القتيلة المدللة

11

هشام !
ما اظن ، انا م متأكدة ما قادرة استحضر شكل الساعه فعلا ، بس الساعه دي انا نقيتا بعناية والخلاني اركز فيها اني احترت بينها وبين وحدة تانية ...
شلت الخرز في يدي و قمت زي المجنونة ، بكورك بقول في شنو ما عارفه بس اللهم بصرخ زي البطرد فكرة ان ممكن يكون هشام العمل كداا ،،
جات عشه جارية ، و انا جارية علي الباب و بكورك ، امي المسكينه في اوضتا م قادرة تتحرك من جوا بتقوليها عشه امسكيها ، عشه امسكيها ما تعمل في نفسها حاجه ..
فتحت باب الشارع و طلعت حفيانه و جاريه و عشة دايرة تمسكني فلت من يدها ، جاريه لمن وصلت باب ناس هشام دا وقعت فيهو رزع و خبط ، و بكورك افتح الباب
افتحو لي الباب دا ، و لقيت ابواب الجيران هي البتفتح الصغير و الكبير واقف يعاين فيني ، بس فجاة الباب فتح
لفيت مرة كبيرة واقفة ، قلت ليها هشام وينو ، قالت لي طلع ،، ما كترت معاها كلام و لا رفعت راسي عاينتا لي زول ، رجعت البيت و قفلت الباب ، بالجد مدمرة ما قادرة استوعب الحصل دا كلو لحد اسي
ما قادرة بالجد للحظة كرهت هشام لدرجة اخدت قرار من اشوفو حشيل سكينة من المطبخ واشيل بتار اختي ، حبي ليهو ما شفع ليهو ولا حيشفع ليهو ،، بس هو حيقتلا ليه ؟
وهو بيقول لي ردينا اختي الصغيرة !!
بقيت بنادي في عشة ، قالت لي وطي صوتك امك دي بالجلاله نامت ، خلاص روقي يا لدينا براكي بتقولي ادعو ليها انتي الجايه تسوي كدا ،، قلت ليها ركزي معاي انا محتاجة افكر ، ساعديني ابوس يدك انتي الوحيده الممكن ترتبي معاي الاحداث لانك كنتي معاي خطوة بخطوة ...
قالت لي شوفي يا لدينا ، العمل كدا منو ؟
ما بالساهل نقدر نوصل لأجابه ، الانا بعرفو اسي هي ردينا ، ردينا يا لدينا لازم تتعافى و نعرف منها هي الحصل كلو ..
* انتي بتهزري يا عشه ! قالو ماتت سريرياً عارفه يعني شنو ؟
يعني شبه مستحيل ردينا ترجع لينا ..
_انتي التسمعيني هنا يا لدينا ، انحنا ناس مؤمنين بقضاء الله وقدره ، و عشمانين في رب العالمين والبعشم في ربنا ، ربنا ما بكسر بخاطر عباده و ربنا لمن يقول لحاجة كن ، بأذنه بتكون ،، كونك تيأسي من رجعة ردينا دا انا بسميهو ضعف ، ياما ناس وصلو الموت ورجعو ، تتزكري العملية الكنا متابعنها من فترة بتاعت زرع اادماغ كانت اول عمليه واول نجربه لقعيد و سجين محكوم عليهو اعدام ! ياما ناس قالو مستحيل و اسي نجحت ، انا اريد وانت تريد و الله يفعل ما يريد ، خليكي ايجابيه واتقبلي الواقع الفرض نفسه عليكي ...
و حاجة اخير حأقولها ليكي يا لدينا انا ما عارفه انتي ليه هاجمتي بيت جيرانكم بالشكل داا ، بس كونك تكوني انفعاليه وهمجيه دا م حل ، اتعاملي بذكاء مع القدامك اخدي الدايراهو من غير ما تتحسسي ، وحق ردينا حنجيبو ، حنجيبو
و انا ما راجعه الداخليه ، تاني حأقعد هنااا
..
* شكراً ليكي كأني كنت محتاجة زول يوعيني انا عمري ما مريت بتجارب واول تجربة امر بيها بالجد قاسيه شديد واكبر من طاقتي . اسمعيني انا ما لاقيه تلفوني ، دايرة اتصل علي بابا اطمن اعرف الحاصل شنووو ..
_لدينااااا !!
بمناسبة التلفون ، انتي تلفون ردينا وينو ؟؟
*صحي !!
ما شفتو من وقتها ولا لاقاني ،،،،
وقمنا جرينا الاتنين دخلنا الغرفه وبقينا نفتش م خلينا محل ، اخر شي حاولنا نرن من تلفون عشه ، الرصيد حقها خلصان ، بقينا نضرب اخماس في اسداس كل ما نقول ما نفكر في حاجة لمن نطمن علي ردينا ،
كل شي بحسو بيجرنا للتفكير ، حاجات كتيرة م مفهومة واولها ، زي ما بابا قال ، منو العندو ضغينة مع ردينا لدرجة الانتقام ، لا و ما اي انتقام ، دا قتل عديل ..
بس جريت غرفة امي نايمة و ماسكة تلفونا ، سحبتو من يدها براااحه ، و طلعتا ، وبقيت برن علي التلفون جرس و ما سامعين حاجه ولا حتي هزاز ، هو في جرس اذن التلفون دا موجود في حته ..
م لقيناهو لمن فترنا و رجعنا البرنده ، اتصلنا علي بابا ..
*الوووو السلام عليكن بابا
_ ردينا ... قصدي لدينا
*ايوة يا بابا ، ها طمني !
_مافي اي جديد يا بتي والله ، اختك عايشة علي الاجهزة و خايفين نسمع االصفارة
*ان شاءالله خير يا بابا والله ما بطلت دعا بس ربنا يجبر بخاطرنا ويرمم كسرنا و يعافيها
_اللهم امين ، امك كيف بقت ؟
*نايمة ، تنوم شوية و تصحا بكواريك شويه
_انا بجي بليل لبيت معاكم ما بخليكم براكم واختك بعد دا معاها رب العالمين وجودي ما ليهو اي لازمة
*قدر الله وماشاءفعل ربنا يطمن قلوبنا ..
_يلا خلي بالك من نفسك لمن ارجع و م تقلقو لو في اي جديد بكلمكم
*طيب في امان الله ...
_في امان الله ..

