القتيلة المدللة

١

___انا عارفة إنو الناس فترات في حياة بعض ، بس ..
في ناس ما ينفع انها تمشي ...

******

والله ما قتلتها
صدقوني ، والله ما قتلتها
ما قتلتها ما قتلتها .........

[قبل الجريمة بأيام]

_ طلع القروش يا هشام
*يا امي قلت ليكي انا ما شلتا منك قروش
_هشام دي قروش الصندوق حقت الناس يا هشام ما تدخلني في مشكله مع الناس ديل انا بروح فيها ورا الشمس
*يا امي انا حلفت ليك بي ربنا والله ما شلت منك قرووش
_المرة الفاتت برضو قلت كداا و لقيت القروش في جيبك
*انتي حتمسكي لي القصه دي لحد ما اموت يا امي ، ديك كانت غلطه ..
_والبغلط غلطه بكررا تاني و كله من الزفت البتشربو دا ، لكن يمين بالله يا هشام انا كان لقيت لي ريحه سجارة ساي في هدومك بكلم ليك ابوك يسفرك البلد تقعد هناك لمن تتأدب ، و كان انت الشلته القروش دي انا غضبانه عليك ليوم القيامة . .
*امي انتي متين حتبطلي تدخلي لي مواضيع في بعض والسجاير دا انا خليتو من اليوم دااك، وقروشك اقسم بالله انا ما شلتها ..
_سمح ، امشي صحي اخوك داا اسمو صايم ركعه وحدة ما ركعااا انا ما عارفه حأربي فيكم لحد متين كل واحد بقا بي شنبو ..
*طيب ..

-- في مرحلة من حياتنا ، تقريباً كلنا مرينا بيها ، كنا فيها في لحظة طيش ، ارتكبنا فيها حماقات وتصرفات بنأذي فيها غيرنا من غير ما نقصد و للاسف بتتحسب علينا علي المدى الطويل ، بس في ناس بتتغير كل ما الوقت يفوت بتستوعب اكتر الصح مع كترت التجارب و الناس الدخلو حياتهم الخاصه والعامة بيقدر يدرك ، وفي اللي بيستمر في السكة دي رغم ان من جواه مدرك تماماً ان الطريق دا آخره مسدود ،
لكن تفتكرو هشام دا ياتو نوع ؟؟ --

