مابعد الخطيئة

العاشر

#مابعد_الخطيئة

الجزء العاشر
Nada hs
adaena7 واتباد

همست يم اذنه:تتذكر.. سويتهه بيه مره ورجعتها الك وضحكت..
علي:تردين اعيدهه هسه مو؟
-لااا..
احس اديه صارت ع صدري.. مكدرت احجي اكثر.. سكتت..
احس بكل حركه منه.. فتح اول دكمة بالتشيرت مالتي.. نوب الثانيه.. لزمت ايده وكلت:لا.. كافي..
نزل ايده مني .. طبع بوسه خفيفه ع ركبتي..
وهمس:تردين اروح؟
-اي..
اوكي بس اطلعي قبلي وشوفي الطريق..
فتت قبله. اتهمس الغرفه ظلام.. مااحس اله حظني من ظهري وطبك كل جسمي عليه.. امشي وهو لازك بيه.. لحد ماوصل باب المطبخ..
بعدته عني.. باوعلي غمز وضحك.. شال ايدي وباسهه..
علي:تصبحين ع ورد..
-وانت من اهله.. وصلنا باب الشارع.. فتحت الباب باوعت ماكو احد..
طلعته ع السريع.. قبل لا يطلع مد راسه وباسني من شفتي وراح..
طلع يتمشى ويلتفت الي ويبتسم.. اشرلي ادخلي.. دخلت وسديت الباب..
ركضت للغرفه.. فتحت الضوه.. معقوله! هذا علي جان هنا..
هنا كعدني.. وهيج سوه ويايه!
كنت ناويه اعوفه.. بس شكله مراح يخليني ابد.. وشلون اعوفه بعد هذا كله.. احسه زوجي صار مو حبيبي.. صح مصار اكثر من الي حجيته بس احسه مني وبيه..
اروح وارجع بالغرفه .. ممصدكه.. فرحانه خايفه ومتوتره.
طفيت الضوه ورحت للفراش.. كل شوي اتخيل نفسي ويا..
بعدها خدودي نار صايره من كد ماتشحطت باللحية مالته..
كوه نمت .. كعدت الصبح مراضيه ع نفسي.. امشي واتذكر البارحه..
ماريد ينعاد.. ولااريد يجي بعد.. لان اعرف بنفسي افقد ويا.. مااسيطر واخاف يصير الي مو ابالي..
ومرت ايام.. رجعت هدى تفتح موضوع وليد.. كل مره تكلي اتخبل وانجن ارفض كبل.. مااتخيل احد غير علي يلزمني.. ولااريد اتخيل هل شي ابد..
امي شويه ارتاحت من ناحيتي.. لان اني رجعت طبيعيه.. اكعد واسولف واضحك.. بس هم بداخلي خوف من الي جاي.. اعرف الطريق من اوله خطأ بس مااكدر اترك بعد..
اكثر الاتصالات هي بالليل.. وبالنهار مسجات.. علي عنده دوام.. ودائما ينام من وقت ومانلحك نحجي شي.. ضجت من هل حاله وتذمرت هوايه بس مابينت اله.. ماريد يضوج مني .. كان يجي تعبان .. وصار ياخذ حتى مسائي .. كنت احسه صار يكره كعده البيت يم مرته.. هيج حسيته..
يخابرني بالليل وهو بسيارته اباب البيت.. وسألته ع تلفونه يكلي متكدر تفتحه..
مرات اصفن واكول من تعرف شنو تسوي؟ لو هسه من احنا دنخونها شنو تحس؟ رأسا اكطع الفكره من راسي واكول اوي شعليه افكر بيهه.. المهم علي وخلص..
خواتي يلتمن يمنا.. وبوحدة من اللمات طرحن عليه اقدم ع تعيين.. مامتحمسهه للفكرة بالبدايه ابد.. مالي خلك كعده الصبح والتزام..
بس شفت من ناحية خواتي هنه الي يصرفن علينا اكثر شي.. وشايلات همي.. ومن ناحية كلت اطلع واغير جو من البيت هم احسن ومنهه يجوز التقي بعلي.. عاد اقتنعت..هدى قدمتلي.. ماادري وين ولا يهمني اسأل..
