நாம் இப்பொழுது விஷ்ணுவர்மனை சந்திக்கும் இவ்வேளையில் அவன் அந்த ராஜாங்கத்தின் சிறைச்சாலையின் ஒரு தனி அறையில் வேதனையே உருவாக விட்டத்தைப் பார்த்தபடி நின்றுகொண்டிருந்தான் . அவன் முகத்தில் எப்பொழுதும் தவழும் அந்த புன்னகை அவனுக்கும் தனக்கும் பூர்வஜென்ம பகை உள்ளதுபோல் அவனை விட்டு தொலைதூரம் சென்றுவிட்டிருந்தது . எப்பொழுதும் ஜ்வாஜல்யமாக திகழும் முகத்திலோ துயரத்தின் சாயலே ஊற்றெடுத்திருந்தது . அவன் மனமோ அரசவையினில் இன்று காலை நடந்த நிகழ்ச்சிகளை வருத்தத்துடன் அசைபோட்டிக்கொண்டிருந்தது .
ஓர் இரவு எப்படி தன் வாழ்க்கையையே மாற்றிவிட்டது என்று அவன் மனம் சிந்தித்தது . இப்பொழுதும் அவன் மனம் நடந்தது அனைத்தும் உண்மைதான் என்பதை ஒப்புக்கொள்ள மறுத்துக்கொண்டிருந்த வண்ணம் இருந்தது .
தன் சிந்தனை ஓட்டத்தை இன்று காலை அரசவையில் நடந்த நிகழ்ச்சிகளின் புறம் திருப்பி மறுபடியும் நடந்ததை நினைத்துப்பார்த்தான் .
விஷ்ணுவர்மன் தன் மேல் தவறில்லை என்று எவ்வளவு வாதிட்டாலும் அதை நம்ப ராஜசிம்மனின் மனம் மறுதலித்துவிட்டது . அவனது சிந்திக்கும் திறன் மரகதலிங்கம்பால் அவன் கொண்டிருந்த பற்றுதலால் மங்கிக்கொண்டிருந்தது .
“ விஷ்ணுவர்மா..... நான் உன்னிடம் மிகுந்த நம்பிக்கை வைத்ததும் , உன்னை என் உற்ற நண்பனாக நினைத்ததும் என் தவறுதான் என்பதை நிரூபித்துவிட்டாய் .
இப்படி ஒரு துரோகத்தை செய்வதற்கு உன் மனம் எப்படி துணிந்தது. உன்னை இனிமேலும் நம்புவதற்க்கு என் மனம் தயாராகயில்லை . நீதான் இக்குற்றத்தை செய்தாய் என்பதற்கு சாட்சியாக இந்த காவலர்களும் மேலும் இதற்கு ஆதாரமாக நான் உனக்கு அளித்த இந்த மோதிரமும் இருக்கின்றது . உன்னிடம் இதற்கு மேலும் இப்படி அமைதியாக விசாரித்தால் எப்பொழுதும் உண்மை வெளிவராது . அதை வெளிக்கொணர வேண்டிய விதத்தில்தான் விசாரிக்க வேண்டும் “. என்ற ராஜசிம்மன் காவலர்களை அழைத்து விஷ்ணுவர்மனை சிறைப்படுத்துமாறு உத்தரவிட்டான் .
ESTÁS LEYENDO
அது மட்டும் ரகசியம்
Misterio / Suspensoகதை என்ற பேரில் ஏதோ கிறுக்கி வச்சிட்ருக்கேன் . என்னுடைய முதல் முயற்சி எப்படி இருக்கும்னு தெரியல?.படிச்சுட்டு நீங்கதான் சொல்லனும்....என் கற்பனையில் உதித்த முதல் கதை . தவறு ஏதேனும் இருப்பின் மன்னிக்க வேண்டுகிறேன். நன்றிங்கோ ....
