انتقام الحب

19

بقلمي ..
.
.
#الاميره الموسويه 👑

لما رجع ابو ارشد قبل 6 اشهر .. سوه حياة شمس جحيم..!!

طلعها من بيت ارشد .. اخذها لبيته الي كان قريب ع بيت شمس القديم!

وكان يعاملها مثل الخدم .. حتى ابن اخوها عبدالله هم ما رحم بي .. خلاهم بالبرد يباتون بالمطبخ.

اميره ام ارشد حاولت بكل الطرق تمنعه يسوي هيج بشمس ... بس مكدرت تغير شي!!
بالكوه قنعته انو يبقيها الى ان تولد الطفل
رادت تبقى شمس يمها قدر الامكان بلكي يرجع ارشد وهو يتصرف .. لان هي متكدر لزوجها..!

وسالم كان مقرر يشمرها بالشارع بس حملها بأبن ارشد هو الي منعه..!

وبالفعل اول ما ولدت شمس اخذ الطفل .. وشمرها هي وابن اخوها بالشارع!!

بالمناسبه شمس جابت بنوته تجنن مثل القمر .. بس سالم حتى مخلاها تشوفها..!
ولا تخليها بحضنها حتى لو ثواني!!
طردها نص الليل
اميره حاولت بكل الطرق اتبقيها بس سالم كاللها انو اذا مسكتت حتى هي يطردها......!!

فجأة شمس لكت روحها بالشارع مريضه ومحد الها والدنيا بارده .. محد رحمها..!

كعدت بالشارع حضنت عبدالله وبقت تبجيييييييي ...
اتذكرت اهلها .. امها ابوها اخوتها .. لمتهم الحلوه وكعدتهم .. صح كان اغلب الوقت يتعاركون امها وابوها .. بس متنسى الايام الحلوه الي عاشوها .. اتذكرت بيتهم الدافي .. وخطر ع بالها اتروح لبيتهم القديم .. لان قريب من بيت اهل ارشد وهو المكان الوحيد الي باقيلها...!!
اخذت عبدالله وراحت والحمدلله مفتاح البيت عدها ضامته.
اول ما وصلت البيتهم خلت المفتاح بالباب حتى تدخل .. بس منفتح الباب!!
بقت تحاول تحاول وماكو؟!!
اشويه وانفتحت الباب وطلع منها رجال كبير بالعمر ...!!
شافته شمس واستغربت ... سألته منو حضرتك وشنو تسوي ببيتنا؟!!!!

الرجال كاللها انو هذا البيت مأجره من استاذ ارشد وراح يصيرله تقريبا سنه!!!!

شمس مصارلها كم يوم من ولدت .. مرتاحت ابد وسالم طردها ، وكلبها مكسور على طفلتها الي اخذوها منها .. وهي اصلا تعبانه من الخدمه والشغل الي اشتغلته ابيته
وكلام الرجال هذا خلاها تنهار... متحملت ورادت توكع بالكاع من الصدمه، وين اتروح بهالليل ومنو الها؟!!
هذا املها الوحيد راح ستشوي بعد؟!!
.. الرجال شافها شكلها تعبان ومثل الي داخت!!
بسرعه اخذ الطفل من ايدها ولزمها دخلها للبيت..
شمس مقبلت تدخل ورادت تروح بس الدنيا الليل والرجال شاف حالتها كلش تعبانه .. مقبل يخليها تروح و بالكوه قنعها تبقى للصبح.

دخلت شمس .. تلكتها مره كبيره بالعمر ، شافتها متخربطه ، بسرعه سندتها واخذتها لغرفتهم نيمتها..!

طلعت تستفسر من زوجها .. كاللها انو ميعرفها بس اجتي تسأل ع البيت!!

نامت شمس بس عبدالله بقى يبجي .. اخذته المره غسلتله وسوتله اكل خطيه كان ميت من الجوع .. اكل وذب روحه نايم!!
بقت شمس نايمه للصبح .. كعدت!