بعدين خابرتني وشرحتلي بالتفصيل شسوت.. قدمت وزارة الاعمار والاسكان...بعقد مو دائمي...رايدين قانونيين.. وننتظر النتيجة..
بالليل حجيت ويه علي وكلتله عن التقديم فرحلي..
ومرت ايام.. علي يحاجيني بين يوم ويوم.. واكثر من مرة يكلي اجي بس ارفض..اتمناه يمي بس مااريد يجي وافقد نفسي بين ادي..
لحد ما بيوم كلي فتحي الباب اني قريب ع بيتكم.. خلاني مااندل منين اجي ومنين اروح... طلعت للباب.. كبل دخل وهجم عليه تبوس.. مثل العطشان ولكه مي.. صار هو يدفعني للداخل.. لحد ماوصلنه غرفتي..
بعدته عني يرجع يهمس يكلي مشتاقلج لج.. مدااتحمل ولا دااطيق البيت .. فرحت من كال هيج.. من لحظة لحظة افقد ويا..
لحد ماوصلنا فراشي.. بعد وصلت مرحله لا اكدر ابعده ولا اكدر احجي اصلا.. بس بداخلي مااريد هل شي يصير..
صار فوكي.. ماانسه شلون كان يباوعلي ويبتسم.. بوسني.. وبدت ملابسي تتشمر بكل مكان.. صفيت بدون شي ويا..
صعدت انفاسنه اثنينا.. عبالك ممتزوج قبل.. واحد يزيد لهفه ع الثاني.. الشيطان كان اقوى كل شي .. اقوى من كل حدس ومن كل دافع بينا يكول كافي.... اتذكر كان كل شوي يخلي ايده ع حلكي يهمس يم اذني ويكلي صوتج .. بس ماكنت ادري بنفسي اصلا.. بجيت ونيت ماادري.. صار الي صار..
لحد ماوكع بصفي منتهي.. اخذ نفس طويل وضحك..
طبعا مافقدت نفسي كبنت.. شمرت نفسي بحظنه.. بودي ابجي واعيط .. انتهت ذيج النشوة.. الندم اكل كلبي.. حاضنته وميته قلق وندم.. سلمته نفسي وبأراداتي.. ولوما هو ..كان مامنعته من اي شي.. بس يمكن الحظ كعد ويايه وماخلاني افقد عذريتي..
كمت قفلت الباب.. كل شي يصير يجوز تدخل امي.. غير تموت..
رجعت يمه.. حضني حيل.. بقيت امشي ايدي ع ضهرة واحكلهيا..
لحد ماثكلت انفاسه.. لكيته نايم.. بوسته من عيونه..
صفنت وكلت شيصير لو هسه انت حلالي ومانسوي هل شي بلحرام وبلختلات .. شيصير لو انت الي كدام العالم كله..
لساعه متأخره واني اتأمله وهو نايم مثل الطفل بحظني..
كعد وره شويه.. باوع بوجهي وضحك..:حبيبي.. اني لازم اروح..
هزيت راسي بأي..
بوسني.. بكل مكان بجسمي.. كام من مكانه.. لبس ملابسه وكلي: يله كومي؟!
ملابسي قريبه مني.. واني بالفراش لبستهن.. طلعت كدامه ماكو شي.. طلعته ووصلنه ع الكراج.. كان الضوة بده يطلع.. الجو بارد بس هو بده الربيع..
باسني وطلع.. رجعت ميته برد.. دفنت نفسي بالفراش.. بعده دافي من مكان علي.. غفيت..
كعدت ثاني يوم دنيا الظهر.. تريكت .. نوب رحت للغرفه.. بدلت الشراشف والبطانيه... رحت غسلتهن وسبحت.. هوايه اتشغلت بيومهه..
كان بودي اعوفهن حتى تبقى بيهن ريحة علي.. بس مكدرت لانو البارحة صارت هواي شغلات عليهن..
لليل دزلي مسج..اجي اليوم؟ جاوبته لا..
رد(مدااكدر انسه البارحه)
(ولااني..احبك)
(واني همين)
ومرت ايام.. واني ع نفس الحال.. اجت هدى وشذى.. طلعنا للسوك.. احس الدنيا متغيره.. صار هوايهرمطالعه.. احس كل الي يشوفني يشوف طبعات ايد علي ع جسمي.. استحي من حالي.. اتخيل لبسي ممستور.. وكلي ممستور.. بالرغم هنه ملابسي نفسهن الكنت اداوم بيهن..
