#مابعد_الخطيئة
الجزء السادس
Nada hs
adaena7 واتباد
لل11 هدى صارت تعيط.. خبصتنا خبص.. دااريد اشغل السياره حتى ناخذهه امي عاطت ولج وين..
-يمه غير ناخذهه!
عاطت :ولج خابري ع خالد.. شنو نروح وحدنا؟!
دكيت ع خالد.. حتى مااعرف شنو كلت اله.. المهم هو افتهم وكال جايكم..
اجه خالد واخذناهه.. بس وصلت ورا نص ساعه جابت..
شويه واجو اهل خالد كلهم بس عصام وابو عصام مااجو..
المستشفى انترست منهم.. عبالك بس هم عدهم وحده جايبه.. ام عصام مخلت وحده من الممرضات ماخلت بيدهه.. تبوس بخالد وترجع تبوس بأمي..
هل حجي بعدنه مشايفين لا هدى ولا ابنها..
وره شويه طلعوهم.. جايبه ولد مثل الگمر.. وجهه مدور وابيض.. بس ملامحه مو هلكد مبينه..
بنص الهوسه مااسمع بس همس يم اذني:يوم الالنا اني وياج..
التفتت.. اجت عيني بعين وليد.. خزرته..
ضحك ووخر مني.. كبر شكد سخيف..
حته عكر عليه فرحني بهدى وابنها.. ام عصام عبالك ممصدكه بالحفيد..
بقت شايلته ودموعهه تصب.. امي كانت اقوى منهه.. حتى مابجت..
وليد اخذ امه ومرت عصام.. واني وامي وهدى ويه خالد..
رجعنه ع البيت.. فوك ال1 .. خالد عبالك هو الجايب هههه...
خلتهم امي بالاستقبال .. كالت عيب مانحسسه وخلي يبقه يمهه..
وخطيه يمكن الليل كله هو كاعده ههه.. لان الصبح كوه كعد من النوم وعيونه منفخه وسود من جوه..
تريك يمنا وراح لبيتهم.. من راح خلينا هدى بغرفه امي هي وابنها زيودي..
رتبنه البيت.. لان نعرف راح يجون اهل خالد ومعارف هدى..
عاد صدك يومين احنا انسلكنا سلك من الخطار.. موظفات ويه هدى كوم اجن واهل خالد همين وخواتي.. داخ راسي .. وهمين فرحت .. لان انشغلت وصار شي جديد بحياتي.. مو بس بجي ودموع...
انشغلت هوايه .. بس كل مااتذكر علي ينفطر كلبي..
ومرت ايام.. هدى رجعت لبيتهه.. وصار وقت الدوام..
هدى عافت السياره .. لان زوجها واعدها بسياره بس تكمل الامومه..
قبل الدوام بكم يوم.. رحنه اني وامي اشتري ملابس.. ماله وروحي طالعه..
المن اشتري والمن البس اذا عيونك ماتشوفني..
اختاريت كم قطعه.. هل سنه اخيره.. اكيد مراح اشوفه.. واكيد راح تصير صفحة بحياتي.. تنطوي وتنتهي.. بس يا ترى شلوون راح اعيش بعد ماتنطوي وتروح.. شلون اتنفس وانت بعيد عني.. شلون اطلع لدنيا مابيهه انت..
دوامت اول ايام.. ماشفته.. وكنت مأيسه منه.. فلذلك ما دورت ولاتعبت نفسي.. انشغلت بمحاضراتي.. ورا اسبوعين صدفه شفته..
كنت اريد افوت وصار كبالي.. كل شي رجع بيه من شفته.. هو نفسه نفس جموده ونفسه كبريائه.. مر من يمي حتى سلام ماسلم.. انتظرته ينطق يحجي يكلي شلونج.. ماسواهه.. شكد اتحمل بعد ماادري..
اني الكانت روحي اعز من كل شي.. هيج انذليت وياك.. اه والف اه ع الزمن الي خلاني هيج..
وانذلت روحي الكانت عزيزه..
مرت ايام.. ع ابو رابع وكلهه متشدده علينا.. هوايه استاذه جدد.. صغار وحلوين وصارو حديث الساعه بالكليه.. بس بعد علي مايدخل گلبي احد ابد
طلع اسمي بمادة البحث.. يم علي.. ماصدكت نفسي من قريت الاسماء ومقسمينا ع الاساتذه.. بس اكو كسره بگلبي.. مادري.. خوف لو حزن..
