انتقام الحب

22

بقلمي ..

الاميره الموسويه 👑

........

ارشد اول ما قرا التبليغ انصدم رجع كعد ع الكرسي بتعب ..

تبليغ من المحكمه .. دعوه طلاق من قبل المدعيه .. شمس جواد من المدعي عليه ارشد سالم!!
طلاق!!!!!!
ورافعه قضيه؟!!!!!!!!
صفن وكلبه كام يرجف مو مهم الدعوه المهم اعرف هي وين واشلون كدرت ترفع قضيه ، منو ديساعدها؟!!

اخذ البلاغ وطلع بوجهه لصديقه اركان شوفه الورقه اركان حاول يهدي لانو شاف حالته مو طبيعيه
وكاله انروح للمحكمه يوم الاحد وانشوف شنو القصه.

فعلا مرت الثلاث ايام بصعوبه على ارشد .. بس يفكر بشمس هي وين واشلون كدرت ترفع قضيه عليه!

طبعا شمس مكانت تريد تتطلك من ارشد لانها تحبه وحتى محجت اي شي من الي صار بينهم لعمتها خوفاً منها اذا عرفت الحقيقه تجبرها تنفصل عنه .. بس الي صار بعدين والي اكتشفته عن ارشد واهله خلاها تغيير كل رأيها..!

بتول حجت لزوجها عن زواج شمس وطفلتها وطلبت منه يعرف كولشي عن ارشد !!
وفعلا غالب بسهوله كدر يعرف كولشي عنهم لان سالم ابو ارشد معروف وغالب طلع يعرفه
وبعد ماعرف الي مسوي بشمس واشلون طاردها قرر يعاقبه بطريقته!!
اتصل بمسؤولين شركات كبار متعاقد وياهم سالم وكاللهم انو يقاطعوا وفعلا لغو كل العقود ويا شركة سالم لان غالب كان شخص اله مكانته ومحد يكسرله كلمه يخافون منه بحكم سيطرته ع الاسواق والشركات
بدت شركات سالم تخسر اسهمها اغلب عقوده انلغت وميعرف شنو السبب؟!!
بس الي اكتشفو بعد التحقق والبحث بماضي سالم وعائلته هنا كانت الصدمه!!

زوجة سالم اميره هي نفسها بنت الفلاح الكرديه الي كان يحبها جواد ابوها لشمس!!!!!

الصدمه كانت كبيره على شمس متوقعت ابد اكو شي ممكن يخليها تكره ارشد في يوم من الايام
بس لما عرفت انو امه هي السبب بعذابهم هي واخوانها وامها كل هذي السنين الي مرت حست بالحقد والكره تجاهه
بسبب حب ابوها لاميره عاشو بجحيم وبسبب هذا الحب ابوها اتخلى عن اهله حتى لموت ابو ما حضر
وبعدين فكرت انو امه لارشد هي  السبب اكيد هي كانت حاقده على جواد لانو تزوج امها لشمس فقررت تنتقم منها ولذلك اتزوجها ارشد بهذي الطريقه وغصبها حتى ياخذ بثار امه من جواد ، لان هو يعرف كولشي عنها وعن ابوها فأكيد امه هي الي خلته يسوي بيها هالشكل!!

كل هذا الحب العذاب الي تحملته علمودك تاليها تطلع كنت تنتقم مني!!

بقت تفكر بأفكار غريبه عجيبه وكل الي رادته انو تنتقم من ارشد وامه وابو وترجع بنتها الها.
بتول كالتلها انو الي تريده هي يصير اذا تريد تنفصل او ترجع لزوجها بكيفها مراح تغصبها على شي ابدا
بس لازم تفكر بهدوء وتاخذ القرار الصحيح ولا تنسى انو بينها وبين ارشد طفله ما الها اي ذنب بألي صار ، بس شمس اصرت ع الطلاق وكالت لعمتها انو كل الي تريده هو ترجع بنتها وبس.
خلال ال6 اشهر الي بقتهم شمس يم بيت جدها تغيرت هواي كامت تهتم بشكلها وقدمت حتى تكمل دراستها ورجعت تدرس
اتغيرت تغيير جذري شكلها واسلوبها صارت احلى واحلى من قبل بمليون مره
طبعا فهد ابن غالب من اول ما شافها لشمس انعجب بيها .. وهي لاحظت من تصرفاته وكلامه وياها انو هو معجب بيها بس كانت تتجنبه لان عقلها وگلبها يم ارشد وبس.
بس بتول شرطت عليها انو اذا انفصلت عن ارشد لازم تتزوج لان بمجتمعهم المطلقه عليها نظره مو حلوه واني مااريد تتشوه سمعتنا .. فأنتي خلي ابالج انو اذا اتطلكتي من ارشد مراح تبقين مطلقه تتزوجين بس تخلص العده !