القتيلة المدللة

٣

فككيت الصصرخة ، بالله حسي جاب الحلة ال15 ، ياخ هبشتني كديسه في رجولي قطعت قلبي ، لمن بابا دا جاا لاحقني لمن لقاها كديسه قرب يشمطني كف مع انه عمرو ما مد يدو علي زول فينا ،، و ديلاك يعاينو ... فا .. في واحد منهم
من شافني قام ، كان قاعد علي رجلينو في الارض ، ومولع سيجارة .. بس حركتو لفتت نظري ،، ركبت العربيه و هو راسو زي مروحة التربيزة لافي معاي ، استغربت فيهو ، حسيتو اهبل ، جد جد .. 
بابا سبحان الله علق كأنه سامع صوت قلبي ، قام قال .. خسارة الرجالة ، ديل واقفين وقفتهم ديل من بعد المغرب ، الدنيا رمضان بدل يمشو ينتهزو فرصة الاواخر دي ،، قلت ليهو صحي يا بابا ، مالك انت المرة دي ما اعتكفتا ؟ 
قالي نسيتي رمضان الفات ، يوم امك اتزحلقت كسرت رجلا ، مالقيتو زول يلحقا ، ما بقدر اخليكم وان شاءالله ربنا يتقبل ،، ان شاءالله ، ووواي بابا انحنا نسينا لؤي كان سقناهو معانا ، قالي نايم اخوكي دا بقا بينوم كتير الايام دي ، ااي يا بابا الدكتور قال كداا العلاج قوي شويه ،، 
وصلنا المحل ، نزلت مع بابا ، اشترينا حاجاتنا ورجعنا ، وطبعا ديل لسه قاعدين جمب البيت ، بس المرة دي القاعد داك براهو ، اللي لمن شافني قام وقف من قعدتو .. 
( طبعا اكرر اي بنت بتقدر تحس بالاعجاب او شي فيهو مبادرة بيظهر ليها من غير م يكون في كلام او تواصل )
المهم ، دخلنا ، ونعسانه نعسه ما عاديه مع العلم اننا مداومين ، و بأعتباره بكرة اخر يوم وناخد اجازة العيد ..
شربت لي كباية لبن و دخلت رقدتاا ،، نمت م صحيت الا الصباح ، زي الساعه 8:13, مشيت عشان اصحي رودي اتخذلو لقيتا صاحية وفاتحه شباكا و تتاوق ، قلت ليها صحيتي ؟ 
لمن قامت ناطه ،، و بقت تتمتم .. 
للل لوو لوووو هه اي اي صحيت قبل شويه ، فتحت اهوي الغرفه شوية ،، 
طيب عادي مالك اتوترتي كداا ، المهم اجهزي عشان بابا حيوصلنا معاهو في سكتو ، قالت لي طيب طيب اطلعي خليني اللبس (حسيت انها بتخارج فيني).. 
المهم طلعتا من غرفتا ، صليت وجهزتاا ،، طلعنا انا وبابا منتظرين رودي ، بابا قالي انا راجع نسيت وصولات تبع الشغل ، لحظة ، قلت ليهو طيب منتظراك .. 
واقفه وساندة ضهري علي العربيه ،، سمعت صوت من خلفي .. 
_السلام عليكم 
*(اتفلت بتثاقل) .. و عليكم السلام 
_صباح الخير 
*(بعاين اتجاه بابنا ) صباح النور !
_ازيك ؟
*حمدلله 
_انا #هشام ، ولد جيرانكم ساكن في البيت دااا 
*(طبعا انا عرفتو باحساسي لانو شكلو م كان ظاهر ، وغير كداا ولد حلات الدنيا عليهو ماشاءالله تبارك الله ) .. قلت ليهو ،، اممم مرحب بيك 
_اسف لو ازعجتك !
* ااااا عادي بس اا ...
_اي عارق قصدك ابوكي لو جا وكداا ، علي العموم حبيت تعرفيني بس ، يلاا بنتلاقااا ......*مشا

