القتيلة المدللة

7

بفتش تاني يوم لقيتو اختفى ..
عندي تلفون م شغاله بيهو ، جبتو فتحت فيهو القرآن و خليتو في الغرفه ، ولاننا مكركبين نضافه عيد و خبيز و امورنا جايطه شديد ،حاولت اتلهى بالشغل او بمعني اصح غصباً عني اتلهيت بالشغل ..
يلا في زي الساعه 33 كداا ، جات خالتي بالخبيز لامي ، و جاتنا عشوشه تتزكروها ، بس خالتي الجات دي اخت امي الصغيرة ،
ما ام عشوشة ، ام عشوشة في النويلة ، جاتنا تقضي العيد معانا ..
اها جاتني الخ امة قالت لي داير تخش غرفتي تنضفا ، قلت ليها ابدي بي غرفه ردينا اول ، قالت لي ردينا ابت تفتح ليها الباب ،، قلت ليها كيف الكلام داا ، قالت لي والله دا الحصل ، عشوشه قالت لي اختك دي لسه ما عقلت ، سلام ما جات سلمت علي لحد اسي ،،
خالتي كوركت في امي قالت ليها انتي بتك دي خربتيها بالدلع طلعت ليك خايبه ، اسي بدل تقوم تساعد و لا تسوي ليها شغله علي قوله عشوشة سلام الله دا ما جات رمتو علينا ،،،
قمت علي حيلي قلت للخدامة تعالي معاي ،
مشيت خبطت عليها كتير ، ما بترد ولا بتفتح الباب ، ختيت يدي في الاكرة لقيتو فتح ، قلت ليها انتي ما حاولتي تفتحي ؟
قالت لي لا افتح كيف من غير ما تقول لي ، قلت ليها طيب ، دخلتا ودخلت براي ، بالجد عايزة اقوليكم ان غرفتا في حاله لا يرثى لها ، لدرجة ملابسا كلها في الواطه ، ملاية السرير في الارض ، الاوضه كاتمة من ريحة الشراريب والجزم والله يا ناس ردينا عمرها ما كانت ككداا ، عمرها م كانت بالطريقه دي نضافة لدرجة تحسها في نفسها
بالجد انا من هنا اتاكدت ان في حاجه ما طبيعيه لحد اخر لحظة بليل انا دخلتا غرفتا دي كانت رايقه وهاديه ،،
الخدامة لمن اتخلعت ، قلت ليها ابدي نضفي انا بجي بساعدك اسي ، دنقرت رفعت الملايه من الارض و شلت المخدة عشان اطلع منها الاكياس و اوديها سلة الملابس ،، بس رفعت المخدة لقيت لي تلفون كدا ميني جالكسي صغير كدا شاشتو مكسورة وحالتو غريبه ، يعني م لفت نظري ، شلتو ختيتو في جيب بجامتي ، الخدامة قالت لي يمكن لو هبشت تجي تشاكلني ، قلت ليها لا ما بتشاكلك العيد جا خلاص والبيت كلو جايط انا اودي ديل الغسيل و اجي ، اختهم ليكي في الغساله ؟
قالت لي لالا دا شغلي انا ، انتي بتساعديني كتير انا دايرة احلل قروشي ، قلت ليها البيت كبير وانتي بتتعبي و انا بمبسط لمن اساعدك عادي ،، يلا يلا ابدي وانا بجيب ليكي طقم تفرشي من تحت لملايات العيد ، لانو ما حنفرشهم اسي ،،
علي كداا طلعت و بالي مشغول علي ردينا طلعت وين و متين و ياربي كلمت ماما ولالا ، بقين دايرة اسال امي يمكن تكون عارفه بس خفت تكون م عارفه و تتخلع ..
المهم دخلت الساعه 44 عصر و ردينا ما جات بالجد حسيت بخوف شديد ، قلت احسن اتكلم ، قبل اتكلم لقيت ماما لابسه ومعاها خالتي ، قالتي لي ، اسمعي بعد تفطرو طوالي تخلي ابوكم يوصلكم لي ، انا بمشي من اسي المشغل بكون ملان و دا موسم ، قلت ليها والفطور ؟ قالت لي انا جهزت ليكم بس سحنو وتحلو العصير ،
و ما تتاخرو والا حأدفعكم زيكم زي الناس هه ،، قلت ليها طيب ،، قالت لي يلا مجرد ما اختك تجي تكلميها و تجهزوو ..
قمت ناطه ، قلت ليها تجي ! تجي من وين ؟
قالت لي نسيت م وريتكم وانتو قبيل بتتكلمو ، مشت مع مروة صحبتا تشتري حاجات العيد اليوم داك م اشترت ،،
ياداب ارتحت قلت ليها طيب حمدلله ،،
بعد طلعو ، بقينا انا وعشوشة برانا و الخدامه ، و هشام بيرن علي ، و بفصل فيهو ، عشوشه قالت لي :
_ردي ردي دا الحب شكلو
*وووب منك لازم يكون الحب يعني
_اااي لانك ما شفتي ملامحك دي كيف اتغيرت من اتصل حتي عيونك ضاحكة
*معقوله يا عشوشة للدرجة دي !
_اي بس ما اي زول بيقدر يعرفك
*والله لقيتك ما هينه الجامعه غيرتك
_ ههههه ماف زول بفضل علي حالة يا لولو غصبا عنك عيونك بتفتح لحاجات يمكن قبل اوانها ،، و علي فكرة انا برضو عندي حبيب * ووووب من وين يا بت ، بيقرا معاك صح ؟
_لا والله ، بس تصدقي لو قلت ليكي كنت بطلع من الجامعه بلقاهو واقف لي ، طول السمسترين الفاتو ، لحد مافي مرة جا كلمني و اديتو وش عادي يعني قلت بمنع شنة مدام هو عاجبني و شكلو شاري لو ما كدا ما بتعلق التعليقه دي كل يوم يستناني في الشمس بس عشان يشوفني ..
*والله معاك حق غايتو ان شاءالله يطلع راجل سترة
_ان شاءالله ، اها احكي لي انتي يلا ..
*والله يا عشوشة يمكن انا قصتي ما بتختلف عنك كتير غير اختلاف الاماكن والشخصيات ، برضة طوالي بقيف لي جمب بيتنا وكذا مرة اتجرأ وجا اتكلم معاي ، بس الفرق اني من اول لحظة اتكونت جواي شويه مشاعر تجاهو ، وانا عارفه انه ما حيكون نصيبي
_اجي يا بت استغفري القسمة دي منو البيعرف تودي وين ..
*لا م كدا يعني انتي عارفه بابا ، انحنا كل حياتو ......
_اقيفي اقيفي يا لدينا انتي لؤي اخوك وينو من جيت ما شفتو ؟
*ياخ خلعتيني برااااحة في شنوو ، الليله مع بابا ساقو عشان م يشغلنا
_ياخ انتي عارفه اخوكي دا ، رغم انه داون لكن وجيه عندو ضحكة كدا بالجد مبالغه
*اصلا عسولي طالع علي اختو و علي فكرة شفع داون كلهم حلوين كفايه ضحكتهم
_لكن يا لولو والله ما قعد احس لوي دا داون ،
ذكي ماشاءالله و بتكلم بطلاقه وعقلانيه م عارفه لكن هو غير ..
*فعلا ربنا يحفظوو ،،، كدي ارد علي هشام يا عشوشه ... اذنك حبيبه ..