فرحت وضجت لان اسمي يمه.. كنت اريد انهي هل عذاب.. تالي طلع البحث يمه.. مكتوبلي ماافارك عيونك..
كل مااكول اليوم اروح حتى اشوف شنو الموضوع الي اكتب بي بحث..
ابطل.. اخاف واتردد.. مااريد ارجع لذيج الايام الذليت روحي بيها ذل يمه واني اعرف بنفسي بس اشوفه مراح اتحمل وراح اجفص وياه بلحجي..
بس شكد ما اتأخرت بالنهايه لازم اروح واشوف شنو موضوع بحثي..
تشجعت ورحت..
دكيت الباب ودخلت.. كنت مسيطره ع نفسي لحد هل لحظة.. بداخلي اردد اي صيري قويه.. لا تذلين نفسج.. لا تهتمين اتصرفي كأن ماكو شي..
وصدك دخلت مثل الغريبه ماكان صارت ذيج المواقف بينا..
-السلام عليكم
علي:وعليكم السلام.. تفضلي؟
-استاذ.. علمود البحث..
علي:ها . اسمج يمي.. لو ادري الصراحه كانت رفضت..
دنكت وسكتت..
علي:اختاري موضوع.. ونشوف شنو قدراتج..
صفنت بعيونه ماادري بنفسي صاح:هاا؟
-لاهيج.. شكرا..
طلعت وسديت الباب.. قهر ياگلبي اكل قهر..
ومرت ايام.. هدى همين رجعت تسألني عن الولد الي احبه.. كل ظنها طالب ويايه.. طمنتها ماكو شي.. ومااحسها اقتنعت..
صار البحث كل اهتمامي.. اختاريت موضوع.. ورجعت اله..
كال خوش موضوع.. اكتبي بي..
وبديت اتردد المكتبه.. استعار كتب.. وادور مصادر.. اريد يكون بحثي تمام
يوميه اكتب شويه.. ومرات ادرس..
امي من تشوفني ادرس تبقه تمدح بيه . عبالهه طفل اني واكيف من تمدحني.. هو مزاج.. شوكت ماعجبني ادرس..
ومرت ايام.. كملت البحث.. وكل هل فتره مرايحه لعلي ولا سائلته شنو اسوي وشنو اكتب.. كملته واخذته اله..
دكيت الباب.. كان يمه استاذ.. من عرف اني جايه ع البحث طلع..
انطيته اله بدون مااحجي..
فتحه وكال:مكملته؟ والله زين..عفيه..
بده يقره بي.. يرفع حاجبه متعجب .. عباله اني ماافلح بشي.. وصدك اني مافلحت بس بحبك.. صافنه بي وهو يكلب بالبحث.. ع ادي .. ع اصابعه والساعه.. ع راسه ع كل شي بي..
انتبه عليه كد مامركزه بي..
علي:عفيه خوش مشتغله بي.. بس هاي الفقره شيليها.. وهاي همين.. داخله بمواضيع زايده .. خلي شغلج بس ع الاشتراط.. لا ترحين ع شغلات مالها علاقه بي..
مادري شلون طلعت مني..:متريد اشيل گلبي فد مره..
علي:رجعنا؟ مو هسه بدت صورتج تتحسن عندي!
-اني شنو بالنسبه الك؟ او شنو اعنيلك؟
قبل لا يجاوب اندك الباب.. دخلت بنيه وولد.. همين جايين ع بحث..
حجو ويا .. اني وكفت ع صفحه.. اتأمله من بعيد..
كملو وطلعو..
علي:هاي بعدج هنا؟ ماعندج محاضرات شنو؟
-منتظره جوابك واروح..
علي:شنو سؤالج؟
-اني شنو اعنيلك؟
علي:طالبه حالج حال كل طلابي الي درستهم..
-حرام عليك.. حس بيه..
علي:اششش.. خليني ناسي كل سوالفج..
ردت استفزه باوعتله بأستهزاء:تخاف من مرتك مو؟
خنزر عليه:اطلعي.. داضيع وقتي وياج.. تفضلي..
بقيت واكفه بمكاني ماتحركت..
