بقلمي ...
#الاميره الموسويه 👑
كلتلكم من البدايه كولشي بالحياة يصير لسبب!
والسبب الي جمع ارشد بشمس كان مؤلم بس يا ترى نهايته شنو؟!!
طلع ارشد من البيت فاقد كل اعصابه واخذ قرار على نفسه انو ابد مراح يتقربلها بعد.
خابر اصدقائه وراح وياهم للمكان الي يروحله لما يختنك او يحس بالغضب من شي كالعاده شرب ، سكر وبنات!
بس هالمره غير عن كل مره كان يحس انو كلبه ديحترك من الداخل ، الاحساس بالرفض شعور جدا كريه ومؤلم وان اتظاهرنا بالعكس!
خصوصا على شخص مثل ارشد بحياته محد رفضته بالعكس البنات يتمنون نظره منه ما عداها هي!!!!!
بيومها شرب بشكل فضيع راد يفقد الاحساس بكولشي حتى ينسى هذا الشعور وينساها الها ، بس يا جماعه الحب ابدا شييييي مو هين
وان كان يتظاهر لنفسه انو ميحبها ولا عنده مشاعر تجاها بس الحقيقه ماكو منها مهرب ، الا ما تظهر كدامك وتصدمك!
لحد الصبح بقى يشرب بعدين اصدقائه بالكوه اخذو .. بس كاللهم مااريد اروح للبيت!
طبعا محد يعرف بي متزوج من اصدقائه ما عدا صديق واحد اسمه اركان يعتبره مثل اخو هو بير اسراره!
اركان فهم انو احتمال يكون متعارك ويا زوجته لان يعرف طبيعة زواجه وشنو ظروف البنيه.. ويعرف صديقه كلش زين اذا عصب ميرحم احد وفوكاها شارب؟!!!
قرر ياخذ ارشد لبيته لحد ميهدء ويصحصح وبعدين يحجي ويا عسى ولعل يتفاهم اشويه.
بقى ارشد نايم لحد الساعه ب2 الظهر ، كعد راسه يوجعه ، ودايخ .. عرف بنفسه مكثر بالشرب!
صبح عليه اركان ودخل اخذ حمام واتريكو وحاول اركان يحجي ويا ويفهم منه الموضوع بس ارشد محجه شي وكاله انو هو ضايج من الزواجه هذي وديفكر يطلك.
عرف صديقه اركان انو اخذ الي يريده من البنيه ويريد يشمرها ، ما سكت بقى يحجي على ارشد ويرزل بي ،
اركان .. ارشد ترى حرام عليك الي دتسوي بالبنيه!
ارشد .. وشنو سويت اني؟! اتزوجتها على سنة الله وخلص اكتشفت انو هي متفيدني ولازم اطلكها.
اركان .. ارشد البنيه ماعدها احد اخوها ومات وين اتروح و وياها طفل؟!
ارشد .. مشكلتها من وين اخذتها ارجعها ، يعني لو اني ما تزوجتها هم اكيد كان بقت وحدها يعني متفرق شي .
اركان .. بكيفك ارشد بس ترى الله ميقبل الي دتسوي وانت هم عندك اخوات ، وباجر عكبه تتزوج وتصير عندك عائله وبنات خاف الله بيهم ترى الدنيا اتدور.
ارشد .. اركان لتلغي واحترم نفسك ولتخليني اطلع منا هسه وبعد لا اعرفك ولا تعرفني .
اركان .. يمعود اني اريد مصلحتك ، عمي اني اسف سوي الي يعجبك بس لتزعل.
أنت تقرأ
انتقام الحب
Romanceبقلمي الاميره الموسويه.. قصة فتاة يتيمه ظلمتها الدنيا واقرب من تحب فتقرر ان تنتقم ولكن عن طريق الحب ?
