انتقام الحب

8

بقلمي..

#الاميره الموسويه 👑

ارشد .. كعدت الصبح الساعه ب 9 مااعرف اشلون نمت هنا واشوكت نمت اصلا؟!!

بسرعه اتذكرت الي صار البارحه ..
اختنكت .. دااحس نفسي ما الي خلك احد ولا اريد اشوف احد .. بس هي اجت ع بالي!!

البارحه عفتها فاقده بالليل وطلعت ماادري شصار بيها؟؟

كمت بهدوء خطوه ليكدام وخطوتين ليوره اريد اتطمن عليها .. وخايف بيها شي

صعدت لغرفتها .. فتحت الباب ع كيف لكيتها نايمه ع السرير وحاضنه ابن اخوها .. اتطمنت يعني ما بيها شي.
رحت لغرفتي اخذت ملابسي دخلت للحمام سبحت وبدلت نزلت لكيت نوال الخدامه جايه .. كلتلها ديري بالج على مدام شمس واذا صار شي خابريني.. كالت صار استاذ.

طلعت بوجهي لبيت اهلي .. اول ما دخلت شافتني امي سلمت عليها وجها ثكيل عليه طلعت زعلانه اشلون ما اجي للبيت وما أسأل عليها..
كلتلها عندي دوام وملتهي .. بالكوه يلا اقتنعت وابويه هم اشويه واجه كعدنا انسولف ع الشغل و على دوامي .. مخلوني اروح كالو الي تتغده يمنا .. وامي اصرت كالت اليوم متروح ابد تبات هنا اريد اشوفك .. ابني وما شبعانه منه (لو تدرين ابنج الشفيه شمسوي 😒😏)

بقيت يم اهلي اتغدينا واجوي اخواني هم وصارت لمه حلوه ..
بس اني احس اكو شي بداخلي مو طبيعي .. مااعرف اشبيه؟!!
طول الوقت بالي شارد وافكر بيها بس بيها....... اتذكر الي صار البارحه واشلون خربت بين اديه .. كلبي يحترك .. وكل ذره بيه تريدها .. معقوله هذا اشتياق؟!!!!!!

المهم .. بقيت طول الوقت افكر بيها.

وكل اشويه اخابر ع نوال اسئلها .. كالتلي كلشي ماكو والمدام نزلت واكلت وكلشي تمام.

ارتاحيت اشويه من عرفت ماكله ونازله يعني ما بيها شي!
وتخطت الي صار البارحه..
لليل كلتلهم بعد مااكدر ابقى اتحججت عندي دوام من الصبح .. وبالكوه ل11 يلا عافتني امي اطلع.
طلعت منهم .. بوجهي للبيت .. دخلت لكيت الحرس عادي بالباب و نوال دتطلع!

سلمت عليه .. وكالت المدام نايمه ، وراحت.

صعدت لغرفتها .. فتحت الباب ع كيف ودخلت لكيتها صدك نايمه ، انتبهت عليها بعدها لابسه اسود 😡
خرب هاي اشلوووووون وياها ، كلشي ميفيد بيها؟!
اتقربت يمها كعدتها ..

شمس .. كعدت ثاني يوم الصبح جسمي كوله يوجعني ، وازرك .. مااكدر حتى امشي من الالم!!
بس مجبوره اكوم لازم ابدل لعبدالله واوكله .. استجمعت قوتي ، بدلت ملابسي الي شككها ونزلت .. لكيت الخدامه نوال مريه متوسطه بالعمر بس كولش حبابه ، من شافتني هذا حالي انقهرت عليه ، بقت تهدي بيه وتصبرني ..
استغربت من شافتني كالتلي انو ارشد حباب وعمره ممأذي احد ، ولا عنده سوالف النسوان المكسره ، بس متعرف شنو الي غيره هشكل!!