كام هو من مكانه.. خله ايده ع ظهري.. دار وجهي ع الباب ودفعني..
رفعت راسي ع وجهه..
علي:يله يله لتباوعين.. اطلعي عندي شغل..
باوعتله بتحدي وكلت:راح اعيط هسه.. واكلهم اعتدى عليه.. واسويلك سالفه..
وكف بمكانه..ضم ادي لصدره وكال بتحدي وهو يهز راسه:يله سويهه! وشوفي شلون افرها عليج..
غمضت عيني.. وفتحت حلكي ع اساس داعيط.. بس ماكنت اكدر اسويهه.. خفت علي.. وخفت ع نفسي همين..
مااحس اله وجهي انلزم.. باوعت هذا علي كبالي.. دفعني ع الحايط.. رفعني بيده بحيث صرت بطوله.. خزرني حيل.. ماخفت.. هذول العيون احبهن..
لو يصير گبري بيهن هم احبهن.. فجأة ومااحس اله شفايفه ع شفايفي..
وگفت الدنيا بعيني.. غمضت مكدرت اقاوم اكثر.. حسيت نفسي بحلم..
ابتعد عني .. صفن بوجهي ورفع حاجبه وكال:هذا الي تردي مو؟
دنكت.. رجع رفع راسي بأيده وباسني.. وجهي صار نار.. دفعته عني.. نزلت للكاع بعد ماكان ساندني بكل جسمه ورافعني اعلى من الكاع..
مردت اشوف وجهه.. صح فرحت.. بس ع كد الفرحه حسيتها اهانه اليه..
فتحت الباب ماانفتح.. جر ايدي من الباب.. خله كلنس بأيدي واشرلي ع حلكي.. هو همين كان يمسح بحلكه..
بعدين فتحلي الباب.. مادري شوكت قفلها وشلون.. اصلا فقدت بين ادي..
امشي وممصدكه الي صار.. حتى البحث بقى يمه..
رحت للحمامات.. عدلت الحمره.. همزين مو لون طوخ.. كان تلوص وجهي بيهه..
طلعت داحاول اكمل يومي مثل الناس مااكدر.. البحث بقى يمه وبعد مااريد اروح.. مااريد يكول رجعت علمود ابوسها..
غلست من البحث.. طلعت للبيت وعفت محاضره.. اصلا ياقوه الي تخليني اركز بعد..
سبحت ورحت لفراشي.. احاول انام عود.. بس اصلا اني بوادي والنوم عني بوادي..طول اليوم اتذكر ذيج اللحظه.. اللحظة الي بيهه حلو ومر..
بيه فرح وقهر.. اني بالنسبه اله مو اكثر من وحده بلا شرف.. هيج يشوفني.. وهيج اني وصلت نفسي.. كله من ايدي..
بس لوما هيج سويت كان بقت حسره بگلبي وتندمت لان ماحجيتله البگلبي..
ومرت ايام.. مااشوفه بيهه.. حدي من القاعه للبيت..
صادف يوم شفته بطريقي.. اول مره من يشوفني يبستم.. ضحكلي صفح وكمل طريقه... يمكن كان يستهزء ويمكن ضحكة صدك..
وبقى البحث يمه.. ماتجرأت بعد اروح.. كلت ادز وحده من البنات.. بس هم اخاف يشكن ليش مااني اروح واجيبه.. غلست وسكتت..
امتحنا الكورس الاول.. وعطلنا.. بالعطله طلبت من هدى تجي يمنه..
صدك احس بوحده واتمنى الناس كلها يمي .. مااكدر اكعد وحدي..
اجت يمنا يومين هي وزيود حبيبي.. همين خلصنه وقت حلو.. وشغلت نفسي بشي غير علي والتفكير بي..
وخلصت العططله.. وصار وقت الرجعه للدوام..
همين طلعت للسوك.. اشتريت ملابس .. هاي السنه الاخيره.. ماابخل ع نفسي بشي..
استلمت درجاتي.. ناجحه.. ومر شهر.. مااشوف علي اله صدف..
وهمين مرته شفتهه اكثر من مره.. عرفت عنهم هوايه معلومات بالصدفه..
هي طلعت استاذه همين.. بس بغير جامعه.. وتجي مرات من يعجبهه ويمكن تشتاقله.. بس مااعتقد.. كنت اشوفهه حيل جامده ومااحس بيهه مشاعر اله..
