انتقام الحب

13

بقلمي ..

#الاميره الموسويه 👑

طلعت شمس من الحمام واول ما وخرت المنشفه من شعرها .. شافته كاعد كداااامهاااااا ، نزت من مكانها.... وبسرعه لفت المنشفه الثانيه ع صدرها .. وخجلت حييييييل.

ارشد .. بقى يباوع عليها ورايح لغير عالم هو بمجرد ميشوفها ينسى كولشي .. وانوب طلعت كدامه بهذا المنظر!!!
ذرة عقل ما بقى براسه...

كام من مكانه .. ومشى بخطوات هادئه و واثقه بتجاه شمس .. هي من شافته كام خافت ع بالها حيضربها لو يسويلها شي لانوو كالت الامه ، ولانو طلبت الطلاك وكالتله ميستحق انو تسامحه!!

بقى هو يتقدم الها وهي ترجع ليوره الى ان صار الحايط بظهرها!!!!

بعد ماكو مهرب وين اتروح؟!!!

صار قريب عليها ميفصلهم غير كم سانتيم وكف!!

هي دنكت راسها ، غمضت عيونها وخلت ايديها على راسها .. كل ضنها حيضربها..!!

هو من شافها سوت هشكل عرف انو هي خايفه منه!!
تندم لانو اتقربلها غصبا عنها ، وكره نفسه لان خلاها تخاف منه.

المهم .. مد ايديه و بعد ايديها عن راسها .. هي بقت مغمضه ومحجت شي!
بس كانت ترجف من الخوووف والبرد ، لان شتاء الجو بارد وهي هستوها طالعه من الحمام شعرها ينكط مي!!

والي خلاها ترجف اكثر قربه منها وخوفها منه!!!!!

نزل ايديها .. وبعدين رفع راسها صار وجهة مقابيل وجهها بس هي مغمضه عيونها...!!

رفع ايدي خلاهم على خدودها ، لزم وجها بايديه وكاللها....!!

ارشد .. فتحي عيونج!!

شمس .. محجت شي بس ترجف وكلبها حيوكف من الخوف والارتباك ، واحساسها كوله اتخربط !!

ارشد .. بصوت هادئ وحنون ، افتحيهم صدكيني ما أأذيج.

شمس .. كامت ترجف بقوه وكلبها يدددددك سرييييع حيطلع من صدرها ، بس مفتحت عيونها!

ارشد .. حس بيها دترجف بين ايديه .. خاف عليها لتتخربط ومو زين عليها هي حامل!!

محاوله اخيره راد يحاولها عسى ولعل ..

ترك وجهها ولزم ايدها ... رفعها وخلاها على صدره فوك كلبه!!!!!

هي اول ما حست بنبضات كلبه الي تخفق بسرعه ...... فتحت عيونها........ والتقت نظراتهم!!!!!!!!

اول ما شافت عيونه .. باوعت على ايدها شافتها على صدره!!!

متعرف شنووووو من شعووور سيطر عليها بحيث الدموع اتجمعت بعيونها ... وهو مركز نظره على عيونها ما بعد عينه عنها ولا لحظه حتى مرمشت عينه!!

ارشد .. وهو يباوع عليها ويتفحص كل انش بوجهها وبصوت هادئ همس الها ... شدتسوين بيه انتي؟!!!