انتقام الحب

25

بقلمي...

الاميره الموسويه 👑

كعدت رهف تبجي ... شمس بسرعه حست ع روحها فتحت عيونها بصدمه!!
عزا العزاني هاي شدا اسوي؟!!!
دفعته بسرعه وراصحت لرهف ، ارشد دمه فار اول مره حس يريد يلزم بنته ويخنكها 😂
طلع ارشد راح لغرفته اخذ حمام وبدل لبس تراك مال بيت خفيف ونزل للمطبخ يسوي اكل لان جوعان وسمع رهف دتبجي مكدر يكول لشمس تسويله عشه.
بقت شمس تسكت برهف وماكو رهف بس تبجي !!
غسلتلها وبدلتلها وسوتلها حليب ماكووو فايده البنيه بس تصرخ وتبجي ، شمس اتخبلت متعرف شنو تسويلها بس تبجي خافت بيها شي..
اخذتها وراحت لغرفة ارشد ملكته.. نزلت بسرعه سمعت صوت بالمطبخ راحتله لكته بالمطبخ!
ارشد من شافها استغرب هستوه عافها كولشي مابيها هسه حالتها حاله شعرها منكوش وهدومها مبلله  وجها كله باودر مال جهال ورهف تبجي بأيدها!!
راد ينفجر من الضحك على شكلها بس سيطر على نفسه من شاف رهف تبجي مو وكتها.

ارشد .. خير هاي اشبيج انفجرت عليج عبوه 😏

شمس .. عفيه بس تبجي مااعرف اشبيها بدلتلها و ورضعتها وبعدها تبجي!

ارشد .. كام من مكانه غسل ايده و اجه يم شمس نشف ايده بملابسها 😂

شمس .. بصوت كوله غضب .. هاااااااي شنوووووو شدتسويييييييييي 😡

ارشد .. اول شييييي صوتج لتعلي كدامي وثانيا شسويت يعني!! نشفت ايديه علمود اشوف الطفله اشبيها متشوفيها تبجي قابل اشيلها واديه مبلله؟!!  بعدين انتي روحي شوفي حالج شصاير بيج وبعدين احجي.

شمس رادت تحجي بس هو اخذ منها الطفله .. والصدمه انو رهف اول ما اخذها ابوها بحضنه سكتت!!!!!!!!!!!

شمس .. فتحت حلكها من الصدمه معقوله تبجي لان متريدني؟!

اخذها ارشد وطلع بيها من المطبخ بقى شايلها ويتمشى بيها بالصاله ويغنيلها بصوت ناصي الى ان نامت.. شمس كانت اتباوع عليهم من المطبخ اشلون شايلها بحظنه وهو جسمه مليان وعضلاته بارزه من ورا الملابس وهي اشكدوتها بحضنه نايمه 🤗
فدوه اشلون منظر يجنن ، اتذكرت ابوها اشلون كان مدللها من كانت صغيره.
شافت ارشد ديصعد فوك .. راحت ورا بسرعه ....

شمس .. وين ماخذها رهف حتنام يمي.

ارشد .. وهو ديصعد الدرج اصلا ما دارلها وجهه .. متنام يم احد صارلها ساعه تبجي ما عرفتي تسكتيها اشلون تنيمها 😏

شمس .. شاطت من الغضب  ومشت بسرعه صعدت قبله  و وكفت كدامه .. اعتقد هي بنتي مثل ما بنتك ومو من حقك تمنعني منها.

ارشد .. ما مانعج بس الطفله بعدها ممتعوده عليج و اذا كعدت بالليل مراح تعرفين تنيميها .