هدى طول مااحنه نتسوك.. تصوبني ع وليد.. وكفتلي وكفه.. مكدرت حتى اشتري شي.. واني مابجيبي اله مبلغ بسيط من امي.. صارت تعيرني بوليد عينك عينك.. ع ابو هو متمكن ولو قابله بي هسه اني عايشه ملكة..
كل هذا مااريده.. لا ملكة ولا اميره.. علي كافي..
رجعنا للبيت مالي خلك.. كبل دخلت الغرفه وعزلت نفسي.. هدى نكدت عليه.. بقيت بالغرفه فاتحة اللاب وكاعده.. اصلا ماكو نت.. هدى بطلت تدفع اشتراك.. وكان النت بس ع اللاب وربط فيشه مباشر مو بث مثل هسه.. صورنا اني وخواتي كلها باللاب.. شفتهن وحده وحده..
شكد حنيت لنفسي مثل قبل .. نظيفه وبريئه.. هسه مطلخه وسويت حرام..
انعصر كلبي عصر.. بدت دموعي تصب..
مليت من نفسي.. لا اني هيج مقتنعه وساكته ولا بدونه مقتنعه همين وساكته..
عسى الله ياخذ عمري.. خفت.. لا تصير صدك وياخذ عمري واني حياتي كلها ذنوب.. اتمنى اكطعه لجسمي .. اتمنى احد يجي ويضربني ويهيني ع الي سويته.. مااعرف شنو يصيرلي من هو يمي.. ومن يروح يرجع تأنيب الضمير والقلق ياكلني اكل..
ومرت ايام.. منتظره اسمي بالتعيين ع اساس.. وبهاي الايام هم رجع علي اجاني للبيت.. وصار كلشي بينا.. بس همين بقيت بنيه.. مافقدت نفسي..
يجي استقبله بكل شوق وافقد وانتهي بين ادي وبكل حركه يسويهه بيه..
ومن يروح وتمر ساعات ع روحته اتمنى اطمهه لروحي ..
وع هل موال.. 8 مرات علي اجاني.. صار يعرف بيتنا كله .. حتى الحمام دخلنا سوا .. بالاستقبال وبالصاله.. حتى السطح..شكد كنت صلفه! بعد امتار عن امي واسوي هذا كله وهي نايمه..
حفظت كل تفصيل بجسمه.. الشامات الي برگبته والي بصدره وع ظهره.. كانن عشقي.. وكل مره اترك اكثر ع جسمه.. بس بأخر فتره مقبل لانو مرته شايفه الاثر وباقيه تحقق ويا.. مرات من يحاجيني احسه مخنوك وضايج لان ديخون مرته ويايه.. وكنت اسوي كل شي بس حتى لا يضوج مني ويتركني.. اسمعه غزل وحب واشكال الوان..
مرات اصفن اكول هو بيوم اني كنت اكرهه.. وهسه صار نبض بگلبي..
ومرات اتذكر اليوم الي اخذني بي ع بيت صديقه .. وطلب يتقربلي وتخبلت ورفضت.. وهسه داسوي هل شي وبرضاتي واني بكامل ارادتي..
كل هل مده وكل مره يجي وكل مره نحجي بالتلفون يكلي احبج مااحسهه صدك.. كنت دوم اشكك بحبه..
وطلع اسمي بالتعيين.. مافرحت ذيج الفرحه.. احسه شي عادي .. بس خواتي وامي لا كلش فرحن ..
قابلت وقبلوني.. بدائرة من دوائر بالشعبه القانونيه.. بلشت دوام.. وهمين رجعت لكعده الصبح.. هدى هي توصلني الصبح.. ومرات خالد ياخذنا اثنينا اني وياهه..
كوه اندمجت ويه الموجودين بالدائره.. كلهه قديمه وشي يعرف شي..
بس اني الغريبه.. يعني بينهم عزايم وسوالف .. حسيتهم اول بدايه كاعدين بكهوه.. وفوضه..بس بعدين لا اندمجت وياهم.. صرت اني احب لمتهم..
