار عدها ارشد مفرقته عنهم ابد
يعني ارشد ربُى وكبر ويا اخوته على الحب والاحترام ..
لما كبر ارشد قرر يحقق حلم طفولته ويصير ضابط!!
أنت تقرأ
انتقام الحب
Romanceبقلمي الاميره الموسويه.. قصة فتاة يتيمه ظلمتها الدنيا واقرب من تحب فتقرر ان تنتقم ولكن عن طريق الحب ?
