بقلمي...
#الاميره الموسويه 👑
طلع ارشد من بيت شمس وهو مرتاااح ع الاخر
حيحقق الي يريده وشمس راح تصير اله غصبا عنها
فرحان وطاير من السعاده .. راح بوجهه عزم اصدقاءه على سهره ع حسابه وونسهم
وبقى للصبح منايم من الفرحه
ميصدك اشوكت يصبح الصبح ويروح يجيب شمس لبيته
طبعا هو خابر ع الحارس وكاله يكول للخدامه تنظف البيت ويحضرونه على اكمل وجه وميريد اي نقص
وقرر بيت اهل شمس اول متطلع منه يأجره حتى تضطر تتحمل كلشي يسوي بيها لان حتى بيت ما عدها تعيش بي فتسكت!!
المهم ...
ثاني يوم من الصبح كشخ وطلع للدوام اخذ اجازه لمدة اسبوع
حتى يتفرغ ويسوي الي اباله..
اما شمس ....
خلصت الليل كوله تبجي وتندب حظها .. شتسوي وين اتروح ماعدها احد يساعدها ، لا ام لا اب لا اخ ولا حتى اخت تشكيلها ظيم الحال!!
هواي فكرت تنتحر وتخلص من كل هذا العذاب بس........!!
عبدالله ابن اخوها اشون بي؟!!
وين يروح .. ومنو يربي؟!!
هذا الشي الوحيد الي بقالها من ريحة اهلها .. وامانة اخوها مهند اشون تضحي بي وتعوفه بلا اهل؟!!
يا ربييي لويش مااخذت روحي اني وخلصتني من هذي الحياة......!
بس البجي ميفيد ...
فكرت تاخذ عبدالله وتنهزم منه!!
بس هو هددها تسوي تفكر بهيج شي وفعلا هو واصل وعنده معارف اكيد يجيبها من جوه الكاع وميرحم بيها
ماكو حل غير تقبل بالامر الواقع وتسوي الي يريده بدون اعتراض .. قررت تضحي بنفسها في سبيل ابن اخوها ميتبهل وتدمر حياته!
بس فكرت بينها وبين نفسها انو هي اذا راح تسوي الي يريده فأكيد مراح تخلي يسوي بالحرام لو على موتها...!!
واذا موافق فخلي يموتها بأيده ولا تسمحله يلمسها بالحرام.
بقت على هذا الحال فكره تاخذها وفكره تجيبها لا حضرت روحها ولا لمت غراضها .. الى ان صبح الصبح
الساعه ب 9 ونص الصبح اندكت الباب مالتهم ..
طبعا الدوريه مالت الشرطه ما سحبها كولها ارشد .. بقى سياره شرطه كدام البيت هم حتى تحرسهم وهم اخاف اتحاول تشرد فمراح تكدر.
ارشد .. من الصبح بعد ما اخذت الاجازه .. بوجهي رحت لبيت شمس
دكيت الباب طلعتلي هي .. لابسه اسود كالعاده ومحجبه .. عيونها حمر و مورمات امبينه كانت تبجي ومنايمه!!!
هاي المخلوقه راح اتخبلني ، تبجي حلوه ، تضحك حلوه ، تنقهر حلوه ، تعصب حلوه ، بحياتي ما شايف واحد بأتعس حالاته يصير أيه مال جمال؟!!!!
سلمت عليها مجاوبتني .. كلتلها يلا اذا جاهزين جيبي الغراض خلي نطلع لبيتي ....؟!
شمس .. قبل ما اتحرك منا خطوه وحده عندي كلام وياك ولازم تسمعه؟!
أنت تقرأ
انتقام الحب
Romanceبقلمي الاميره الموسويه.. قصة فتاة يتيمه ظلمتها الدنيا واقرب من تحب فتقرر ان تنتقم ولكن عن طريق الحب ?