علي عرف بتعييني وين... وكال بأقرب فرصه امرلج.. وانتظرت يوم ويومين وما مرلي..
كنت التهي ويه الموظفات الي ويايه.. مكضينهه سوالف اكثر شي.. ماكو ذاك الشغل علينا وعدنا عمو ابو صبري هو علي الشغل كله ميقبل يكول تورطوني كدام المدير بشغلكم متعرفون تشتغلون... فكنا نساعده بس بأمور بسيطه.. تعرفت ع زميلاتي وسمعت منهن هوايه عن حياتهن.. بس اني كنت استحي اسولف قصتي.. وبقيتهه سر ماحجيت الهن..
اختصرتهه وكلت مااريد زواج هسه.. ولان هن متزوجات شجعني ابقى بلا زواج احسن من المسؤوليه.. ومرت ايام..
وبالصدفه اجت شهد للدائره يمنه.. كانت عدهه معامله .. وجايه هي وزوجهه وبطنها شكدهه.. تسالمنا وبقت يمي ساعات..
حجي ماينمل وياهه.. وقبل كنت اضوج بالكليه واتنرفز من كثر سوالفهن.. مشتاقه الها. مشتاقه للماضي.. مشتاقه لروحي گبل..
اريدهع تبقى اكثر بس مكدرت.. زوجهه اتصل واجاهه.. اخذت رقمهه.. لان هي غيرته وكالت رقمي ممسوح منها ..
وطبعا سألتها عن البنات الي ويانه.. كل وحده صارت ابيت واتزوجت..
اله اني.. معلكة.. لا لعلي ولا لغيره.. ويمكن اظل العمر كله هيج..
بيوم الاجت شهد وراحت.. رجعت للبيت.. عدت الف حساب ابالي..
مادري شنو خطرلي وبقيت افكر اطلب مره ثانيه من علي يتزوجني..
حتى لو بدون علم اهله وزوجته.. المهم امي وخواتي يعرفن..
هو بذيج الفتره مااجاني.. كان مشغول بوقت امتحانات.. واني همين بديت ستوني استقر بدوامي..
كل شوي اصفن اكول شلون ابدي وشنو اكوله.. صار الليل.. رمشت علي..
اتصل ورا نص ساعه..
بقينه سلام وكلام عادي..مثل الي متعودين نكوله..
نوب كلت:حبيبي!
علي:عيونه؟!
-لشوكت هيج ابقى اني؟
علي:من يا ناحية تقصدين؟
-زواج..
علي:رجعنا؟
-لشوكت هيج تبقى علاقتنه! ميصير هيج علي حس بيه عاد!
علي:مااكدر اتزوجج.. واذا تلكين ابن حلال بالخير عليج مقدما..
-ها؟! هيج صارت؟ هذا اخر كلام عندك؟
علي:اي..
راد يحجي اكثر.. كبل سديت التلفون.. وماكفاني.. طلعت السيم كارت وكسرته.. تخبلت وانجنيت.. هيج اني من اعصب .. احاول انهي كل شي بسرعه وانهزم.. وسويتها صدك.. كسرت السيم كارت.. بجيت شويه..
نوب صحيت ع حالي وكلت.. كافي دموع.. ميتساهل ..
كمت اباوع ع نفسي بالمرايه امثل القوه بس بداخلي حطام..
رحت انهزمت يم امي.. خليت راسي يمهه .. ساعات اتكلب ومابعيني نوم.. مره اكول استعجلت وطلبت منه زواج.. ومره اكول لا.. هذا الي لازم يصير مدام هو مخليني بس مكب لشهواته وبس..
كل شوي تجيني رغبه ابجي.. بس امي يمي ماكدرت..
كوه كعدت لدوامي ثاني يوم.. مفلشه تفلش ووروحي توجعني اكثر من جسمي..
هدى طول الطريق تسألني شبيج اكولها مابيه.. وهو صدك مابيه شي بقى سالم وبي خير..
رحت للدوام.. تريكنا متعودين هيج احنا.. نخدر جاي ويوميه ع واحد يتبرع يجيب صمون واجبان اوكيمر او اي شي يكدر يحيبه..