*الوووو ....
_وينك انتي قلقتي بي ياخ
*هشام قلقت بيك كيف وانا بقفل فيك
_اول مرة تسويها عشان كداا
*حقك علي
_اشتقت ليكي والله
*وانا كمان
_ لدينا داير اتكلم معاكي في موضوع
*اسي معاي بنت خالتي حتقعد معانا ايام العيد دي و م بينفع اتكلم معاك واخليها بهناك براها ما صح
_طيب انا عندي كلام بس اسمعي للاخر
*خير قلقت بي
_خير ، خير ،، شوفي ي بت الناس انا دايرك والله وعشان بكد الحجر ، بس انتي عارفه وضعي حالياً ، وغير كداا امي رافضه موضوعك ،رغم اني وريتا انك موافقه علي هي رافضه بس دايرك تجي بيتنا و تتكلمي معاها و .. .... *قاطعتو
* ااااا هشام ، اا الموضوع دا اسي ما وقتو و اا انت عارف يعني ، بصراحه ما عارفه اقوليك شنو لكن ااااا .... *قاطعني
_م تقولي حاجة الظاهر انك متفقه مع امي ، المهم سبب اتصالي الاساسي هو اني لازم اشوفك بعدين عندي حاجه داير اديكي ليها
*صعبه ، انا طالعه مع البنات مشوار و حيكونو معاي صعبه شديد ..
_ما بأخرك ، لو بتحبيني اقبلي ، دقايق ما حاخد منك وقت كتير .
*طيب ، حاضر ، يلا انا حأقفل عايزة اتصل علي ردينا اتاخرت شديد
_ ااااااا ل ليه هي وينا ؟
* ما بعرفا طولت براا ، من الظهر برا مقلقه بي
_امممم يمكن طلعت مع صحبتا
*وانت عرفت كيف ؟
_ مم م كيف عرفت كيف عادي انتو البنلت بتطلعو مع بعض يعني مافيها شي
* ايواااه ، لالا تمام ،، يلا لبعدين
_باي
*باي

استككانة ...