بقلمي ...
الاميره الموسويه 👑
............
دخل القاضي .. ها بشروو شنو قررتو ان شاء الله توصلتو الحل غير الطلاق
شمس رادت تحجي بس ارشد باوعلها بنظره عرفت معناها شنوو!!
شمس .. اخذت نفس كولش طويل وكالت .. اني راح اتنازل عن الدعوه علمود بنتي متتعذب بحياتها.
القاضي .. بارك الله بيج بنتي هو هذا الحل الصحيح ، احيانا لازم نضحي بسعادتنا وراحتنا من اجل غيرنا ، ومنكون انانيين .
ارشد .. اني اشكرك جدا حضرة القاضي لان بفضلك زوجتي رجعت لوعيها وتركت موضوع الطلاق.
شمس ..اتباوعله وتريد تنفجر بوجهه من الغضب ،هو الي جبرني اتنازل عن الدعوه فوكاها يكول رجعت الوعيها؟!!
اني الك ارشد الا اندمك ع الساعه الي اتزوجتني بيها واخليك انت تطلكني من كيفك بس اصبرلي.
القاضي .. الشكر لله ابني ثم لزوجتك الي حافظت على عائلتها وهذا دليل على وعيها واخلاصها ، بس انت هم حاول تساعدها بحياتكم ولتضغط عليها لان بهذا زمنه صعب تلكه شخص يضحي بسعادته من اجل الاخرين.
ارشد .. اكيد واني متمسك بيها لهذا السبب لانو ماكو مثلها 😏
شمس .. لا ويستهزء الافندي معاجبته ماشي اني الك.
القاضي .. وهاي الدعوه غلقناها تكدرون تتوكلون هسه مع الف سلامه .
سلم ارشد وشمس على القاضي وطلعو!!!!!
طلعت شمس وارشد اجته مكالمه من اركان صديقه بقى يحجي ويا كاله بعدين اجيك وافهمك هسه مااكدر احجي سد الموبايل وطلع
شمس من طلعت اول ما شافها فهد اجه عليها هو وغالب بسرعه .. ها بشري اتطلكتي؟!!
شمس .. لا اني تنازلت عن الدعوه.
فهد .. شنوووو اكيد دتتشاقين شنو اتنازلتي وليش ، هو جبرج موو ؟!!
شمس .. اتنازلت وخلص.
غالب .. امشونا للبيت وهناك نتفاهم.. وانت فهد اهدء ولتسويلنا مشاكل.
طلع ارشد وشاف شمس دتروح ويا هذولي الاثنين الي ميعرفهم منو!!اوووووف يا ربي هاي تريد اتخبلني .. بسرعه راح عليها وجرها من ايدها
ارشد .. وين رايحه خانم اشو بكيفج تسرحين وتمرحين؟!!
ومنو هذولي الي رايحه وياهم؟!
فهد .. من شافه اشلون جر شمس واشلون يحجي وياها بعصبيه ما اتحمل بعد عصب حيل وبصوت عالي مليان غضب .. انت اشلون تجرها هيج وليش تصيح عليها؟!
ارشد .. هه وانت منو حضرتك حتى تعلمني اشلون اتصرف ويا زوجتي؟!!
فهد .. اني ابن عمها ، وطبعا اعلمك لانك ماعندك اخلاق لان لو عندك اخلاق متجرها بهاي الطريقه.
أنت تقرأ
انتقام الحب
Romanceبقلمي الاميره الموسويه.. قصة فتاة يتيمه ظلمتها الدنيا واقرب من تحب فتقرر ان تنتقم ولكن عن طريق الحب ?