(في جانب مرينا عليهو قبل كدا )
_وووواي اسومة لبستك قرض
*احلفي ، يعني حتعجب محمد ؟
_حتعجبو ساي حتكسرو عديل ، دا العيد البجيب الحاجات الحلوة ..
*هييي من يومي حلوة
_ اسمعي يا مروة ، في شمار كدا سمعتو لكن ما بعرفو صح ولا غلط
*وااي احكي يا بت سريع ..
_اصبري
*اصبر شنو بتتلفتي كدي زي الحرامية
_ياخ اصبري
*اها ...
_سمعت محمد ببتكلم تلفون
* اهاااا
_ بصراحه قال ان ردينا اتقتلت و كان بتكلم بصوت واطي وحذر و بتلفت ، و بيقول للبيكلمه ، انت متأكد انها ماتت !
*واااي واااي لو الكلام دا حقيقه
_والله دا السمعتو من الخلعه م قدرت اسمع باقي الكلام و جريت عشان م يحس بي ، صراحه محمد دا مرات كدا بيخوف شديد
*اقوليك شي !!
اي نعم ما بحب ردينا دي لكن وجعتني ، كان جينا للجد البت مسكينه و ككل حاجه عملتا كانت مجبرة ، يعني ضحية زيها زينا بس الفرق انها قوية ، اقوى مننا و ما حقدر اقوليكي انها انقذت نفسها لان محمد ما خلاها.ّ...
_محمد !
اي نعم محمد كعب ، م عشان بحبو ، لكن محمد ما بيقتل يا اسماء ..
*اوثقي في نفسك احسن وافضل الدنيا دي ما تآمني فيها لزول ، حتي انا الجمبك دي م تأمني لي ..
_خوفتيني منه والله ..
*مشكلتك انه من جواكي عارفه هو شنو كويس بس حبك ليهو متسيطر عليكي و عامي ليكي عيونك ..
_ نغير الموضوع ، عبير جاية علينا ..
*طيب ...

تلفون ردينا وينو ؟
عشه ، عشه ، دايرة اسألك ، لمن نلديت هشام يعلق لينا الستاير !! معاي انتي ؟
_ اي اي معاك تمي ..
طيب لمن جا علق حقت الصالة ، دحل الغرف علق ستاير الغرف كمان !
*م اظن يا لدينا ، انا وانتي طلعنا من المطبخ
و جينا وقفنا معاهو ومعانا خالة آمنة ، لمن انتهى و مشاا ،
ورجعنا تمينا شغلنا ....
الباب الباب يا عشه ... ووووواي كيف راحت علي يا عشة الباب ......