بالبدايه اشكر تفاعلكم الحلو..
وحابة انوه ع كم شغله.. دخلت الفيس مكلوب ع منتهى.. وهنا همين..
كله ذم وغلط عليهه.. طبعا القصه اغلب الي ذكرته فعلا صار..
صح ماعندي اتصال بمنتهى بس القصه وصلتني وكتبت..
والشغله الي احب انوه عليهه انو دائما احنا من نقره نشوف البطله ملاك.. ماتخطئ ماتهفو.. ماتدنى .. وهذا شي مو صحيح..
لعد الي نفسيتهه ضعيفه والي خلگهه ومزاجهه غير والي نفسيتهه مسيطره عليهه وين راحن؟
دائما نشوف البطل هو الي يحب والبنت تبقى صامده لاخر مرحلة.. واذا نروح للواقع نلكاه عكس تماما..
خاصه البنت العراقيه.. بحكم البيئة والظروف والاهل والضغط..
اغلب البنات تحب احد يهتم بيهه.. وتنسى نفسهه واهلها مرات.. بس تبقى هي مسألة نفسيات .. شي ماله علاقه بالتربيه والاهل..
ياما متربايات عند اشرف واحسن ناس طلعن ع الترابي..
ومدااعمم ع الكل.. بس هذا واقع.. ومنتهى اكو الالاف مثلهه..
وهوايه كالو عن القصه مابيهه هدف وتنشر فساد.. اتمنى مايحجون بشي قبل لا يكملون ويعرفون النهايه.. وراح تشوفون منو الي يطلع بالاخير بدون اخلاق وتربيه..
كلنا نخطأ ياجماعه.. ومنتهى هواي عوامل انجمعت اثرت بيهه..
خاصه اني وضحت حياتهه شلون كانت بالبدايه ..
فميصير نبقى بس نذم ونجرح.. اكو رب هو يحاسب.. وارجع اكرر القصه ماجبتهه من جيبي من واقعنا ومن ناس فعلا صارت وياهم..
بالنهايه الامر متروك لرب العباد.. يسامحها ويغفر الهه..
مداابرر لمنتهى واكول هي مو خطأ! لا هي رب الخطأ من ساسهه لراسهه..
بس كملوهه واحكمو.. وتعرفون الي تموت امه شكد صعبه..
نوب اله تموت مراضيه عنها؟!
انتظركم بالبارتات الي جايه.. تعليقات حلوة مثل عيونكم .. تصبر عن منتهى عسى ولعل اذا شافتهن..
القصه بيهه رسالة بس اصبرو وكملوهه..
وتحياتي الكم..
ندى حسين..
