انتقام الحب

البارت الاخير ...

ما احلل لاي شخص ياخذ كتاباتي وينشرهم (ذمه)

بقلمي ...الاميره الموسويه 👑

.........

( ردتج مريتي و عاندت .. تدرين بيه عنودي )

ارشد .. دخلت للصاله لكيتها كاعده ع التخم ومخليه راسها ونايمه!!
اني خفت كلت اكيد رهف صارلها شي!!
رحت عليها ردت اكعدها .. بس باوعت بوجها رحت لغير عالم نسيت حتى اسمي ، ع بالك انسحر من اشوفها ، انوب لابسه ملابس نوم تاخذ العقل والروب مفتوح ما بقى عندي عقل!
نسيت العصبيه نسيت الحرگه الي بكلبي عليها ، نسيت كلامي انو اطلكها مااعرف اشصارلي حتى رهف نسيتها .. معقوله هذا الحب هيج يسوي بالبشر لو بس اني انسطر؟!

المهم .. بعدني أتأمل بملامحها ... جان تكعد!!

شمس .. فتحت عيوني وكالعاده انصدمت بي كدامي !!
اني كنت متحضره اريد احجي ويا وانهي كولشي بس من شفته ضاع كل الكلام مني ، اريد احجي مااكدر ع بالك جمدت وكلبي كلما اشوفه يكوم يرجف بحيث احسه حيطلع من مكانه .... اوووف يا ربي هاي اني اشبيه من اشوفه انسطر؟!
المهم .. بعد ما بقيت صافنه بوجهه .. هو ابتعد عني ورجعت ملامحه عصبت و وجهه انكلب كوله غضب كالعاده!
اني هم من شفته كمت

ارشد .. رهف وينها شنو صايرلها شي؟!

شمس .. لا لا رهف مبيها شي ونايمه فوك .

ارشد .. لعد شعندج نايمه هنا؟!!

شمس .. هاا .. انـ .. ي ... اني .. معندي شي كنت كاعده دااتفرج ع التلفزون واخذتني النومه.

ارشد .. ماشي يلا اصعدي نامي بغرفتج لتكعد رهف وتضل تبجي .

شمس .. اوك .. مكلتله كنت انتظرك ولا كلتله اريد احجي وياك ، ما اعرف لويش اتخورست من شفته!!
عفته ومشيت صعدت الدرج بس اني عيني عليه اريد احجي ويا بس كلبي يرجف متت من الخوف .. صعدت عبرت غرفته ورحت لغرفتي شفته صعد ورايه .. دخل لغرفته وسد الباب بعصبيه!

اني خابت كل امالي ، عود متحضره واريد احجي كل الي بكلبي واخلص من هذا العذاب ، بس گلبي الغبي كلما يشوفه يكوم يرجف بحيث مااكدر احجي كلمه وحده ولساني ينعكد .. دخلت لغرفتي بقيت واكفه خليت ظهري ع الباب .. وراجعت كل الي صار بينا بلحظه وحده حسيت نفسي خلص اني لازم احجي كافي سكوت بعد .. الحقيقه وعرفتها الى متى بعد استمر بهذا العذاب .. جريت نفس كولش طويل ، فتحت الباب وطلعت......