#بقلمي
.
#الاميره الموسويه 👑
احيانا احنا نختار شي والله سبحانه وتعالى يختار شي ثاني ، نعترض وننقهر ، ننزعج ، وانحس انو احنا انظلمنا ... بس بعدين نكتشف انو اختيار الله النا احسن بهواااي من الي ردنا لذلك.... ( عسى ان تكرهوا شيئا وهو خيرٌ لكم )
خلصت اجازه ارشد ، نزل للبيت بوجهه .. وكان مقرر يرمي يمين الطلاق على شمس ، ويرجعها لبيت اهلها حتى يخلص!
لانو ميريد يتعلق بيها اكثر وهي تكرها .. واساسا مراح تحبه بعمرها كله ... (هذا حسب تفكيره هو ، بس الحقيقه غير)!!
كل الفتره الي مرت حاول يكرها ويطلعها من باله.. حتى غيابها يكون سهل عليه..
شغل نفسه بكولشي ، وكان يروح واجبات صعبه واماكن خطره بس حتى ينساها وميفكر بيها.
المهم .. نزل للبيت ، كان تعبان جسديا وعقليا من الدوام ، ومن التفكير!
دخل للبيت وتفاجأ امه موجوده .. وكاعده شمس يمها!!!!!
انصدم من المنظر الي شافه؟!!
هو عنده اغلى شي بحياته امه ، لانها كرست كل حياتها اله ودللته من صغره مخلته يحتاج شي ، وبفضلها اجتهد بدراسته وحقق حلمه
وبالنهاية الكل ما عنده اغلى من الام بالعالم.
فلما شافها انصدم مو خوفا منها وانما ميريد يكسر كلبها وتحس انو خذلها..!!
مكدر ينطق ولا كلمه من الصدمه .. وشمس اول ما شافته فزت من مكانها و وكفت من الرعبه..
دخل ارشد .. سلم على امه ، وعيونه على شمس .. يريد يعرف اذا امه عرفت بالحقيقه لو فهمتها شي ثاني، حتى يوضح الامه!!
بس شمس ما رفعت راسها من الخوف وكامت ترجف
امه بقت كاعده ع الاكل ولا كأنها سمعت ارشد يسلم!!
اتقرب منها ارشد اكثر ودنك يريد يبوسها من راسها بعدت عنه..!!!!
عرف انو امه زعلانه ومستحيل ترضى بعد الي عرفته.
صاح بصوت جامد ع شمس .. روحي منا اتركينا وحدنا.
شمس بدون اي كلام طلعت.
جر الكرسي وكعد يم امه لزم ايدها ، يحجي وياها....
ارشد .. امي اعرف زعلانه وحقج عليه وشتكولين ما الومج بس راح افهمج كلشي ،
اميره .. رفعت راسها ، شتفهمني وبعديش؟!!
ارشد .. حبيبتي وداعتج مجرد نزوه مو اكثر واصلا اريد اطلكها بدون محد يدري وانهي الموضوع، بس انتي عرفتي غصبا عني.
اميره .. شنو نزوه؟!! ابني بنات الناس مو لعبه .. تقبلها ع نسرين (اخته من ابو) لو اي وحده من اخواتك، تقبل واحد يضحك عليهن يكسرهن ويشمرهن؟!!!!!!
اني مربيتك ع طيحان الحظ وقلة الادب .. شغيرك؟؟
ارشد .. اووووو امي اترجاج لتكعدين تحجيلي محاضرات وكلام ميفيد ، كلتلج مجرد نزوه ، اعتبريني غلطت وراح اصلح غلطي.
أنت تقرأ
انتقام الحب
Romanceبقلمي الاميره الموسويه.. قصة فتاة يتيمه ظلمتها الدنيا واقرب من تحب فتقرر ان تنتقم ولكن عن طريق الحب ?
