القتيلة المدللة

8

خشيت المطبخ ،،
شلت تلفوني و بقيت اتصل علي ردينا ،، م بترفع و مرة يديني خارج التغطية ..

( في جانب تاني )

*انا ما عندي حل تاني ، حتى دهبي بعت ننو واديتك الباقي ..
_خلاص يا ردينا تتحملي البجيكي ..
*انت ليه بتعمل فيني كدا ؟ انت قايلني ما بقدر ابلغ عنك ؟
_ هاهاهاهاهاها ابقي بت ابوكي بلغي ، ولا اقوليكي بلغي ، بلاغك دا تبلي و تشربي مويتو منو حيصدقك ههههه
*انا ما دايرة معاك مشاكل انا في غنى عنها خليني في حالي و اعتبرنا ما اتقابلنا قبل كدا
_ نفذي طلبي وانا حعتبر اني مالاقيتك قبل كدااا
* وانا قلت لا ، كفايه المرحله الوصلت ليها بسببك كفايه ياخ ارحمني وارحم نفسك ..
_ طيب خليكي فالحه و اسمعي الكلام
* وانا قلت لا يعني لا و ما تخليني اضطر اسوي حاجه انا ما دايراها تمام
_اووووه شايفك انفعلتي ،، طيب اعصابك
*عن اذنك انا اتاخرت لازم اخش البيت
_ اممممممممم لا
*لا منتظراك تقولي لا مجنون انت ولا شنو كفايه لحد هنا اذا كنت ساكته ف دا بمزاجي ، واذا قايلني ضعيفه و ما حقدر اسوي حاجه غلطان يا بابا ، ابسط حاجه اقدر اسويها حمشي اكلم بابا بحقيقتك الوسخه دي ،
و دي ابسط حاجه ممكن اسويها دا غير الفلاش والتسجيلات ، عشان كداا قصر الموضوع دا و ما تخليني اضطر اشوف وشك دا تاني فاهم ولالا ... عن اذنك

المغرب اذن والاذان خلص ، حتي ردينا جات داخله البيت ..
سلمت علينا ، و اغرب شي جاتني اول وحدة حضنتني و باستني وانا واقفه ، قبل تخش غالبني اقيف ولا اقعد حتي ما حللت صيامي ، لمن شفتها ارتحتا .. سلمت علي عشوشه و خاله آمنه لاول مرة ..
انحنا بنحب نفطر في الارض ، طوالي جات و ربعت في الارض ، عاينت لي قالت لي مالك واقفه كداا ؟ تعالي اقعدي .. و زحت لي جمبها ، قلت ليها اتناول جك العصير واجي
،، جلتو وجيت قادنا نفطر و نتونس و احساسي اتغير °360 ،،
خلصنا و صلينا ،، و طوالي لبسنا ..
ردينا براها جاتني قالت لي منو رتب لي غرفتي ، خالتو امنة قالت ليها اناا ، قالت ليها نعليش لقيتيها في حاله كعبه ،
كنت بفتش في حاجه ف الدولاب عشان كداا ........
صراحه انا بيني و بين نفسي احترت من تبرير ردينا اختي ، كأنها رجعت ردينا الزمان ديك الحنينه القلبها ابيض ،، احساس زول عايش ومتعايش مع انفصام حاد ، دا الحسيتو في رديناا ، لكن حمدت ربنا ، هي دي اختي البحبها شديد ...
لبسنا عباياتنا واخر قشرة ،، اتصلت بابا بعد لبسنا ، قلت ليهو وينك منتظرنك توصلنا ، قالينا مالكم م كلمتوني من قبيل ، قلت ليهو نسيت والله قايلانك حترجع بعد دا ،،
قال لا مضغوط ،، ( م عارفه كلمتكم ولالا بس بابا بجانب شغلو حق الزرع و كدا بقا متطور لمحاصيل و مشاريع ورود طبيعيه و تصدير و كدا و تغليف للاعراس والمناسبات ، فاا دا كلو حقو ما عندي شريك ولا ف زول بفهم في مجالو دا بالساهل ، بس في البشتغلو معاهو )

المهم قالينا م تتحركو شبر ، انا حأرسل ليكم عربيه تبع الشغل توديكم المكان الدايرنو ،و حرسل معاهو قروش ،، قلنا ليهو تمام ..
قعدنا نتصور م خلينا سنابات م خلينا حاجة ما عملناها ، حقيقي انا حاسه اني لي زمن ما حسيت الاحساس داا .. بس هشام مسكل علي ، انا نسيتو اصلللاً ..
قلت للبنات لحظات اسي بجي ، زاتو ما اشتغلو بي ،، اتسحبت طلعتا ، لقيتو واقف لي من فتحت الباب لمن اتخلعتا قلت ليهو كراعك خفيفه زي الحرامية ، حسيتو ارتبك كداا ، قالي الله يسامحك ،،
قلت ليهو بهزر معاك ياخ .. قالي هاكي ، قلت ليهو دي شنو ؟ قالي حلة ملاح ،، حيكون شنو يعني يا لدينا شوفه عينك افتحيها وشوفي الجواهاا .. بس شفت نور عربية جاي علينا
قلت ليهووو وووب ووب طير من هنا بسرعة بسسرعه ..
فعلا في ثواني هشام دا اختفى ماشاءالله عليهو ، دخلت ولذيت الباب و قلبي دا في يدي ، وجري دخلت شلت شنطتي من جمب البنلت ، قلت ليهم يلاا العربيه جات ،، عشوشه انتبهت للعلبه في يدي ، طوالي دخلتها في شنطتي ، وقفلت عليها ،، طلعنا برا ، فعلا ياها العربيه تبع بابا ،،
مشغل اغاني في العربيه ، العربيه م حقتنا حقتو لكن تبع ناس بابا برضو اظن بشتغل معاه ،، المهم نفس الولد الجابنا المرة الفاتت
قلت ل ردينا اركبي قدام ، رفضت
فتحت الباب وركبت ورا وانا ركبت قدام وعشوشه وراا ،، قلت ليهو لو سمحت ممكن تقفل الاغاني دي الدنيا رمضان ،،
بالله حدر فيني حدرة كدا لمن خفتاا ، و ردينا دي صنت وعشوشه تتونس براها حسينا الجو كتم .. المهم وصلنا ، و اداني القروش ،، ونزلنا ، عاينت لقيت جمب مشغل ماما فتح محل اكسسوارات رجاليه ، قلت الا اخش ، فعلا سقتهم معاي ، وكنت متوقعه رودي تسالني لمنو ، لكن نهائي م سألت ، اتفرجت معانا عادي ، اشتريت ساعه وخاتم وجينا طالعين ..
مشينا ل ماما، ماشاء زحمة شديده ، البنات العندها رحبو بينا ، و قعدونا ، نتونس ونهزر لمن جا دورنا .. انتهينااا