(في جانب تاني )
يا.. ردينا ......
رووودي ، خلي عندك شوية دم وامرقي من الاوضه المحشورة فيها دي تعالي ساعدينا ..
يا بت ..
* ااا يا ماما ، جيت
_يا روح ماما شنو يعني تعالي ساعدينا شويه
*ماما انتي عارفه علاقتي بالمطبخ 0% و ثم تانياً ، لولو معاكي
_بطلي غلبه المغرب قرب يأذن تعالي حلي العصير دا في الجك الاحمر عشان ابوكي يطلع بيه في الصينيه
*حاضر يا ماما بس كان بابا سألك العملو منو ما تقولي ليهو ردينا
_حي انا منك برضو حتعمليهو يا رودي
*حاضر ..
*لولو عندك رصيد ؟
__ اممممم دايرة بيهو شنو ؟
*دايرة ارسل رساله ل..
__ طيب طيب بتلقي تلفوني في سريري في الشاحن بس اول خلصي العصير المغرب قرب يأذن
*طيب .. (بقلم/سحر سمير)
بقيت شغاله سرعه سرعه عشان احصل التلفون قبل المغرب ، لأنو لسه برنامج الفطور طووويل .. خلصتا العصير و طلعتو في التربيزة براا و جري علي غرفة لدينا اختتي ،
مسكت التلفون ، وعملت انشاء رساله ودخلت الرقم ككداا ، المغرب أذن ...
سمعت صوت ابوي برا ، طوالي جدعت التلفون في مكانه وجري طلعتا، بقينا نرص في الاكل ، امي قالت لي امشي جيبي اخوكي من الاوضه من العصر نايم ..
مشيت لقيت غرفتو فاضيه ، طلعت علي الحمام ، و الحوش و حتي جمب باب الشارع م خليت حته ، بقيت بكورك لابوي الكان شايل صينية الفطور و طالع البرش برا للرجال ، قلت ليهو يا ابوي حصلني لؤي ما لاقياهو ، يا امي حصليني ، لوي وينووو .. بقيت زي المجنونة ، انا متعلقه بي لؤي اخوي دا شديد بنحبه حب ما عادي ،،
لؤي اخوي عنده زي التوحد كدا (متلازمة داون)لكن متداخل مع ناس الحلة القراب منهم لينا ،، فاا شوية صعب يعني، وعنده زكاء م طبيعي بس اذا ما انتبهنا ليهو
بيطش بيحب الشارع شديد ...
مع الكواريك والدوشه ، جات جارتنا آسيا و سايقه لؤي اخوي من يده ، وبتقولينا م تقلقو هو جاني براهو قال داير ايسكريم(داردمة) لبعد المغرب وقعد يتونس معاي انا قايلاكم عارفين والله ، يعني في اللحظات دي الواحد بكون ما عارف يمسكو يدقو و لا يحمد ربنا و لا يشاكلو ، عارفين الاحساس دا والضغط النفسي البتعيشو ف اللحظات دي بدافع الفرحه مع اختلاط الخوف ، بخليك داير تتصرف كدا بس في نهاية كل فعل بنختم كلامنا ب (الحمدلله)..
طبعا الفطور راح علينا ، صلينا وجينا اكلنا ، شوية مافي ،العشا اذن ، ابوي قالينا التراويح بنمش نصلي في جامع انس الجمب عمتكم ، قومو اجهزو .. ( ابوي في فترة من عمره كان مغترب سعودية ، رجع ليهو سنين ، حالياً عنده مشتل كبير شديد ، و كل فترة بيمشي الابيض 'الغرب'، بجيب اصايص وحاجات زي دي ، واشتغل في متحف شيكان فترة و بقت علاقتو قويه كمان بالمتحف داا ، المهم يعني هو مريحنا شديد من ناحية بيت فهو مؤسس لينا تأسيس صح موفرين لينا كل حاجة ، اما ، امي فهي زوله شباب كدا ، براها اشتغلت علي نفسها و فتحت مشغل 'كوافير' .. اما عائلتي من الجهتين محبوبين بس انا الكنت انطوائيه وكل شي حتعرفو )

لمن بابا قالينا حنطلع بدري والصلاه اتضايقتا ، ما قادرة اقعد براحتي عشان اكلمه ، اسي بكون زعل مني يا ربي ،
مشيت لي ، لدينا،، قلت ليها :
*اسمعي يا لولو ما بينفع نصلي في البيت ياخ مشوار و مالي مزاج امشي ناس عمتي وبكرة عندي مدرسة بدري ..
_ ما بعرف اي شي انا معاكم ،

ماشين ارح ، قاعدين اقعادكم
*وووب م معقوله انتي نظام معاهم معاهم ، عليهم عليهم
_ في زول في الباب سامعه !!
*وووااي يا لولو يا رب يكونو ضيوف ياخ انا بالجد م لي مزاج طلعه ، نصلي هنا الليله
_اسكتي خلينا نسمع ....
*اهممممم🙊
_انا طالعه اشوف
في اللحظة دي انا فكرت بيني و بين نفسي اني انتهز الفرصه و ارسل الرساله ، بس مشيت اشيل التلفون ما لقيتو ، طلعت براا ،قلت انادي لولو اعرف منها وين ختتو ..
طلعت برا سمعت الضحك و والونسه ، طوالي تاوقتا لقيتو دا عمي احمد (صاحب بابا) و مهند ولدو .. حمدت ربنا انو مشوارنا اتاجل ،، طلعت سلمتاا ، قلت لي لدينا ،اديني تلفونك خاته وين ؟
بابا قالي دايرة بتلفون اختك شنو بكرة تبوظي ليها زي الفات داك سنه قدام ما حنخلص من نقتا ، قلت ليهو دايرة اعمل تلفون و م عندي رصيد ،، قالي تعالي هاكي
طلع لي كرتين زين ، واحد لي واحد لي لدينا ، ياخ فرحتا فرح
.. لكن كان في زول متابعني شديد ..
عاينت بالشباك بتاع الصالون لقيت.............

باك للأستككانة~☕

#القتيلة_المدلله | يتبع .......