خلصت كم شغله ويه عمو ابو صبري.. كعدنه نسولف اني والموظفات..
وشي ملتهيه بالحاسبه.. وشي تسولف..
اجت العامله تعرفني هي.. يوميه اصبح بوجهه واسلم عليهه..
اشوفهه تأشر عليه ووراهه وحده.. ماشفتها منو .. نوب تقدمت خطوات احس گلبي وكع من شفتهه.. لازمه جنطتها بيدها وعينهه عليه.. نفس جهرتهه مامتغيره..مادري شنو حجت ويه العامله وراحت.. كانت هوسه الغرفه ماينسمع شي..
وصلت يمي وكفت ع حيلي لا اراديا..
كالت:منتهى حضرتج مو؟
-اي.. تفضلي؟
سويت نفسي مااعرفهه..
الويايه كلها سكتت وتريد تعرف منو هاي الاجت..
كالت:ممكن احجي وياج .. برا مو هنا..
كمت وراهه.. اخذت جنطتي وطلعت.. هي تمشي واني وراهه واتذكر كل لحظه بيني وبين علي.. انزرف كلبي من الخوف.. مو منها.. وانما من مواجهه الحقيقه المره..
وصلنا ع حديقه البنايه.. وكفت كبالي وياوعتلي وهي تبتسم..
كالت:مقتنعه بنفسج انتي؟
-شنو تقصدين حضرتج؟
كالت:شوفي عزيزتي.. كل سوالفج اعرفهه.. تلفونات علي وياج تالي الليل والهدايا الي بينكم والروحات يمج بنص الليالي ويجني متروس اثار !
-وشتردين هسه؟
رفعت حواجبهه وكالت:اني شريد؟ شوفي نفسج شنو اكدر اسوي بيج؟!
-انتي جايه تهدديني شنو؟ هسه اروح لعلي واكوله بهاي جيتج ترا!
ضحكت وصوتهه مثل طفل حسيته.. نوب شون ضحكه ناصيه ومال استهزاء :روحي.. اني اريدج ترحيله..
-هسه شتردين؟ احجي ماعندي وقت!
خزرتني وكالت:لا تعلين صوتج يا ساق... اروح لامج واحجيلها .. مو بس امج.. اختج  وكرايبج كلهم! سمعتي؟! انسحبي بكرامتج وعوفي علي ترا مااعجبج اني اذا تهورت! لان من زمان متحمله عليكم واعرف بكل شي بس ساكته..
-وشنو تذكرتي هسه اجيتي؟
باوعت داير مدايرهه:لج انتي والله وكحه ودايحه! تدرين لوما بمكان عام شجان سويت بيج؟
-كملتي حجي؟
احجي بكبرياء واني داخلي ميته قلق..
باوعتلي من فوك ليجوه وكالت:وحده نكسه! شوفي. هذا اخر تحذير الج بعدهه مااجيج انتي.. لا اروح لامج.. اعرف عنكم كل شي اني..
درت وجهي وعفتها ورحت.. مكدرت ارجع للغرفه.. كبل للحمامات..
اخذت نفس.. گلبي يريد يطلع من مكانه.. شجابهه شصخمهه..
همزين اني عفته.. وهمزين ماسوتهه صدك وراحت لامي لو نورس..
غير انتهي اذا صدك..
ماعرفت ليش هي تعرف وساكته كل هل مده.. بس حسيت بيهه صاير شي بينهه وبين علي البارحة من عفته وهل انفجرت بعد.. ولو اعتقد هو كيف من عفته.. بس ماادري شنو السكتهه كل هاي المده وهي تعرف..
لو اني بمكانها كنت حركته وحركت الي يخوني وياهه.. بس شسوي هي لان زوجته مااكدر اسويها..
اني الدخيله بينهم.. واني المتطفله.. هي ام الانا..
رجعت للغرفه.. بعد ماشوي ارتاحيت وخففت التوتر .. كلها تسألني منو هاي منو.. كلت الهم صديقه قديمه..
كاعده واكلب بقلم بيدي.. الف فكرة براسي.. منتظره شوكت يخلص الدوام وارجع للبيت. ماعدت اتحمل.. اله شوي تنزل دموعي واني بالدوام..

يتبع...