#بقلم
#الاميره الموسويه 👑
*ملاحظه ....
اولا.. غيرت صورة الغلاف يعني لتستغربون ع بالكم غير قصه ، مجرد تغيير 😊
ثانيا.. خليت صورة ارشد فوك شوفوها وكولولي شنو رايكم بالبطل ابقيها الصوره لو اشيلها وتبقى الصوره الي انتو رسمتوها بمخيلتكم 🤗؟!!
...............................
راح ارشد وبقت شمس كالعاده تبجي ...
بعدين فكرت ولكت انو هي مستحيل تكدر تسوي الي يطلبه منها...!!
بس شنو تسوي حتى تخلص منه؟!!
اخر كلام كاله الها حيل خوفها وطريقة تهديده ابد مدل على انو كان يتشاقه او ديخوفها وبس ، كلامه كان جدي وفعلا مراح يرحمها هالمره...
ضلت تبجي ... واجتها فكره!!
اذا يريد ياخذها لازم تخلي يسوي هذا الشي بدون متحس لانو مستحيل تتحمل شخص مثل هذا يتقربلها..
واحسن حل حتى تسوي خطتها هو انو تخلي يعصب منها .. واكيد لما تعانده حيفقد اعصابه ويضربها!!
فهي كل الي عليها انو تخلي يعصب ع الاخر حتى يضربها لدرجة تخليها تفقد الوعي وبهذي الحاله مراح تحس بأي شي...!!
بس هل يا ترى خطتها حتنجح ويا شخص مثل ارشد؟!!
بقت كاعده بمكانها متحركت .. لا بدلت الاسود .. ولا نزعت الحجاب!
مرت الساعات وهي تنتظره يجي ........ اتأخر هواي وهي نعست ونامت بدون متحس..
الى ان حست شخص جرها من ايدها بقوه ويصيح عليها؟!
ارشد .. طلعت من البيت معصب ودمي فاير صبرت عليها هواي وسويت الي بعمري ما مفكر اسوي اتزوجتها واني اصلا مااعرف عنها شي لا اصل ولا فصل
ردت اروح على جماعتي .. اسكر وانسى كولشي وارجع للبيت اسوي اللي ابالي .. بس مااعرف شنو الي منعني
بقيت افتر بالسياره ، ادخن جكاير وكلبي محترك لييييش مااعرف
شنو سوتلي هاي البنيه مااعرف؟!
وليش هالكد كلبي مينطيني أأذيها؟!!
معقوله عندي مشاعر تجاها؟!!
هزيت راسي بقوه .. وطردت هذي الافكار من عقلي .. اني ويني وين الحب ، وملكيت غير هاي احبها؟!!!!
(وشبيها هاي اصخونه الصخنتك 😒)
المهم .. ماحسيت بالوقت باوعت الساعه ب2 بالليل واني طالع من العصر!!
فريت سيارتي ورجعت .. دخلت لكيت البيت هدوء .. والخدامه رايحه محد بالبيت..
صعدت بوجهي لغرفتها .. لكيتها كاعده ع السرير ، مخليه راسها ع الخشبه مالت السرير ونايمه!!
اول ما شفتها حسيت شي بكلبي مااعرف شنوو مثل الطاير ، مااعرف ليش كلما اشوفها يصير عندي هالاحساس انسى كولشي حتى عصبيتي عليها تروح ... معقوله عندي مشاعر تجاها؟!!
للمره الثانيه اتجاهلج هذا التفكير وطردته من عقلي!!
بقيت اباوع بوجهها والهدوء الي ع ملامحها موووو طبيعي
بعدين انتبهت بعدها لابسه الاسود!!!!
والحجاب بعده ع راسها!!!
أنت تقرأ
انتقام الحب
Romanceبقلمي الاميره الموسويه.. قصة فتاة يتيمه ظلمتها الدنيا واقرب من تحب فتقرر ان تنتقم ولكن عن طريق الحب ?
