بقلمي ..
#الاميره الموسويه 👑
ارشد كعدت الصبح لكيت شمس نايمه بحضني!!!!
انصدمت .. معقوله اني بحلم بعلم 😳 هاي شجابها بحضني؟!!
عقلي وكف مااعرف شصارلي ع بالك اول مره تصير بحضني ، اول احضنها..
بعدين اتذكرت الي صار البارحه ورهف واشلون نامت بالكاع واني جبرتها تنام ع السرير يمي .. بس مكنت متوقع اكعد الكاها بحضني!
اوووووف هسه اني شداافكر خليني بهاي اللحظه واخيرا صارت بحضني ، خليني استمتع بالمنظر اشبع من وجها من ملامحها ... قبل لتكعد وتتخبل عليه
يا ربي شنو هالجمال هاي المخلوقه مو طبيعيه ابد معقوله هاي بشر!
بعدني صافن بيها ودايخ ... وجان تكعد!!!
شمس .. كنت تعبانه من رهف البارحه تعبتني بس تبجي .. ذبيت روحي ميته ع النوم ما دريت بنفسي..
كعدت الصبح دايخه من السهر وراسي مصدع ... فتحت عيوني وجان اشوف ارشد كدامي!!
باوعت عليه لكيته نايم غافي واني نايمه بحظنه!!!!!
هااااااااي شنووووووووو شجابني اني هنا ، درت اسحب نفسي وابتعد عنه بس مكدرت حاضني بأثنين ايديه ومااكدر اتحرك ، حاول ردت مكدرت بعدين تعبت .. انتبهت عليه نايم بقيت صاقنه بوجهه ملامحه هادئة ويجنن!
اشون نايم والهدوء الي على وجهه وشكله ياخذ العقل ؛ بقيت بس أتأمل بي شكله سحرني .. ما حسيت غير فتح عيونه وباوعلي!!!!!
اني فزيت من شفته كعد حسيت كلبي حيوكف والدم صعد الوجهي حسيته حينفجر!
ارشد .. اني كنت كاعد اباوع عليها ولما كعدت سويت نفسي نايم .. رادت تبتعد عني بس اني حضنتها كل قوتي حتى متكدر توخر عني ، بعدين استسلمت حسيتها هدئت واني سيطرت ع نفسي ابد مبينت انو اني كاعد .. الى ان شفتها طولت بالسكته ع بالي نامت فتحت عيوني شفتها دتباوع عليه!!!
من شافتني نزت ورادت تشرد من يمي بس اني لزمتها بعد اقوى بقت تتحرك بكل الجهات وتصيح وخر عني وخر عني .. اني كمت صرت فوكاها ولزمت ايديها بأيد وحده رفعتهم وثبتتهم فوك راسها .. وايدي الثانيه خليتها ع حلكها .!
رادت بس تتحرك بس مكدر لان اني مثبتها حيل ، خليت عيني بعينها واتقربت يمها همستلها بصوت ناصي ..
ارشد .. مااريد منج شي لتخافين ولا راح اتقربلج غصب عنج ابدا هم لتخافين ، كل الي اريده احجي وياج اسمعيني ولتصيحين رهف نايمه لتكعد.
شمس .. كتف اديه وصار فوكايه مكدرت اتحرك ، خفت ليسويلي شي او يتقرب مني لان شافني اباوع عليه مااعرف كلبي حسيته حيوكف ع اخر حركه كمت بس ارجف كالي ما اسويلج شي بس احجي وياج اشويه هدئت بس بعده كلبي يرجف ، ايده ع حلكي مكدرت اجاوبه بقيت صافنه بوجهه
ارشد .. متفقين؟!!
شمس .. هزيت راسي بمعنى اوكي
ارشد .. اعرف اني غلطت بحقج هواي و سويت هواي اشياء غلط ، واولها غصبتج ع الزواج ، بس غصباً عني صدكيني ولتسأليني شنو السبب .. اما الي سوا ابويه بيج فأني اصلا مكنت اعرف بالموضوع من رجعت اتفاجأت انتي مموجوده وكل ظني متردين اتشوفيني بس بعدين يلا عرفت ابويه ماخذ الطفله و...
المهم لما عرفت مسكتت اتعاركت ويا ابويه وكل اهلي لحد الان ما احجي وياهم .. وبقيت اكثر من نص سنه اني ادور عليج مخليت مكان ما دورت بي عليج بس ردت الكاج .. بعدين اتفاجأت ببلاغ من المحكمه انو انتي طالبه الطلاق!!
شوفي انتي كل الي صار بينا وكل الفتره الي عشتيها وياي معرفتيني ولا تعرفيني اصلا ..
اني الشي الي اريده اخذه لو اعرف اموت نفسي المهم يصير الي وابسط دليل زواجي منج!
عمري وحياتي مكنت اتخيل بيوم من الايام اتزوج بهذي الطريقه او حتى انو احـ....
المهم لما عرفت رفعتي دعوة تردين الطلاق مهتميت للموضوع بكد ما همني انو الكاج وارجعج وبس!
وفعلا رجعتج صح هددتج بس كل هذا حتى متضيعين الطفله الي بينا وتتعذب بسبب قراراتنا .. و وعدتج ارجعلج بنتج و وفيت بوعدي
أنت تقرأ
انتقام الحب
Romanceبقلمي الاميره الموسويه.. قصة فتاة يتيمه ظلمتها الدنيا واقرب من تحب فتقرر ان تنتقم ولكن عن طريق الحب ?