تجي لبسها كله رسمي وعريض.. تخلي مكياج كلش قليل..
حياته شغل اكثر مما هي حياة عاديه..
صارت احتفال
وصار وقت لازم تجيب البحث حته اناقش بي.. وهمزين من رحت كان يمه استاذ.. هو بس دخلت انطانياه وطلعت بسرعه... وره ايام ناقشت يمه ووياه اثنين اساتذه.. اول بدايه خايفه ومرتبكه.. بعدين من باوعت بعيونه.. اتذكرت هو بيوم من الايام كان اقرب الي من الهوى.. عيونه تحجيلي لا تخافين .. وصدك بقيت مركزه نظري ويا وجاوبت شكو سؤال ناقشوني بي...
من طلعت اخذت نفس طويل.. خلصت من هل مهمه الصعبه الشايلتلها هم..
ومرت ايام.. وخلص وقت الدوام.. صار وقت نكعد حتى ندرس..
درست حتى انجح واخلص.. حتى اخلص من عيونه الي دمرتني سنتين دمار
ماخلت بيه روح.. طيرت عقلي من راسي..
بقيت ادرس هواي .. مواد صعبه وكتب كلش ضخمه..
وبدت الامتحانات.. اول يوم الحقوق العينيه.. كان هو واكف علينا.. انسطرت سطر من شفته.. كتبت ع كيف.. وبقيت اخر الناس بالقاعه..
من بقيت وحدي والمراقب الي وياه همين طلع اجه وكف كبالي..
همس:جاوبتي؟
-يعني..
علي:شنو الصعب عندج؟
اشرتله ع الاحكام.. سؤال الاول..
ممصدكه سمعته يهمس الحل.. اي ممصدكه! هذا علي الي كلها تحجي بي شكد متشدد يردلي؟ عجيب.. يردلي واكتب ع السريع.. خوف ع فرحة ع مااعرف شنو..
كملت .. هو رجع لمكانه... سلمت الورقه .. باوع بعيوني وضحك..
علي:تحبين نلتقي؟
ماصدكت شديحجي:هااا؟
علي:اشوفج اخر يوم امتحان..
-وين؟
علي:اني اكولج وين.. هسه روحي..
كنت مخليه ايدي ع الميز الكباله.. باوع للباب .. بخطف لزم ايدي وابتسم ابتسامه مكر..
سحبت ايدي .. ابتسمت ودنكت.. خليت وطلعت..
احس نفسي انتصرت.. واخيرا جبته لگلبي..
نسيت الوعود الوعدت نفسي بيهه.. نسيت اني مقرره اتخرج واشمر كل شي ورا ظهري..
رجعت للبيت اني مو اني.. الفرحة الي بداخلي محت كل دمعه نزلت مني..
محت كل وجع وكل شوگ.. حتى امي من شافتني هيج تعجبت..
تحججت بالامتحان ع اساس اني زينه..
دخلت غرفتي.. شويه اكمز وشويه اصفن ممصدكه نفسي.. يريد يلتقي بيه؟ ياترى شنو يريد يحجي .. راح يعتذر لان صدني كل هذيج المده
راح يكلي اني هم كنت احبج بس مكدرت اكول ..
وافكار تجر افكار.. نسيت حته النوم والاكل..
ومرت ايام.. امشي واتحرك مثل كل البشر بس بداخلي نار .. منتظره اليوم الي اشوفه بي..
بعد ماشفته بالامتحانات غير صدف.. بس بأخر يوم .. دخلت لكيته هو الي راح يراقب علينه.. من شافني ابتسم .. حته عيونه ابتسمت وصغرت..
دنكت ورحت لمكاني.. بقيت احل ع كيفي.. اول مره احس بهيج شعور مريح وهو كبالي وبالامتحان.. يمكن لان حسيته صار اليه..
تقصدت ابقى اخر الناس.. اخر وحده اني سلمت الورقه...
اخذهه مني وابتسم..:مستعده؟
ضحكت:اييي..
علي:انتظريني فد ساعه.. تمام؟
هزيت راسي:تمام.. بس وين اشوفك؟
علي:بالكراج انتظرج..
-ماشي..