استغربتا فيهو ، شخصيه كدا ما مفهومة نهائي بس م عارفه ليه م اتمنيتو انه يمشي .. بس سبحان الله ، هو فات كداا بابا و رودي جوو، اخدت نفس كدااا وارتحت .. 
ركبنا العربية ، و القرآن شغال ، بقينا انا وبابا مركزين مرة نستمع مرات نقرا مع الشيخ الزين الحافظنو كداا ، كل م اعاين القا رودي دي مدنقرة في تلفونا ، ياخ في عالم تاني ، مرات بحس اني عايزة اكسر التلفون بقيت بكرهو شديد طول الوقت بقت ماسكاهو، انا الاكبر منها مرات بنسي مكان تلفوني ، ما اتعرفت علي مواقع التواصل الاجتماعي الا قريبات دا و من عيوشة البتجينا كل خميس و ترجع الجمعه .. قامت قالت ل بابا انا عايزة قروش ، قاليها امس انا اديتك و قبلو ، بتصرفي في شنو ؟؟ قالت ليهو عندي طلبات دايرة اجيبا ، قاليها طيب ، طلع 400 كل وحدة فينا 200 ، قالت ليهو بابا ليه كل مرة انا اطلب ، تقوم تدي لدينا زي و هي اصلا م طلبت ، قاليها انا ما بفرزكم من بعض زي ما بديك بدي اختك زيك و كان انتظرنا اختك تطلب لامن تقوم القيامة م بتطلب جنيه ، شيلي قروشك يلااا ..
سامعه اطراف الكلام بس م مركزة في المضمون ، بتجيني سرحه كداا لمن اعاين للتلفون كدا بتاع رودي يعني كحركة لا ارادية بس اللهم عيني وقعت عليهو ، تدس الشاشه سرعه او تعمل فيها بتصلح قعدتا .. 
المهم وصلنا ، والجو كاتم كدا بس حمدلله ايام رمضان دي اجر و عافيه ، قلت لي رودي بتمشى معاكي لحدي القاعه ، بي نفور قالت لي لالا ، امشي انتي و علي تلفون ، ومشت خلتني قبل ارد ،، 
مشيت علي كُليتي ، اتجهت علي القاعه ، لقيت شبه ان مافي زول والمفروض المحاضرة تكون بدات من 12 دقيقه ، رجعت قعدت في البينش البرا ، و اشيل واتلفت دي مشكلة عدم الرفقه ، المهم جاتني وحدة يعني بعرفا شكلاً من خلال تواجدها معانا ، اسمها تسابيح ، قالت لي مالك قاعده كدا ؟ 
قلت ليها مش مفروض في محاضرة الليله ؟
قالت لي هي واحدة و ملغيه جاين حوامة ساي وتغير جو ، تعالي اقعدي معانا انا وشلتي ، قلت ليها اا لالا مرة تانية ان شاءالله ، تسلمي كتير علي التنبيه ، بنتلاقاا تاني ان شاءالله ، ومشيت ،، احترت كدا قلت اكيد ، ردينا م حتخلص اسي ، بس افضل شي اعملوو امشي قسم الاداب و انتظرا برا لمن تخلص ،، فعلاً ماشة كداا ، من وراي سمعت صوت بقول لي : لو سمحتي !!
عاينت وراي ، لقيتو دكتوري (معيد) ، استغربتا .. قام قالي انتي ما عارفه انه الليله المحاضرات مكنسله ولا جايه صياعه !
استغربت من اسلوبه وان كتار جو من دفعتنا ليه م اتكلم معاهم ،، قلت ليهو لا م كنت بعرف الا بعد وصلت الجامعه ، عن ازنك .. قالي ، انتي اسمك منو ؟ 
قلت ليهو ، لدينا ،، قالي اممم 
تحبي اوصلك ؟ 
عاينت ليهو من فوق لتحت واصلو ما هضمتو قدر ما حولت ابلعو ابا ينزل لي ، قلت ليهو لا شكراً ، عن اذنك ..... ومشيت 
علي ردينا ، مشيت عديل قعدت في بينش موازي للقاعه حقتا بحيث لمن تطلع تشوفني ، انا قاعده قريب الساعه و الجوعه قرصتني نع الصيام والجو كعب شديد 
 قلت اسلم حلو اغسل وشي واجي ،، اتجهتا علي المغاسل ، بس في الطريق دا في زي بينشات كأنها ورر القاعات دايماً بقعدو فيها ناس الخلط و الثنائيات .. و اذا به عيني تقع علي ردينا قاعده ليها مع واحد و الضحك الهزار بصوت عالي ...
مشيت عليها من شافتني صرت لي وشها ، جريتا من يدها ، نفضتا مني ، قالت لي دايرة شنو ؟؟ قدام الولد الانا اصلا م شفتو ..

قالت لي يا لدينا انا ما شافعه 
قلت ليها في نظري شافعه لو ماشافعه ما بتسوي كدااا.. ياتو يوم ابونا ربانا علي كداا ولا لو ماما يا ردينا شافتك كدا تفتكري حيعملو معاكي شنوو ، اعقلي احسن و يلاااا 
، قاليها ردينا اسمعي كلام اختك.. عاينت ليهو كدااااا .. سرحتا نهائي ما غريب علي .. قالت ليهو عشان خاطرك بس ، يلا باي علي تليفون 
، مشيت ونفسي كاتم .. ( بقلم/سحر سمير)
حرف ما اتكلمتو معاها ، ريقي ناشف 
اتصلت علي بابا ، قلت ليهو انحنا طلعنا بدري م عندنا حاجه ننتظرك ؟ 
قالي اوعي تركبو مواصلات انا مشغول لكن برسل ليكم العربية ، قلت ليهو كدا حتتاخر لكن ، قالينا لا انتظرو.. 
دخلنا تاني قعدنا ، و ردينا طلعت دفتر كدا قدر كف الايد ، لمن لقيتا متلهية بيهو ، سكت لمن العربيه جات اتصل علينا طلعنا ليهو.. 
عاينا كدا بأستغراب ، ركبنا العربيه و ساكتين لمن وصلنا ، لكن ولد حلاة الدنيا عليهوو ، ودي م اول مرة بابا يرسل لينا زول لمن بكون مشغول بس دا اول مرة نشوفو غايتو ..
المهم لمن وصلنا نزلنا .. 
انا دخلت و ردينا قالت لي لحظة اجيب اسكراتش من الدكان ، دخلت و خليتها ، انا خشيت سلمت علي امي و غيرتا و دايرة ابدا صلاه و رودينا لسه م جات ،، طلعت جمب باب الشارع لقيتا جاية والضحكة لحد اضنيها ... قلت ليها اتاخرتي ! قالت لي المهم جيت و دخلت .. 

استككانة 🌷~

#القتيلة_المدلله| يتبع ....