القتيلة المدللة

١٧

قلت ليهو بيكون وصل يا بابا .. 

قالي لا سوفيهو قبل اتحرك من جمب الزول ، قلت ليهو طيب لحظة خليك معاي .. 

فتحت الرسايل ،، لقيت [انشاء رسالة]

استغربتا انا متين عملتا كداا ؟

تلفوني دا انا ما بستخدمه يعتبر ، انا للان فيس ما عندي واتساب عملتو لي ردينا !! ردينا !! ردينا !! رديناااااااااااا!!!!

*فلاش باك*

*لولو عندك رصيد ؟ 

اممممم دايرة بيهو شنو ؟

*دايرة ارسل رساله ل..

طيب طيب بتلقي تلفوني في سريري في الشاحن بس اول خلصي العصير المغرب قرب يأذن 

*طيب .............. 

خلصتا العصير و طلعتو في التربيزة براا و جري علي غرفة لدينا اختتي ،

مسكت التلفون ، وعملت انشاء رساله ودخلت الرقم ككداا ، المغرب أذن ... 

سمعت صوت ابوي برا ، طوالي جدعت التلفون في مكانه وجري طلعتا ...

اكيد انتو متزكرين اليوم دا

بقيت قاعدة و بقول ، ردينااااا ، ردينااااا 

و بابا في الخط ، بيقول لي ردينا مالها ، لدينا ردي علي يا بت الووو الوو ..

رديت عليهو ، ايوة بابا معاك ، اسفه ، قالي ردينا مالها في شنوو انا اسي جاي من عندها و كانت بخير ، قلت ليهو بس انا في غرفتا اتزكرتها اتأثرتا بس ،، قالي انتي في البيت !!!!!! جابك منو ، جيتي متين ؟ 

قلت ليهو كنت مصدعه شديد اضطريت اخد امجاد و ارجع و كنت حأتصل عليك بس م معاي رصيد ،، قالي لمن اجي اتفاهم معاكي ، قلت ليهو طيب ف امان الله .. 

ماما جات خبطت علي ، قالت لي يا بت انتي هنا ؟ قلت ليها ايوة ماما في غرفه ردينا ، قالت لي مالك في شنو افتحي الباب دا مالك متربساهو ، قلت ليها ماما اتزكرت حاجه جيت افتش ليها ، خليني دقايق بس بجي يا ماما ، قالت لي امرك عجيب ، قلت ليها معليش .... 

مسكت راسي ، صداع داير يفجر مخي لمن عيوني رقرقو ، بقيت ضاغطه علي راسي بي يدي ، و بحاول اتذكر ، الرقم دا اكيد ردينا بتعرفو ، عملت ليهو اسكرين ، و دخلت علي الرسايل قلت يمكن مرسله ليهو حاجه ، م لقيت غير رسايل الشركة و دخلت دليل المكالمات نفس الشي ما لقيت حاجه .. قعدت ابكي بحرقه ، بالجد قدر شنو ربنا ما بيرضى بالظلم و لو بعد الف سنه الدنيا دي دوارة واالحق هو البينتصر .. 

ربنا في لحظة نور بصيرتي والهمنني بحاجه انا ما عارفه انا نسيتا كيف او راحت من بالي كيف و اتزكرت #المزكرة

جيت عشان المزكرة لقيت حاجه تانيه ، قمت رجعت الملابس في الدولاب ، و قعدت في السرير ، دخلت متجر بلي ، بفتش في كاشف الرقم ، لقيت نمبر بوك ،، فتحتو و دخلتا الرقم م ظهر لي اي اسم او معلومات ...