ضحكت بوجهه ضحكه كبيره.. طلعت من القاعه.. امشي واريد هل ساعه تخلص بسرعه.. رحت للحمامات عدلت نفسي .. خليت عطر ورتبت حالي..
كعدت بالاستراحه.. شيخلصها هل ساعه.. بعد نص ساعه يله اطلع للكراج..
بقيت اباوع ع الرايح والجاي.. ما مهتمه منو ولا اريد اعرف شي عنهم بس هيج كنت اصبر بنفسي ع الوقت..
مااشوف بس شهد وغيداء وساره ووسن كبالي.. كبل تلعثمت من شفتهن..
كعدن يمي.. دك سوالف.. ووو حتى ماركزت شنو يحجن..
النوب المصيبه اباوع ع الوقت صارت الساعه تركض ركض.. قبل شويه ماكانت الساعه تمشي!
بقن يسولفن بحجة انه اليوم اخر يوم ويجوز بعد مانلتقي ابد .. اخر شي طكت روحي.. اني ماصدكت علي يكلي اشوفج ..
استأذنت منهن.. بوستهن وتوادعنا.. بالي مو يم الوداع وهل شغلات.. اريد بس اخلص نفسي من اللمة واطلع..
طلعت .. سويت نفسي دامشي لسيارتي.. بس اني عيوني ادور ع علي..
لمحته بسيارته كاعد.. دكلي هورن ع خفيف.. اشرلي اطلع ورا.. اني كبل صعدت سيارتي وشغلت.. طلع كدامي وبقيت امشي ورا..
بس طلعنا من الجامعه .. اشوفه فتح الجامة مالته ومطلع ايده صفح من الباب.. يعني مثل الي مرتكي ع الباب بعكسه..
بقيت امشي حتى ممركزه اني وين بالضبط.. لحد ماوصلنه منطقه اعرفهه..
طبك كبال بيت .. اشرلي انزلي.. نزلت هو دخل قبلي واني ورا..
احس گلبي راد يوكف..
طبكت السياره ورا سيارته ونزلت.. مشفته هو دخل بعد..
فتحت الباب ودخلت.. مشيت خطوات فتحت باب همين.. مااحس اله ايدي انجرت.. اول مانسحبت خفت حيل.. عبالي فخ او هيج شي خطر ابالي..
بس من شفت عيونه كبالي لااطمئنيت..
من جر ايدي.. خطف طبك ايده ع خصري وسحبني اله.. صار جسمي ع جسمه.. باوعت بعيونه.. ضايعه.. مااعرف شديصير ..
علي:اي يامنتهى.. اليوم راح انسيج كل عذابج ..
-ها؟
ملحك يجاوبني .. كبل باسني وسكتني.. ذبت بيده.. بس هو ماتركني حتى اتنفس.. احس الهوى انكطع عليه.. شويه شويه حسيته بده يتقصد يأذيني..
شفايفي تملخت ووجهي صار نار.. بعدته عن وجهي.. كبل رفع حجابي وبده يعض بيه من رگبتي.. كان كل حركه منه توجع.. احس مو عضه عاديه يمكن لحم انشلع مني.. دفعته وصدك عصبت..
-شبيك! اذيتني؟!
علي:هههه انتي تتأذين؟ مااصدك..
جر ايدي .. مشيت ورا ولازمه ركبتي .. مثل الي شالو لحمه منه وخلو عليهه ملح هيج كان الالم والحرگ برگبتي..
فتح باب غرفه.. كانت غرفه نوم.. راد يدخلني اكثر جريت ايدي..
علي:ها شنو غيرتي رأيج؟
-ليش جايبني هنا؟ ليش جبتني !
علي:حتى اريحج و...
اشتغل يحجي حجي ما ينلبس علي ثوب.. نار واشتلعت بكل جسمي من هيج كالي.. عبالك جايب وحده من الگح... رجع جرني اله يريد يبوسني.. كبل دفعته وانطيته راشدي لاارادي.. بنفس اللحظة رجعلي الراشدي اضعاف الي ضربته اله..
عاط بيه:صارلج سنتين تفترين ورايه وكرهت الكلية من وراج وهسه اجيتي ويايه وصرتي شريفه!
بجيت وصدك حسيت نفسي انتهيت بهل لحظه:شريفه وغصبا ماعليك ياتافه!
يتبع..
