انتقام الحب

14

#بقلمي

#الاميره الموسويه 👑

بعد ما رمو على ارشد طلق .. وتأكدو انو تصوب .. او بالاحرى مات.....!

ركبوا سيارتهم وراحو ... بقى ارشد وحده ينزف بالسياره!

ميعرف كم طلقه انضرب او حتى وين اتصوب بأي مكان بجسمه؟!

بكل ما يملك من قوة بقت عنده .. سحب الموبايل واتصل بصديقه اركان........

اركان .. ها ولك بذات اليوم شعجب اتصلت؟!!

ارشد .. بصوت متقطع ، وانفاس ثقيله .. اركان انيي..يي ... تصوبت وبالسياره .. اذا مالحكت عليه ..دير بالك ع اهلي وابني....!

اركان ... شنوووو لك ارشد شدتحجي، وين انت بس فهمني .... ارشد .. ارشد ..!!

انكطع الخط .. طوووط .. طووووط

ارشد سحب نفسه ، خلا كل ثقله ع باب السياره وفتحه ... وكع بالكاع .. بقى امدد بالكاع وينزف........💔

بس كل الي كان يفكر بي بوقتها هو .... شمس!!!
كلبه كان يأذي اكثر من جروحه .. كل خوفه انو يموت قبل متسامحه .. او حتى يشوفها..!!
سيطرت ع كل تفكيره لدرجة نسى هو دينزف وحيموت ... الى ان غمض عيونه وراح لغير عالم.

اركان تخبل ميعرف شيسوي .. ميدري مكان ارشد وين .. بقى يتصل عليه يتصل ماكووو!!

بسرعه خابر صديقه بالاستخبارت .. وانطا الرقم .. كاله هسه ع الموقع مالته انحدد مكانه .. وسوا نداء للدوريات وانطاهم رقم سيارة ارشد .. اذا يشووفوها ينطون خبر بمكانها....!!

طبعا ارشد مو غبي الحمدلله ، طلع من السياره حتى يشوفو الناس لان اذا بقى بالسياره محد راح يدري بي ع بالهم سياره واكفه!!

وفعلا .. صادف مرور دورية شرطه من يم مكان الحادث لان ارشد كان بطريقه لدوامه .. يعني قريب ع المقر مالته وتمر سيارات شرطه هواي من هذا المكان.

شافوا الشرطه وبسرعه اسعفو للمستشفى.....!!

بس بعد مرور وقت طويل .. نزف ارشد خلاله هواااي"

اخذو للمستشفى ووصل الخبر الاركان انو لكو سياره نفس مواصفات ارشد وبيها شخص متصوب واحتمال يكون ميت!!

اركان بوجهه للمستشفى راح .. تأكد منه الهويه الي لكوها بجيبه ..طلع صديقه ارشد
بس كالوله انو حالته خطره وبعد ميعرفون اذا يعيش او يموت...!

وطلبوا دم كمية كبيره لان نازف هواي.. راد يتبرع اركان بس طلع دمه ممتطابق ويا دم ارشد!
اضطر انو يتصل بأهله لان اذا راح هو يجيب الدم على ما تكمل الاجراءات وينطو الدم احتمال يتأخر ويموت ارشد!!!

ماكو حل غير يتصل بأبو لان هو مسؤول كبير بالدوله ومعروف اكيد بسهوله يكدر يحل الموضوع ، او اخوانه يتبرعون له بالدم!