matapos magliwaliw at bumili ng kung anu-ano , agad na kaming umuwi ni shaina at ni fernan sa bahay. Kailangan na rin kasing magpahinga ng kapatid ko , dahil bukas , magiging busy na naman siya sa kanyang trabaho. Mahirap din kasi ang trabaho ni shaina , Siya ang taga-bigay ng payo para sa mga taong depressed at sa iba pang may sakit sa pag-iisip.
Namamangha ako sa aking kapatid , sobrang dedikado niya sa pag-aaral. Di ako nagsisi sa aking desisyon sa paglayo kay fernan , alam ko gumawa ako ng tama , at kahit na ako ang talo , atleast alam ko sa sarili ko na yung pagpaparaya ko sa kapatid ko , nagbunga ng malaki.
Ilang araw ang lumipas , muling dumaan sa bahay si fernan , sa kasawiam-palad wala si shaina doon.
pinapasok ko siya, noong mga oras na yun akala ko okay na ang lahat , akala ko malinaw na sa kanya ang gusto kong mangyari. Pero bago pa ako makapagtanong sa kanya kung ano ang pakay niya, agad siyang kumilos at nagsalita
"Sarah , dito ka lang , may kailangan kang malaman"
natakot ako , baka sinabi niya kay shaina ang nangyari sa aming dalawa noon.
"Anong problema fernan?, may bumabagabag ba sayo?"
"balak ko na kasing makipag-hiwalay kay shaina"
nanlamig ako sa sinabi niya , parang nagising ako mula sa masayang panaginip.
"ba..ki.iit? , may nagawa ba ang kapatid ko sayo?"
"wala naman sarah , pero ako meron"
Huminga ako ng malalim , para akong aatakihin sa puso sa sinabi niya.
"Anong nagawa mo? , sabihin mo sa akin"
"Sarah Mahal kita! , pagod na akong magpanggap"
"Sa tagal niyong nagsama , di mo pa rin siya natututunang mahalin? pinaasa mo ang kapatid ko"
Natatakot ako sa maaari niyang gawin , baka iwan niya ang kapatid ko , alam ko na hindi yun kakayanin ni Shaina, minsan nasabi nang nasabi sa akin ni shaina , na ikamamatay niya kapag nawala si fernan sa kanya.
"Fernan , tama na , akala ko malinaw na ang lahat"
Hinawakan ko ang kanyang mukha , paulit ulit ko itong tinapik at sinabing
"Ano bang wala ang kapatid ko na meron ako? Fernan , halos patayin na ako ng konsensya ko"
"Sarah , di ko rin alam , pero ikaw! , ikaw ang mahal ko, paano ko ba mapapatunayan sayo yun"
nag-isip akong mabuti kung anong ang tamang sabihin sa lalaking to