القتيلة المدللة

٥

س سس سسكين ششنو
يا لؤي كدي قول بسم الله يلا يلا امرق من تحت التربيزة ، عشان حنطلع اوديك محل الايسكريم دالك تتزكرو انا كلمت بابا و وافق
يلاا حبيبي انا فالح اطلع ، اديني يدك ..
طلع ،، و ماسك فيني ، عارفين احساس الامان داك ؟ طيب عارفين احساس الشافع البكون ماسك في توب امه ومكنكش قوي ؟
لؤي كان متشبث فيني بالقوة دي ، لمن قلت ليهو ارخي اصابعك ، وهو يقول لي جاني جاني انا شفتوو ...
انا من جواي اترعبته و خفتا شديد
بس بقنع روحي ان لؤي دا شافع و عيان و عنده حبوب مرات بتهلوس بيهو علي حسب كلام الدكتور ، بس البقنع احساسي شنو ؟
لو لؤي بتخيل ، الانا شفتو دا شنوو ؟
رفض نهائي يقعد في غرفتو ، جراني و طلعنت براا ، ماما شافتو اتخلعت ، قالت ليهو لؤي حبيبي انت كنت وين و عيونك ، مالك وريني ؟
قلت ل ماما روقي ،، مشيت غسلت ليهو وشو و جيت وحلف ما يتكلم جمب امي ، لمن حيرني عديل ،، ماما لمن تمش بقول لي نفس كلامه ، بقيت اقوليهو دا كابوسّ
انساهو فالح واذا ما داير تنوم بهنام تعال نوم معاي الليلة . فرح ، فرح ماعادي ..

في اللحظة دي بابا جا داخل
ومعاهو السحور ، شايفنا صانين ، بس من جا داخل ، قالينا النور البرا دا الصلحو منو ؟
انا لمن طلعتا كان مولع ،، ماما قالت ليهو ، كالعاده انت و بتك بتركزو في الفارغه ، صدقوني الكوبس دا كعب بولع و يطفي علي كيفو م تظتغلو بيهو ، تتزكرو من المطرة ديك بقى بعمل ليهو في حركات ّ
،، اما انا متذكزة كان اخر مرة عاينت لقيتا طافية ...
البيحصل دا شي غريب شديد
,المهم لحد وقت السحور الوضع كان تمام شديد ، اتسحرنا و كل واحد مشا علي سريرو ما عداا انا لؤي ما سابني اصر انه ينوم معاي ، وانا معاي كويسه بفرح لمن زول ينوم معاي ،

المهم قضينا ليلتنا حمدلله علي خير ماف اي شي حتي نمت من غير اي تفكير او ارق ..
جسنا تاني يوم بالعصر قاعدين في الصاله حقتنا الجواا ،، طبعاً بابا في الشغل ،
جات ردينا لامي ، قالت ليها ماما عايزة منك طلب ، قالت ليها بركة الشفنا وشك يا ردينا بقيتي طوالي قافله الباب دا عليكي ومحشورة جوا غرفتك يا ردينا ،، قالت ليها ماما انا مصدعه ، وانتي عارفه ان الصيام ما بينفع معاي عشان الانيميا طوالي راسي دايش ، قالت ليها ما براكي ما دايرة تاخدي علاجاتك واكل زاتو زي الناس ما قاعده تاكلي ،، قالت ليها طيب يا ماماا
ححاول اقلل من قاعدي الكتير في غرفتي ،، طيب يا رودي بتمني ما يبقي مجرد كلام ساي ، اها كنتي دايراني في شنو ؟؟
امممم ماما انا دايرة قروش و طولتا ما طلبت منك ولا اديتيني ،،
قالت ليها : اجيييي ! انتي كل يوم بقيتي تشيلي من ابوكي تشيلي تاني مني لشنو ؟ قروشك دي لو ضربتيها بالشهر حتطلع اكتر من الناس البتشتغل و طافحه الدم طول الليل والنهار ..
ماما بسم الله كل دا عشان طلبت قروش !
ما تحسسيني اني بخيله ولا بحسب ليكي قرش ابوكم بديكم وانتي م قعدت تطلعي من البيت دا الا بالتلتله وريني بتودي قروشك وين ؟
ماما جد شكرا ليكي انا ما دايرة حاجة ..
لحظة يا رودي لمن اكون بتكلم معاكي م تديني ضهرك فاهمه ؟
و حاجه تانيه ، بعد الفطور سايقاكم السوق عشان نجيب حاجات العيد و انا الحأجيبا ليكم ، الدايراه بيه القروش دا بعدين بنشتري سواا ...
لالالا يا ماما لو عايزة تديني ، اديني اسي
انا عندي حاجه دايرة اجيبا بطريقتي ،، ماما قالت ليها خشي غرفتي جيبي الشنطة البنية من فوق التسريحه .. قالت ليها حاضر و جرت جري ..
فعلاً جابتا و جاات ، ماما ادتا حوالي 300 جنيه ، طوالي شالتا و جرت غرفتا الا ماما وقفتا قالت ليها اصبري رجعي الشنطة دي في محلها ،، جات رجعتا و مشت غرفتا تاني ..
خلصنا برنامج الفطور ، وبدينا نجهز لطلعه السوق ، لبسنا وخلصنا و كنا منتظرين امي قاعدين في الصاله انا و لؤي و ردينا
بابا و ماما لسه ما جوا ..
مشيت المطبخ جبت عصير لي لؤي و م لقيت ردينا قلت بتكون دخلت غرفتاا ، و قعدت مع لؤي لمن ناس ماما جوو ، مشيت جمب غرفة ردينا قلت ليها يلا يا رودي ناس بابا جاهزين ، و مشيت طوالي ما انتظرت ردها ، سقت لؤي و طلعنا قدامهم ...
واقفين و اللمبة مولعه غير العاده ، بقيت بتمشي كدا حولين العربيه و سور بيتنا ،

بس لمحت ردينا بي جمب البيت في الزوايه الطوالي بشوف فيها الضل ، مادياني ضهرها
و ....

استتكانة ...
#القتيلة_المدلله | يتبع .......